O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti g. R. Tursunova

karra standart!» degan tamoyil yotadi. Ushbu tamoyil nafaqat ratsion tarkibiga, balki 
mahsulotlar qanday tortilganligi, idishlarga qanday joylashtirilganligi, konteyner 
shakliga va shu kabilarga ham taalluqli bo‘ladi. Samolyot bortida ovqatlantirishning 
o‘ziga xosligi shundaki, o’rindiqlar bir - biriga yaqin joylashganligi tufayli har bir 
yo‘lovchi salonda nafaqat o‘z idishini, balki yonidagilarining idishlarini ham ko‘rib 
turadi. Agar uning porsiyasi yonidagisining porsiyasidek chiroyli bo‘lib ko‘rinmasa, 
bu uning kayfiyatini buzishi va safar haqida salbiy taassurot qoldirishi mumkin.
Ovqatlantirish 
korxonalarda 
tayyorlangan 
taom 
samolyot 
bortida 
yo‘lovchilarga tarqatishdan oldin shu yerda o‘rnatilgan mikroto‘lqinli pechlarda 
isitiladi.
Muhim shaxslar uchun ovqatlanish ratsioni ya’ni VIP-taomlar, qoida 
tariqasida, konteynerda emas, balki alohida bosh oshpazlar rahbarligida tayyorlanadi. 
Alohida hollarda yuqori martabali shaxs uchun taomni uning shaxsiy oshpazi 
tayyorlaydi, korxona xodimlari esa unga yordam beradi. Mazkur amaliyot taomlari 
o‘ziga xosligi bilan ajralib turadigan Xitoy, Yaponiya, arab mamlakatlarining 
hukumat delegatsiyalariga xizmat ko‘rsatish paytida qo‘llaniladi.
Uzoq magistral reyslarda tashkil etilgan ovqatlanishdan tashqari, samolyot 
bortida bufetlar ham o‘rnatilgan bo‘lib, ulardan buterbrodlar, gazaklar, qandolat 

---

311 
mahsulotlari, mevalar, yong‘oqlar va shu kabilarni sotib olish mumkin. Mazkur 
bufetlar xizmatidan istalgan klass yo‘lovchilari foydalana oladilar. 
Xulosa. O‘tilgan mavzularda xizmat ko‘rsatishning turlari, usullar haqida 
ma’lumotlar keltirilgan edi. Restoranda xizmat ko‘rsatishning maxsus shakllari 
mavzusi orqali ovqatlantirish xizmatlarini maxsus joylarda ham tashkil etish, 
mijozlarni ovqatlantirishga bo‘lgan ehtiyojlarini qondirish hamda «Mijoz hamisha 
haq», «Standart va yana bir karra standart!» degan tamoyillarga amal qilgan holda 
ko‘ngildagidek xizmatlarni tashkil etishni bilish mumkin.