Mexanizatsiyalash muhandislari instituti

Yerlarni rekultivatsiya qilish – buzilgan yerlarni vazifasi bo‘yicha foydalanish 
uchun yaroqli holga keltirish borasidagi texnik, meliorativ va agrotexnik tadbirlar 
kompleksi; 

---

175 
Yerlarni o‘zboshimchalik bilan egallab olish – yerlardan yer uchastkasiga 
bo‘lgan huquqni tasdiqlovchi hujjatlarsiz foydalanish; 
Yer uchastkasi bilan bog‘liq bitimlar – jismoniy va yuridik shaxslarning yer 
uchastkalariga bo‘lgan huquqlarini belgilash, o‘zgartirish yoki bekor qilishga 
qaratilgan harakatlari; 
Kadastr yig‘ma jildi — obyektning ko‘chmas mulkka bo‘lgan huquqlarni 
shakllantirish, hisobga olish va keyinchalik davlat ro‘yxatidan o‘tkazish uchun zarur 
bo‘lgan kadastr suratiga olish, texnik invetarizatsiya qilish va pasportlashtirishning, 
maxsus tekshirish va izlanishlarning, sifat va qiymat jihatdan baholashning hujjatlari, 
matyeriallari va ma’lumotlari jamlamasi; 
Kadastr plani — ko‘chmas mulk obyektining o‘rnashgan joyini, 
chegaralarini, binolar, inshootlar va boshqa topografik elementlarini aks ettiruvchi, 
umumiy qabul qilingan shartli belgilarda tuzilgan chizma hujjat; 
Kadastr raqami — yer uchastkasi, bino, inshootning o‘ziga xos, O‘zbekiston 
Respublikasi 
hududida 
takrorlanmaydigan 
raqami, 
u 
ko‘chmas mulkni 
shakllantirishda qonun hujjatlarida belgilangan tartibga muvofiq beriladi, va u 
ro‘yxatdan o‘tkazilgan huquqning yagona obyekti sifatida mavjud bo‘lishi davrida 
saqlab qolinadi; 
Ko‘chmas mulk — yer uchastkalari, yer osti boyliklari, binolar, inshootlar, ko‘p 
yillik dov-daraxtlar va yer bilan uzviy bog‘langan boshqa mol-mulk, ya’ni 
belgilangan maqsadiga nomutanosib zarar yetkazmagan holda joyini o‘zgartirish 
mumkin bo‘lmaydigan obyektlar; 
Ko‘chmas mulkka bo‘lgan huquqlarni davlat ro‘yxatidan o‘tkazish — 
yuridik va jismoniy shaxslarning jumladan bitimlar asosida yuzaga keladigan 
ko‘chmas mulkka bo‘lgan huquqlarining vujudga kelganligini, boshqa shaxsga 
o‘tganligini, cheklanishini (yuklanishini), bekor bo‘lishini tan oladigan hamda 
tasdiqlaydigan huquqiy harakat;