Мазкур Қоидаларнинг рус тилидаги матни Ўзбекистон Республикаси

Мазкур Қоидаларнинг рус тилидаги матни Ўзбекистон Республикаси адлия Вазирлигида Давлат рўйхатидан ўтган (рўйхат рақами 1614 18 август 2006 йил). Саволлар туғилганда Қоидаларни рус тилидаги матнига мурожат қилиш лозим.

Электроэнергетикада назорат қилиш бўйича Давлат Инспекцияси ва Ўзбекистон Республикаси меҳнат ва аҳолини ижтимоий Ҳимоялаш Вазирлигининг қарори билан тасдиқланган «19» июль 2006 й. № 113/116

Электр қурилмаларни эксплуатация қилишда
хавфсизлик техникаси қоидалари

Мазкур Қоидалар электр қурилмаларни ишончли, хавфсиз ва самарали эксплуатация қилишни таъминлаш, шунингдек хавфли ишлаб чиқариш ҳолатларининг олидини олиш мақсадида Ўзбекистон Республикасининг «Меҳнатни муҳофаза қилиш ҳақидаги» Қонуни асосида ва Ўзбекистон Республикаси Вазирлар Маҳкамасининг 1992 й. 29 апрелдаги «Собиқ СССР қонуний баёномаларини қайта кўриб чиқиш бўйича ишларни ташкил қилиш ҳақида» 210 сонли қарорига мувофиқ ишлаб чиқилди.

Мазкур Қоидаларда ишлаб турган электр қурилмаларда хизматчиларга хавфли ишлаб чиқариш омилларининг таъсирини бартараф қилувчи асосий ташкилий ва техникавий тадбирлар келтирилган, шунингдек генераторларда, трансформаторларда, электр моторларда, тақсимловчи қурилмаларда, электр узатиш линияларида ва бошқаларда турли ишларни (эксплуатация қилишда, таъмирлаш, созлаш ва бошқа) бажаришда хавфли ишлаб чиқариш ҳолатларнинг ва бахтсиз ходисаларнинг бартараф қилиш имконини берувчи хавфсизлик чоралари аниқланган.
Мазкур Қоидаларнинг талаблари мулкдорлик шаклидан қатъий назар, электр энергияни ишлаб чиқарувчи, ташувчи ва тақсимловчи, объектнинг ускуналарида ишларни бажарувчи, шунингдек бу объектларга тааллуқли ишларни бажарувчи барча электр станциялар, барча идораларнинг электр тармоқлари корхоналари, илмий тадқиқот институтлари, лойиҳа, қурилиш монтаж ва созлаш ташкилотлари учун мажбурийдир.