Microsoft Word mvmao uzk doc

Инвестиция таваккалчилиги деганда янги товар ёки хизмат, янги 
технологияни ишлаб чиқиш ва жорий қилиш учун сарфланган харажатларнинг 
қопланмаслиги оқибатида кўриладиган таваккал зарар тушунилади. 
Таваккл капитал-бу фан-техника янгиликларини жорий этиб, янги 
технологияни ўзлаштириб, бозор рақобатига бардош берадиган янги 
товарларни ишлаб чиқариш учун таваккалга қуйиладиган (сарфланадиган) 
капитал. 
Таваккал капитал эгаси маълум иқтисодий хавфни ўз зиммасига олади, 
чунки янги ишга солинган капиталнинг нақадар фойда бериши ёки бермаслиги 
олдиндан аниқ маълум бўлмайди. Лекин капитал тусмолланиб, кўр-кўрона 
қўйилмайди, балки у янгиликка бўладиган талабни, бозорнинг умумий 
ҳолатини ҳисобга олади, безнес соҳасида маслаҳат берувчи фирмалар 
хизматидан фойдаланади. 
Таваккал капитални одатда майда бизнес вакиллари ёки уларга алоқадор 
йирик фирмалар қўяди. Таваккал капитал фан-техника ютуқларини ишлаб 
чиқаришга жорий этишда катта роль ўйнайди. 
Инвестиция объекти бўлиши у ёки бу товарни сотиш жараёнида унинг 
сифатини баҳолашдаги ўзгариш оқибатида кўзланган зарар хавфи инвестиция 

---

131
объекти (қимматли қоғозлар, қимматбаҳо нодир металлар, қўзмалмас мулк ва 
ҳоказо)ни тугатилиши таваккалчилиги деб аталади. 

---

132
6.3. Таваккалчиликни бошқариш 
 
Юқорида таъкидлаганимиздек, аксарият ҳолларда иқтисодий баҳолашлар 
ва бошқарув қарорлари кўп вариантли бўлиб, эҳтимоллик характерига эга. Шу 
сабабли хато ва янглишишлар бу жараёнда табиий бўлганда, барибир нохуш 
ҳолдир. Шундай шароитда менежер: 
•таваккалчиликдаги хавф эҳтимолини; 
•у хавф даражасини пасайтириш чораларини; 
•эҳтимол қилинаётган зарарни қоплаш йўлларини олдиндан ҳисоб-
китобини қилиши лозим. Таваккалчиликни бошқаришнинг моҳияти ҳам ана 
шунда.