221
Restoran zalida stollar geometrik va erkin shaklda joylashtiriladi.
Geometrik shaklda stollar orasidagi o‘tish yo‘laklari devorga nisbatan parallel
bo‘lishi kerak. Zal markazi keng o‘tish yo‘li bilan ajratiladi.
Bundan tashqari bu
shaklda yordamchi stollar va servantlar ham ularga mos ravishda joylashtiriladi.
Erkin shaklda stollar devorga yaqin joylashtiriladi, yordamchi stollar esa eshik
yaqinida joylashtiriladi.
Kvadrat stollar shaxmat shaklda qo‘yiladi, bu esa ofitsiantlarga xizmat
ko‘rsatishlariga qulaylik tug‘diradi. Bunday stollardan
banketlarda ham foydalanish
mumkin.
Aylana shakldagi stollar kvadrat stollarga moslashtirib qo‘yiladi.
To‘g‘ri burchakli 6 o‘rinli stollar devor yoniga yoki kvadrat va aylana
shakldagi stollarga moslashtirib qo‘yiladi.
Yordamchi stollar ofitsiant ishlashi qulay bo‘lgan joylarga o‘rnatiladi. Ular
ustiga maxsus dasturxon to‘shaladi. Yordamchi stollar
soni xizmat qilayotgan
ofitsiantlar soniga qarab belgilanadi. Ularning har biriga biriktirilgan stollar bo‘ladi.
Yordamchi stollarga qo‘yiladigan talablar:
ular mustahkam bo‘lishi;
ko‘chirib yurish uchun yyengil va qulay bo‘lishi kerak. Harakatlantirishga
oson bo‘lishi uchun ular g‘ildiraklarga o‘rnatilgan bo‘ladi.
Yordamchi stollarda ofitsiantlar shishalar qopqog‘ini ochadi, u yerga idishlarni
qo‘yadi va taomlarni taqsimlaydi. Bu stollarning kengligi ovqatlanadigan stollar
eniga teng (800 - 900 mm), bo‘yi ham tushlik qiladigan stollar bilan barobar (730
mm) bo‘ladi. Yordamchi stollar ovqatlanadigan mijozlarga yaqin va ko‘rinadigan
qilib o‘rnatiladi, chunki ofitsiant ishini mijozlar kuzatib turishlari mumkin.
Xodimlarga biriktirilgan stollar guruhi oldida yordamchi
stollardan tashqari
servantlar joylashishi lozim. Bu yerda ofitsiant idish - tovoq va anjomlar,
sochiq
hamda dasturxonlarni saqlaydi. Servantlar ham ovqatlanadigan stollardan uzoqda
bo‘lmasligi kerak, chunki ofitsiant zarur narsalarni tez olib, mijozlar oldiga qo‘yishi
uchun qulay qilib qo‘yiladi. Stollar, servantlar va o’rindiqlar devordan 10 - 20 sm
uzoqlikda joylashishi kerak.
222
Shuningdek, zalda har 3 - 4 nafar ofitsiantga bitta muzlatgich shkaflar bo‘lishi
mumkin. Muzlatgich shkaflar ikki xil bo‘ladi:
O‘rta haroratli. Mahsulotlarni salqinda saqlash uchun - 0°C darajadan +
10°C gacha.
Past haroratli. Mahsulotlarni muz holida saqlash.
Bundan tashqari restoran oshxonasida turli haroratli
muzlatgich kameralari
ham bo‘ladi. Ular turli maqsadlarda foydalaniladi.
Do'stlaringiz bilan baham: