O`zbekiston respublikasi oliy va o`rta maxsus ta`lim vazirligi nizomiy nomidagi toshkent davlat pedagogika universiteti

Mavzu rejasi:

1. 
   O’simliklar fiziologiyasining tarixi,O’simliklar fiziologiyasining usullari
   
2. 
   Xujayraning moddiy asosi.Hujayraning energetik asosi,
   
3. 
   Xujayraning anorganik moddalari.Hujayra nazariyasi.
   
4. 
   Hujayralarning asosiy guruhlari. O’simlik hujayralariga xos xususiyatlar.
   
5. 
   Hujayraning biosintetik markazlari.Hujayra kiritmalari.
   
6. 
   Hujayra membranalari, va ularni tuzilishi.
   

7 Hujayra membranalarning vazifalari.

7. 
   Energiya hosil qiluvchi membranalar.
   

Adabiyotlar: 1:4-7; 2.4-13; 3. 3-16; 4. 10-12; 1.183-201; 2. 14-108; 3. 33-52;1.8-9; 12-22; 23-26; 2. 232, 234; 306; 3. 29; 55-64; 64-68; 4. 11-12; 18-27; 15-21;
Tayanch so’zlar: fiziologiya, o’sish, rivojlanish, oziqlanish, fotosintez, nafas olish, xujayra, prokariot, eukariot, plastidalar, hujayra devori, vakuola sistemasi. : organoid, mitoxondriy, xloroplast, ribosoma, polisoma, endoplazmatik to’r, tsikloz, Golji apparati, vakuola, lizosoma, peroksisoma, glioksisoma, plazmalemma, passiv va faol ko’chirilish, tonoplast, pompa, endomembrana, ion kanallar, lipid biqatlami, membrana.
O’simliklar fiziologiyasi biologiya fanlari tizimiga kiradi. U o’simliklarning organlari, to’qimalari va hujayralarida kechadigan fiziologik jarayonlarni o’rganadi. Bu jarayonlarning asosiylari quyidagilardan iborat:
1. O’simliklarning o’sishi va rivojlanishi
2. O’simliklarning tuproq va xavo orqali ozuqlanishi
3. O’simliklar tomonidan organik moddalarni xosil qilishi va ularni to’plash
4. O’simliklarning gullashi va meva xosil qilishi
5. O’simliklarning turli hil tashqi omillarning ta'siriga chidamliligi.
O’simliklar fiziologiyasining asosiy maqsadi:
a) o’simliklarda sodir bo’ladigan fiziologik jarayonlarni o’rganish, ularni mohiyatini ochish va shu asosda o’simlik mahsuldorligini oshirish
b) o’simliklardan eng yuqori xosil olishning nazariy asoslarini ishlab chiqish.
O’simliklar fiziologiyasining vazifasi o’simlik organizmlari hayot faoliyati jarayonlari va ularning atrofini o’rab olgan muhit bilan bo’lgan o’zaro aloqasini xar tomonlama o’rganishdir. O’simliklarni shu nuqtai nazardan tahlil qilish nazariy hamda juda katta amaliy ahamiyatga ega.