O'zbekiston respublikasi profi universitety

Ong voqelikdagi hodisalarni to'g'ridan - to'g'ri (ko'zgudagidek yoki 
fotografiyadagidek) aks etmaydi. U hodisalar o'rtasidagi ob'ektiv, ichki 
aloqalarni, bog'likliklarni ochib beradi. 
Ob'ektiv mavjud bo'lgan hodisalarning ideal obrazlari psixikaning mazmuni 
bo'lib hisoblanadi. Biroq bu obrazlar turli odamlarda turlicha, o'ziga xos tarzda 
yuzaga keladi. Ular shu odamlarning o'tmish tajribasi, bilimlari, ehtiyojlari, 
qiziqishlari, psixik holati va boshqa qator xususiyatlariga bog'liq bo'ladi. 
Boshqacha qilib aytganda - PSIXIKA - bu ob'ektiv olamni sub'ektiv aks 
ettirishdir. Biroq, aks ettirishning sub'ektiv xarakterliligi - mazkur aks ettirishning 
noto'g'riligini bildirmaydi. Narsa, hodisa, voqeliklarning aks ettirilishi shaxsiy va 

---

48 
ijtimoiy-tarixiy tajriba bilan tekshirilib, asoslanib borilishi voqelikning ob'ektiv aks 
ettirilishini ta'minlaydi.
Shunday qilib, psixika - odamni tashqi muhit bilan bo'ladigan o'zaro 
munosabatlarining 
boshqarilib 
turilishini 
ta'minlaydigan, 
ob'ektiv 
voqelikning sub'ektiv aks ettirilishidir. Psixikaning mazmuni o'zida, nafaqat 
psixik obrazlarnigina emas, balki obrazlardan tashqaridagi jihatlarni - shaxsning 
umumiy qadriyatli yo'nalganligini, hodisalarning mazmuni va ahamiyatini, aqliy 
xatti-harakatlarni mujassamlashtiradi. 
Psixika hayvonlarga ham, odamlarga ham xos. Biroq odam psixikasi, 
psixikaning oliy shakli sifatida, “ONG” tushunchasi bilan ifodalanadi. Lekin, 
psixika tushunchasi ong tushunchasiga qaraganda kengroq tushunchadir. Chunki 
psixika o'z ichiga ong osti (“U”), ong oldi (“Men”) va ong (“Oliy-Men”)ni ham 
oladi. 
2 §. Psixik hodisalar klassifikatsiyasi 
Umumiy psixologiyada, umuman psixologiyaning boshqa barcha sohalarida 
o'rganiladigan psixik hodisalar uch guruhga bo'linadi. Bular: 
1) psixik jarayonlar; 
2) psixik holatlar; 
3) shaxsning individual-psixologik xususiyatlari.