Oʻzbеkiston rеspublikasi oliy va oʻrta maxsus ta’lim vazirligi islom karimov nomidagi toshkеnt davlat

f) Yigʻma geologik hujjatlashtirish 
Ayrim togʻ lahimlarini va burgʻilash quduqlarini geologik 
hujjatlashtirish natijasida yigʻma geologik hujjatlashtirish tuziladi. 
Yigma geologik hujjatlashtirishning asosiy turlariga geologik 
xaritalar, kesimlar, gorizont boʻyicha planlar va blok-diagrammalar 
kiradi. 
4.6. Qidirish va razvedka qilish usullari majmuasini tanlash va
tanlovga ta’sir koʻrsatuvchi omillar 
Qidirish ishlarining uslubiyati deganda eng ratsional usullar 
majmuasini muayyan ketma-ketlikda qoʻllash tushuniladi. Usullar 
majmuasini va ularni amalga oshirishning ketma-ketligini tanlab olish 
birinchi navbatda qidiruv hududi uchun xos boʻlgan foydali qazilma 
turlariga bogʻliq boʻlib, ikkinchidan qidiruv ishlarini olib borishning 
tabiiy sharoitlariga bogʻliqdir. 
Qidiruv ishlarini olib borishning tabiiy sharoitlari: 
- Sharoitlarning strukturaviy-geologik xususiyatlari. 
- Toʻrtlamchi davrning qoplovchi yotqiziqlarining xossalari. 
- Qidirishning geomorfologik sharoitlari.
- Sharoitlarning bioiqlimiy zonallik xususiyatlari. 

---

73
Sharoitlarning 
strukturaviy-geologik 
xususiyatlari boʻyicha 
geologik tuzilishi boʻyicha keskin farq qiluvchi ikki turdagi hududlarni 
ajratish mumkin: 
1. 
Platformalarning quyi strukturaviy qismi va koʻtarilgan burmali 
zonalar rivojlangan hududlar. Bu hududlarda magmatizm keng 
rivojlangan, togʻ jinslari kuchli dislokatsiyalarga uchragan va 
metamorfizm keng rivojlanganligi bilan xarakterlanadi. 
2. 
Ikki yarusli tuzilishga ega boʻlgan hududlar. Platformalarning 
quyi strukturaviy qismi yoki burmalangan zonalar chuqurda joylashgan, 
ularning usti turli qalinlikdagi kam dislokatsiyalangan choʻkindi jinslar 
qatlamlari bilan qoplangandir. Yuqori yarusda magmatizm odatda 
rivojlanmagan boʻladi. Lekin ba’zan qatlam koʻrinishidagi asos-oʻtaasos 
magmatik jinslar uchrashi mumkin.