O. Nazarbaev, b erejepOva, b. QalmuratOv İSBİlermenlik tiykarlari

qadag’alaw ushın sorawlar:
Bazar tu’sinigine anıqlama berin’?
1. 
Bazardın’ qanday tu’rlerin bilesiz?
2. 
Marketing izertlewleri degenimiz ne?
3. 
Marketingnin’ qanday wazıypaların bilesiz?
4. 
O’nimdi satıw ha’m bo’listiriw dep nege aytamız?
5. 
Reklama degenimiz ne?
6. 
Tovar satıwdı xoshametlew usılların aytıp berin’?
7. 
3-tema. Ka’Rxana (fİRma) xızmetİn
eKonomİKalıq tallaW
1. Ekonomikalıq tallawdın’ a’hmiyeti ha’m wazıypaları
2. Ka’rxananın’ ekonomikalıq jag’dayın tallaw ko’rsetkishleri
3. O’nimnin’ tu’rlerin, ko’lemin ha’m sapasın ekonomikalıq tallaw. O’nimnin’ 
o’zine tu’ser bahasın tallaw
4. Ka’rxananın’ bankrotlıq jag’dayg’a tu’siw sebepleri ha’m og’an qarsı 
gu’resiw ilajları
1. ekonomikalıq tallawdın’ a’hmiyeti ha’m wazıypaları
Ekonomikalıq utıslarg’a erisiw maqsetinde ha’r bir ka’rxanada 
materiallıq ha’m miynet resurslarınan na’tiyjeli paydalanıw, qarjılardı tejep, 
u’nemlep sarıplaw ha’m ele paydalanılmay atırg’an imka’niyatlardı tawıp, 
olardı iske salıw za’ru’r. Bul wazıypalardı orınlaw ushın en’ da’slep ha’r 
bir ka’rxanada ha’m onın’ bo’limlerinde xojalıqtı ju’rgiziw xızmetin ha’r 
ta’repleme, teren’ ekonomikalıq tallaw talap etiledi. Ha’r ta’repleme, teren’ 

---

43
ekonomikalıq tallaw ha’r qanday ka’rxana xızmeti u’stinen basqarıwdı alıp 
barıwdın’ negizi, onın’ ja’rdeminde ekonomikalıq u’nemlilikke erisiw ha’m 
xojalıqtı ju’rgiziwdin’ jan’a usılların engiziwge jol ashıladı.
Ekonomikalıq tallawdın’ tiykarg’ı wazıypası xojalıqtın’ ekonomikasın 
u’yreniw, onı ja’ne de rawajlandırıw, jetilistiriw, bar imka’niyatlardan tolıq 
paydalanıw, erisilgen tabıslardı ken’ en jaydırıw, jol qoyılg’an qa’te ha’m 
kemshiliklerdin’ sebeplerin u’yreniw ha’m de onı imka’niyatı barınsha 
saplastırıwg’a ja’rdem beriwden ibarat.
Solay etip, ekonomikalıq tallawdın’ wazıypalarına to’mendegiler 
kiredi:
buxgalteriyalıq ha’m statistikalıq esaplar tiykarında erisilgen tabıslar 
–
ha’m jol qoyılg’an qa’te-kemshiliklerdin’ sebeplerin u’yreniw;
ka’rxananın’ barlıq xızmetinde, ekonomikalıq rawajlanıw da’rejesin 
–
ha’m pa’tin u’yreniw;
utıslardan o’nimli paydalanıw, kemshiliklerdin’ o’z waqtında aldın 
–
alıw ha’m saplastırıw;
ayırım alıng’an xojalıq xızmetine baha beriw;
–
tallaw juwmaqlarına qarap, jumıs na’tiyjelerine ta’sir etken faktorlar 
–
ha’m sebeplerdi u’yreniw;
jumıstın’ na’tiyjeliligin asırıw, imka’niyatlardı izlep tabıw ha’m 
–
olardan tolıq paydalanıw;
aldın’g’ı ka’rxanalardın’ ta’jiriybelerine tayanıp xojalıqtı bekkemlew 
–
ha’m rawajlandırıwg’a ja’rdem beriw.
Usı wazıypalardın’ orınlanıwın ta’miyinlew ushın ekonomikalıq tallaw 
obektiv ha’m anıq bolıwı lazım.