Odam bo‘lish qiyin: roman va hikoyalar
Download 1.53 Mb. Pdf ko'rish
|
|
Odam bolish qiyin
197 , – U kelganda juda boshqacha bo‘lib ketasan. – Shumi? – Gulchehra yengil nafas oldi. – Shuning o‘zi ham katta gap. – To‘g‘ri, men uni... men uni yaxshi ko‘raman. – Uchi? – U ham. Ko‘pdan beri. Gulchehra shunday dediyu, sevinib ketdi. Ab dullaning bo‘lgani va ular birbirini yaxshi ko‘rgani qanday yaxshi! Yaqinda uchrashishadi, oz qoldi, keyin doim birga bo‘lishadi. Bundan ham katta baxt bormi! Lekin, lekin bechora Samad... Unga qiyin. O‘zi juda yaxshi yigit. Balki boshqa birovni sevib qolar? Qishloqda yaxshi qizlar ko‘p. Nurmat akaning qizichi? Biram chiroyli, biram yoqimtoy! – Meni kechir, Samad, – dedi Gulchehra uni yupatishga intilib. – Hech narsa deyolmayman. – Yo‘q, sen kechir. Gapirmasam bo‘lar edi. Shunday bo‘lishini kutgan edim, kechir... Xo‘p, mana uyingga ham yetib keldik. Samad darvoza qarshisida to‘xtadi. Gulchehra qo‘lini uzatdi. – Xayr. – Xayr, – Samad uning qo‘lini omonatgina siqib, tez orqasiga burildi. – Samad! – Nima? – To‘xta,– Gulchehra yugurib uning oldiga bor di. – Mendan xafa bo‘ldingmi? – Yo‘q, – Samad xomush jilmaydi. – Nega xafa bo‘lar ekanman? Yosh bola emasmiz. Xayr. Lekin Gulchehra uni qo‘yib yubormadi. – Baribir o‘rtoq bo‘lib qolamiza? Men seni o‘zimning eng yaqin do‘stim deb bilaman. Olmas Umarbekov 198 , – Men ham. Xayr. Oramizda hech qanday gap bo‘lgani yo‘q deb hisoblayver. Samad ketdi. Gulchehra u qorong‘ilik ichida g‘oyib bo‘lguncha ketidan qarab qoldi. U Samad ga hozir juda achinib ketgan edi. Lekin nima qila olardi. Agar Abdulla bo‘lmaganidachi? Unda ham shunday javob berardi. Samad yaxshi yi git, yaxshi o‘rtoq. Unga odam o‘ziga ishongandek ishonsa bo‘ladi. Lekin sevgi... sevgi bunga qarar midi? Yana Gulchehraning xayoliga qishloqdagi qizlar keldi. U birontasini yaxshi ko‘rib qolishi mum kin. Kishi muhabbat qo‘ymasdan yashay olmay di. Albatta birontaga ko‘ngil qo‘yadi. Gulchehra shu fikr bilan qanoatlanib, ko‘ngli joyiga tush dida, uyiga kirdi. Zumrad opa uni sabrsizlik bi lan kutib o‘tirardi. Ko‘rishi bilan yosh qizlardek dik etib o‘rnidan turib, qarshisiga yurdi. – Yaxshi o‘tdimi? Nima deyishdi? – Juda ham yaxshi o‘tdi, aya, – Gulchehra uni quchoqlab, yuzidan o‘pdi. – Biram qo‘rqqan edim! Shunaqangi savollar yog‘ilib ketdiki! Odamlarni aytmaysizmi? Zal liq to‘ldi. Ovqatim o‘choq boshi dami? – Men o‘zim olib kelaman. Sen charchagan san! Zumrad opa g‘izillaganicha o‘choq boshiga ketdi. Gulchehra buni istamasa ham, bu gal in damadi. Unga bu xotin juda yoqib qolgan edi. Al batta avval chiqishtirmadi, hatto ikkinchi marta uylangani uchun dadasidan xafa ham bo‘ldi. Le kin uning Alisherga, dadasiga bo‘lgan munosa batini ko‘rib, o‘zgardi. Odam bolish qiyin 199 , Zumrad opa asli oltiariqlik bo‘lib, tug‘magani uchun ikki yil turmush qurishgandan so‘ng, eri qo‘yib yuborgan edi. Uning Nurmat akaga qan daydir tanishligi bo‘lib, Mingbuloqqa ondason da kelib turardi. Saodat opaning yili o‘tgandan so‘ng, Nurmat aka uning haqida Yusuf akaga og‘iz ochdi. Yusuf aka rozi bo‘lmadi. Shunda rais urishib berdi. – O‘zingni o‘ylamasang, bolalaringni o‘yla sangchi! Qachongacha qizing uyga qaraydi? O‘qishi kerak, ishlashi kerak. Keyin, kichkina emas. Turmush qurib chiqib ketsa, nima qila san? O‘g‘lingni kim tarbiyalaydi? Bu gap Yusuf akani o‘ylatib qo‘ydi. Ayniqsa, ozib, rangi somon bo‘lib ketgan Gulchehrani ko‘rib, rah mi keldi. Bir yildan so‘ng to‘rtbesh og‘aynisini ch aqirib, osh qildida, Zumrad opani uyiga olib keldi. Uy birpasda to‘ldiqo‘ydi. Lekin Gulchehra ancha gacha uni «aya» deyolmay yurdi. Uni ko‘rganda o‘z ayasi esiga tushib, ko‘ngli buzilar, ba’zi paytlari yig‘lab ham olardi. Yusuf akaning: – Qizim, men Zumradni seni o‘ylab, ukang ni o‘ylab olib keldim. Yetim o‘smalaring, qarovsiz qolmalaring, deb olib keldim. Agar xafa qiladi gan bo‘lsa, o‘sha kuniyoq javobini berib yubo raman. U bunday qilmaydi. Bolasiz odam bola ning qadrini biladi. Keyin o‘zining mehribonligini ko‘ryapsanmi? Senlarni ko‘rganda oyoqlaringga yiqilib poyandoz bo‘laman deydi, – degan gaplari ham unga ta’sir qilmasdi. Lekin bir voqea sabab bo‘lib, ular birbirlariga yaqin bo‘lib ketdilar. Kelganiga bir yil bo‘lganda yig‘imterim oldidan Zumrad opa bir haftaga Olti ariqqa borib, akasini ko‘rib kelmoqchi bo‘ldida, Alisher bilan yo‘lga otlana boshladi. Gulchehra |
