O’zbekiston respublikasi navoiy kon-metallurgiya kombinati navoiy davlat konchilik instituti

O’ZBEKISTON RESPUBLIKASI
NAVOIY KON-METALLURGIYa KOMBINATI
NAVOIY DAVLAT KONCHILIK INSTITUTI


K imYo-metallurgiYa FAkuLG’TETI
«metallurgiya» KAFEDRASI
“Foydali qazilmalarni boyitish texnologiyasi”


fanidan

Amaliy ishlarni bajarish bo’yicha

USLUBIY KURSATMA
1-AMALIY ISH
MAVZU: BOYITISH FABRIKASINI LOYIHALASH UCHUN DASTLABKI MA’LUMOTLAR, TERMINLAR, TUSHUNCHALAR.

Boyitish fabrikasining loyihasini ishlab chiqish uchun quyidagilar kerak:

• 
  loyihalash uchun topshiriq, sanoat maydoni bo‘yicha topografik va injener-geologik ma’lumotlar, qurilish maydoni bo‘yicha iqtisodiy ma’lumotlar;
  
• 
  loyihaning kon qismi bo‘yicha asosiy ma’lumotlar;
  
• 
  normativ materiallar, foydali qazilmani moddiy tarkibi va boyitiluvchanlikka moyilligini o‘rganish bo‘yicha tadqiqot ishlari natijalari.
  

Boyitish fabrikasini loyihalashga topshiriq vazirlik yoki korxona direksiyasi tomonidan tasdiqlangan texnik-iqtisodiy asoslashga va shu sanoat tarmog‘ini rivojlantirish rejasiga muvofiq holda tuziladi. Topshiriq fabrika loyihasini tasdiqlovchi instansiya tomonidan tasdiqlanadi.
Fabrikani loyihalashga topshiriqda quyidagilar ko‘rsatiladi:

• 
  loyihalash uchun asos (Vazirlar mahkamasining qarori, vazirlik bo‘yicha buyruq va hokazo);
  
• 
  fabrika qurilish rayoni yoki punkti;
  
• 
  fabrikaning dastlabki ruda yoki tayyor mahsulot bo‘yicha ishlab chiqarish unumdorligi;
  
• 
  mahsulot bilan ta’minlash manbalari va kondagi foydali qazilmaning tasdiqlangan zaxiralari;
  
• 
  fabrikaning suv va elektrenergiya bilan ta’minlash manbalari;
  
• 
  boshqa korxonalar bilan ko‘zda tutilgan ishlab chiqarish va xo‘jalik aloqalari;
  
• 
  fabrikaning tayyor mahsulotiga qo‘yiladigan talablar va uning iste’molchilari;
  
• 
  qurilish muddatlari va navbatlari;
  
• 
  kapital mablag‘larning taxminiy o‘lchamlari;
  
• 
  1 tonna mahsulotni qayta ishlashning taxminiy narxi va tayyor mahsulotning tannarxi.