Оммавий очиқ онлайн курсларини яратиш назарияси ва амалиёти

Design - (Loyihalash) - modelning bu bosqichida tahlil bosqichida nazarda tutilgan 
barcha xulosalarni hisobga olgan holda ta’lim tizimi uchun yaratilayotgan barcha 
o’quv kurslarning materiali, ish rejasi, hamda tuzilmasini ishlab chiqish, o’quv kurs 
uchun tayyorlangan kursning asosiy interfeys dizayni, test savol topshiriqlar 
ko’lami, baholash mezonlari kabi tarkibiy qismlari loyihalashtiriladi:
1. O’quv vositani tanlash. Birinchi navbatda, bu tarkibda o’quv materiallarning 
maqsadli auditoriyasi, o’qitish shakllari, talabaga o’quv axborotning mazmun 
jihatidan taqdim etish uslublarini tahlil etish orqali ish jarayoni amalga oshiriladi. 
Ikkinchi vazifa sifatida esa o’quv kus uchun mos axborot materiallarini o’zlashtirish 

---

14 
undagi vazifa topshiriqlarni bajarilishini ta’minlash maqsadida bilim va 
ko’nikmalarni aniqlashtirib olinadi.
2. O’quv kurs senariysini yaratish. Ushbu parametrning asosiy tomoni o’quv 
axborot materiallarini talabaga qanday shaklda taqdim etilishini loyihalash hamda 
tasdiqlash orqali o’quv materialning har bir elementi o’quv axborot 
ma’lumotlarining qay darajada o’quv kurs uchun ishlab chiqilganini baholaydi.
3. O’quv axborot material namunalarini tayyorlash. O’quv kurs uchun mos 
bo’lgan turli xil formatdagi materiallar, ya’ni tasvirlar, animatsion effektlar hamda 
interfaol elementlar yordamida audio va video axborot namunalari tayyorlanadi. Shu 
namunalar orqali o’quv kursda uchrashi mumkin bo’lgan kamchiliklarni aniqlab, 
o’quv kurs senariysiga o’zgaritirish va qo’shimchalar kiritishga imkoniyat 
yaratiladi.
4. Kurs o’quv materiallarini baholash va takomillashtirish vazifalariga muvofiqligi 
nuqtayi nazaridan o’quv kurs uchun tayyorlangan ma’ruza matnlari va boshqa o’quv 
axborot materiallarini qayta ko’rib chiqilishi Design - (Loyihalash) bosqichidagi 
eng samarali modellashtirish orqali amalga oshiriladigan paramateri hisoblanadi. 
Yaratilgan o’quv kursni baholashda ko’zga tashlanadigan muammo va yutuqlar 
tajribali pedagog o’qituvchilar jamoasidan tarkibidan tashkil topgan guruh 
tomonidan aniqlanadi.  
5. O’quv materialni mustahkamlash va rivojlantirish. Onlayn o’quv kurslarni 
yaratish va o’quv amaliy jarayonlarga tadbiq etilishida yuzaga keladigan texnik 
muammo va kamchiliklarga barham berish, shu bilan birga o’quv kontent uchun 
yangi onlayn kurslarni shakllantirish va ularda har bir o’quv modulida talabaga 
muayyan sohaga doir ma’ruza, o’quv axborot majmualari, turli xil shakldagi 
qo’shimcha ma’lumot va o’quv adabiyot namunalarini tayyorlash yo’li orqali 
muayyan elektron ta’lim platformasida maxsus o’quv kurslarni tashkillashtirish 
hamda ta’lim amaliy jarayonlarida joriy etish masalasiga e’tibor qaratish muhim 
vazifa sifatida qaraladi.