O`zbekiston respublikasi maktabgacha ta`lim vazirligi maktabgacha ta`lim muassasalarida ta`lim jarayonini mavzuviy rejalashtirish (tayyorlov guruhi) Toshkent 2018 yil

Qo`shimcha qism: tarbiyachi qish haqidagi maqol va tez aytishlarni taklif qilishi mumkin.
E`tiborga molik jihati: maqol va tez aytishlarning ma`nosini tushunish; barmoqlarning mayda motorikasini rivojlantirish, pazl-rasmlarning to`g`ri joylashtirilishi.
Nutq va til markazi
«Bu qachon sodir bo`ladi?» didaktik o`yini
Maqsad: insonlar hayoti va ularni o`rab turgan tabiat, yil fasllari o`rtasida bog`liqlik o`rnatiladi. Faol va passiv lug`uat boyitiladi.
Kerakli Jihoz va materiallar: yil fasllari mavzusiga oidkartochka-rasmlar. Faoliyatning borishi:

1. 
   Bolalar rasmlarni ko`zdan kechiradilar.
   
2. 
   Bolalar kartochkada nima tasvirlanganini, va bu qachon sodir bo`lishini hikoya qiladilar.
   
3. 
   Kartochkalarni yil fasllariga ko`ra tasniflaydilar.
   

Qo`shimcha qism: mavzuga oid she`rni aytib berish.
E`tiborga molik jihati: nutq bo`laklarini grammatik jihatdan to`g`ri qo`llash, murakkab gaplarni tuzish.
DEKABR 2 HAFTASI.
«SOG`LOM TANDA - SOG`LOM AQL»
Fan va tabiat markazi
«Muz parchasini kuzatamiz»
Maqsad: kuzatishlar asosida umumlashmalar va xulosalar chiqarish, qor, muz, suvning xossalari haqida tasavvurga ega bo`lishni o`rgatish.
Kerakli Jihoz va materiallar: qish va qish hodisalari haqidagi rasmlar, muz parchalari, muz erishiga mo`ljallangan idish
Faoliyatning borishi:

1. 
   Qish va qish hodisalari haqidagi rasmlarni ko`rib chiqish. Turli shakldagi muz parchalarining rasmlari.
   
2. 
   Bolalarga muzni ushlab ko`rishni taklif etish va kuzatish. Muzning xossalarini ta`riflash (sovuq, xo`l, sirg`anchiq, silliq).
   
3. 
   Muz xona haroratidan, kaftlarning issiqligidan eriydi va suvga aylanadi.
   
4. 
   Bolalardan suvni idishga quyishni va muzga aylanishi uchun muzlatgichga qo`yishni so`rang.