Nizomiy nomidagi toshkent davlat pedagogika universiteti b. X. Xodjaev

Ichki pozitsiya (mavqe) – shaxsning kundalik ehtiyoji bilan 
uzviy bog’liq va hayotining muayyan davri faoliyatining asosiy 
mazmuni va yo’nalganligini belgilovchi ijtimoiy ko’rsatkichlari 
tizimi. 
Istiqbolni belgilash malakasi – ijtimoiy va bilish jarayonlarini 
rejalashtirish va boshqarish. 
Kalokagatiya – go’zallik, olijanoblik hamda jismoniy va 
ma’naviy boyliklar uyg’unligi. 

---

Kasbiy – pedagogik muloqot – pedagog va tarbiyalanuvchining 
o’zaro zich ijtimoiy – psixologik aloqasi tizimi bo’lib, uning 
mazmuni axborotlar ayriboshlash, tarbiyaviy ta’sir o’tkazish, 
kommunikativ vositalar yordamida o’zaro munosabatlarini tashkil 
etish hisoblanadi. 
Kasbiy tayyorgarlik – bo’lajak mutaxassisning psixologik, 
psixofiziologik, jismoniy hamda ilmiy-nazariy va amaliy 
tayyorgarligi. 
Kasbiy bilimdonlik – pedagogik faoliyat yuritish uchun zarur 
bo’lgan nazariy va amaliy tayyorlik birligi. 
Kibernetika – axborotlar almashish, ularni qayta ishlashni 
boshqarish haqidagi fan. 
Kognitiv – bilish jarayoni. 
Kollektiv – jamoa, umumiy maqsad yo’lida shaxslarning o’zaro 
munosabatlari, tashkiliyligi va intilishlari bilan bir-biriga monand 
turg’un sotsial (ijtimoiy) guruh. 
Kommunikatsiya 
– kishilarning o’zaro muloqotlarida 
axborotlar almashish tavsifi. 
Kommunikativ ko’nikma – muomala qila olish, pedagogik 
texnika malaka va ko’nikma tushunchasi. 
Kommunikativ faoliyat – pedagogning tarbiyalanuvchilar, 
boshqa pedagoglar, jamoatchilik vakillari, ota-onalar bilan 
maqsadga muvofiq o’rnatgan munosabatlari. 
Konstruktiv faoliyat – u o’zida konstruktiv mazmun (o’quv 
materiallarini tanlash va joy-joyiga qo’yish, pedagogik jarayonni 
rejalashtirish va tashkil etish), konstruktiv – operativ (o’zining va 
talabaning xatti-harakatlarini rejalashtirish), konstruktiv – material 
(pedagogik jarayonning o’quv-material bazasini loyihalashtirish) ni 
birlashtiradi.