O’zbekiston respublikasi oliy va o’rta maxsus ta’lim vazirligi namangan muhandislik-qurilish instituti «ekologiya»

ISH TUGATGANDAN KEYINGI XAVFSIZLIK TALABLARI
Asboblar, jihozlar elektr ta’minotidan ajratiladi (o’chiriladi)
Ish joyi tartibga keltirilib, ma’lumotnomalar, uslubiy va boshqa adabiyotlar, asboblar, uskunalar o’qituvchiga yoki laborantga topshiriladi.

1-TAJRIBA ISHI
Mavzu:Havoning namlik darajasini psixrometrik usulda aniqlash
Havodagi chang miqdorini aniqlash


Mavzuning qisqacha bayoni
Ekologiya fani asosan ishlab chiqarishda va barcha faoliyat turlari bo‘yicha ishlovchiga salbiy ta’sir etuvchi zararli va xavfli omillarni, ularning inson organizmiga ko‘rsatadigan ta’siri va ular ta’siridan yuzaga keladigan kasalliklar va jarohatlanishlarni o‘rganadi. Shuning uchun ham fanning bo‘limlarida ishchilarga qulay mehnat sharoitlarini yaratish uchun barcha omillar ko‘rib chiqiladi.
Ishlab chiqarish sanitariyasi ishlab chiqarish korxonalarida ishchi uchun ajratilgan xona va undagi ish o‘rinlari o‘zining me’yoriy holatida bo‘lishi kerakligini talab etadi. Shunga binoan mikroiqlim parametrlari – atmosfera havosining harorati, nisbiy namligi, harakat tezligi (shabada) va atmosfera bosimlari ishchining salomatligiga ta’sir ko‘rsatishi mumkin bo‘lgan omillar hisoblanib, ularni ham me’yorida bo‘lishligini ta’minlash lozim. Aynan shu maqsadda sanoat korxonalari va muassasalardagi mavjud har bir ish joyi hamda xonadagi mikroiqlim sharoitlari quyida ko‘rsatilgan laboratoriya usullarida tekshirib, nazorat qilib borilishi kerak.


Tajriba ishlari

1. 
   Ish joyidagi harorat va nisbiy namlikni aniqlash
   

Ishdan maqsad: Ish joylaridagi va tajriba ishlarini o‘tkazish bo‘yicha umumiy xavfsizlik texnikasi qoidalarini tushunish va ish joylarida meteorologik sharoitlardan ish joyidagi harorat va nisbiy namlikni aniqlash, nazorat qilish usullari hamda bunga kerakli asboblar bilan tanishish, ularni qabul qilingan sanitariya me’yorlari (GOST-12.1.005-88, SN-245-71, SN-006-96) talablari asosida baholashni o‘rganish.