Microsoft Word Кобилов. Иктисод назарияси. Дарслик лот doc

4. O‘zbekistonning global muammolarni hal
qilishdagi ishtiroki 
Jahondagi konfrontatsiya qutblari o‘tmishga ketishi bilan va 
O‘zbekistonning mustaqillikni mustahkamlashdagi say’-harakatlari 21 
yillik taraqqiyot yo‘lida o‘z natijalarini berdi. O‘zbekiston xalqaro 
munosabatlarning teng huquqli subyektiga aylandi. Shu bois mamlakati-
mizning tenglar ichra teng munosabatlarda xalqaro majburiyatlarni Osiyo 
taraqqiyot banki Prezidenti X. Kurodaning ta’biri bilan aytganda, 
«halollik bilan bajarayotgan davlatga aylandi». O‘zbekistonning global 
muammolarni hal qilishdagi ko‘p tomonlama hamkorlik mexanizmida 
ishtirok etishi darajasi ortib bormoqda. Bu hol unga jahon xo‘jaligining 
faol va teng huquqli ishtirokchisi o‘rnini mustahkam egallashiga imkon 
bermoqda. 
O‘zbekistonning xalqaro tashkilotlarda faol ishtiroki ta’minlanmoqda. 
O‘zbekiston BMT boshchiligida yangi tahdidlarga, jumladan xalqaro 
terrorizm, uyushgan jinoyatchilik, narkotrafik, ommaviy qirg‘in 
qurollarini tarqatish, ekologik xavf va bir qator boshqa tahdidlarga qarshi 
kurashning global va samarali tizimlarini yaratish bo‘yicha tashabbus 
ko‘rsatishda davom etmoqda.
O‘zbekistonning faol ishtirokida dunyo mamlakatlarining terrorizmga 
qarshi kurashuvchi tuzilmalari bilan hamkorlik yo‘lga qo‘yildi va 
chuqurlashmoqda.
Terrorchilar sodir etayotgan inson huquqlarini qo‘pol ravishda buzish 
hollari xalqaro hamjamiyatning alohida e’tiborini talab qilmoqda. 

---

 634
O‘zbekiston BMTda inson huquqlarini terrorizmdan himoya qilish 
borasida mustaqillikning dastlabki yillaridanoq tashabbusini bildirmoqda. 
O‘zbekiston BMTning shafeligida, AQSh va Rossiya ishtirokida qo‘shni 
Afg‘oniston aholisiga yordam ko‘rsatishga, uni ijtimoiy-iqtisodiy 
tiklashga ko‘maklashish etish bo‘yicha harakatlarni kuchaytirmoqda. 
O‘zbekiston global moliyaviy-iqtisodiy muammolarni tartibga solish 
zarurligi bo‘yicha takliflar bildirib kelmoqda.
Mamlakatimizda tug‘ilishni ko‘paytirish va O‘zbekiston aholisining 
umrini oshirish muammosini hal qilish birinchi o‘rindagi vazifalardan 
biriga aylantirildi. Shunday qilib, O‘zbekiston global muammolarni hal 
qilishda xalqaro darajada ham, milliy darajada ham faol ishtirok etmoqda.