Mavzular matni

«Glazgo» shkalasi bo‘yicha simptomlarni aniqlash

Ushbu shkala oddiyligi va obyektivligi bilan ajraladi. Unda es-hushning buzilishi uchta ko‘rsatkich (ko‘z ochilishi, og‘zaki javob, harakat reaksiyasi) bo‘yicha belgilanadi, buzilish darajasi esa ballarda hisoblanadi.
Ushbu test o‘tkazilishi natijasida olingan ballar miqdori quyidagicha sharhlanadi:
15 ball – tiniq es-hush; 13–14 ball – gangish; 9–12 ball – sopor;
4–8 ball – koma;
3 ball – miya o‘lishi.

Ayrim kasalliklar natijasida kuzatiladigan modda almashi- nuvining buzilishlari oqibatida yuzaga keladigan organizmdagi o‘zgarishlar metabolik koma deb ataladi.
Metabolik коmaning tashxisiy mezonlari

Т/r	sabablari	Tashxisiy mezonlari
1.	Qandli diabet	Og‘izdan atseton hidi kelishi, degidratatsiya, siydik- da yuqori miqdorda qand va keton tanachalari.
2.	Gipoglikemiya	Terlash, qaltirash, yuz giperemiyasi, taxikardiya.
3.	Uremiya	Og‘izdan «uremik» hid kelishi, degidratatsiya, teri qurishi, mushaklar tortishishi, to‘sh ortidagi og‘riqlar, enteropativa.
4.	Jigar yetishmov- chiligi	Og‘izdan «jigar» hidi kelishi, sariqlik, terida petex- iyalar, qon qusish, burundan qon ketishi.
5.	Miksedema	Yuz shishishi, bo‘yinda chandiq, teri qurishi, bradikardiya, tana haroratining pasayishi.
6.	Giperkapniya	Terlash, sianoz, bradikardiya, o‘pka patologiyasi belgilari.