O'zbekiston Milliy Ensiklopediyasi indd

РУҲИ ЖУВАНОН — жайдари урик 
нави. Халқ селекциясида яратилган. Да-
рахти кучли усади. Бал. 8 м. гача боради. 
Барглари йирик, оч яшил. Меваси июнь 
охири — июлнинг бошларида пишади, 
ўртача 35—40 г, чўзиқдумалоқ. Пўсти 
силлиқ, юпқа, эти сариқ, таъми хушхўр, 
сувли. Таркибида 14— 16% қанд, 0,8% 
кта, 60,38 мг% витамин С бор. Данагидан 
қийинроқ ажралади. Данаги йирик, магзи 
ширин.
Кўчати ўтқазилгач, 5—6йили ҳосилга 
киради. Совуққа чидами ўртача. Нам б-н 
етарли таъминланган тупроқларда яхши 
ҳосил беради. 10—12 ёшида дарахти-
дан 30—55 кг, 20—25 ёшида 60—70 кг 
ҳосил олинади. Меваси хўллигича ей-
илади, мураббо, компот, турли консер-
валар қилинади, шарбат тайёрланади. 
Ўзбекистоннинг барча вилоятларида эки-
лади.
РУҲИЙ КАСАЛЛИКЛАР — қ Пси-
хик касалликлар.
РУҲИЙ ҲАЯЖОН — шахснинг ўз 
ҳаракатлари аҳамиятини тушуниш ёки 
уларни бошқариш қобилиятини пасай-
тирадиган ҳолати; жиноят ҳуқуқида жаб-
рланувчининг ноқонуний ҳаракатларига 
сабаб бўлган қаттиқ руҳий ҳаяжонланиш 
енгиллаштирувчи ҳолат ҳисобланади. 
Ҳаяжонланиш ҳолати қатор ўзига хос бел-
гиларга эга. Мазкур аломатлар фақат му-
тахассислар томонидангина аниқланиши 
лозим. Шу боис, айбдор шахсга берилган 
психологик экспертиза хулосаси ишга 
оид исботлар б-н бирга суд томонидан 
инобатга олинади (яна қ. Аффект). 
РУҲИЛЛО Сидқий [тахаллуси; асл 
исми Руҳилло Фатали ўғли Охундов; 
1886.28.3(9.4), Боку яқинидаги Бузовна 
қишлоғи — 1959.5.5, Боку] — озарбайжон 
актёри. Халқ артисти (1949). Озарбайжон 
ҳамда янги ўзбек театрининг шакллани-
шида хизмати катта. 1924— 59 йларда 
М.Азизбеков номидаги Озарбайжон дав-
лат драма театрида ишлаган. Гажи Қора 
(«Гажи қора»), Фахриддин («Фахриддин-
нинг қайғуси»), Кажар («Вагиф»), Нодир 
(«Нодиршоҳ»), Қирол Лир, Яго, Отелло, 
(«Кирол Лир», «Отелло») каби образ-
лар унинг ижодида алоҳида ўрин тута-
ди. У шунингдек, опера, оперетталарда 
чиққан бир қанча фильмларда суратга 
тушган. 1916 й. Ўзбекистонда бўлиб, 
ўзбек ҳаваскорлари б-н «Лайли ва Маж-
нун» спектаклини саҳналаштириб, ўзи 
Мажнун ролини ижро этган. Кейинчалик 
ҳам у бир неча бор Ўзбекистонда бўлиб, 
ижодий ҳамкорликни фаол олиб борган. 

---

www.ziyouz.com кутубхонаси