Sekin yur
Tarbiyachi ko‘zini bog‘lab, zal eshigi oldida turadi. Bolalar qator bo‘lib
ketma-ket saflanadilar-da, uning oldidan oyog‘ uchlarida, sekin-sekin o‘tishga
harakat qiladilar. Agar bola lardan qaysi biri еtarli darajada sekin yurmayotgan
bo‘lsa, tarbiyachi uni qo‘li bilan ushlab oladi. Bu bola chetga chiqib turadi va
hamma o‘tib bo‘lgandan keyin yana sekin yurib o‘tadi. Qatornin oxirida turgan
bola tarbiyachiga qarab: “Hamma o‘tib bo‘ldi”,— deydi. Tarbiyachi ko‘zini
ochadi.
Tarbiyachining yonidan faqat yurib emas, hatto sekin yugurib o‘tib ketish
ham mumkin.
Uchuvchilar
Bolalar 3—4 zvenoga bo‘linadilar. Ular zveno komandirining orqasida qator
bo‘lib ketma-ket turadilar. Zvenolar may donchaning turli joylarida turadi. Bu
joylar rangli bayroqchalar bilan belgilab qo‘yilgan bo‘lib, aerodrom deb tasavvur
etiladi.
Tarbiyachining:
“Uchuvchilar,
samolyotlaringizni
uchishga
tayyorlangiz!”—degan buyrug‘iga binoan bolalar maydonchaning turli
tomonlariga tarqalib yugurishadi, ularning har biri o‘z samolyotining oldida
to‘xtaydi, benzin quyadi (engashadi), motorni ishga tushiradi (qo‘llarini
ko‘kraklari oldida aylantiradi), qanotlarini to‘g‘rilaydi (qo‘llarini yon tomonga
uzatadi) va uchib ketadi (bolalar maydoncha bo‘ylab turli tomonlarga yugurib
ketadilar). Samolyotlar tarbiyachining “Qo‘nishga shaylaning!” degan ishorasiga
qadar havoda bo‘ladi. Mana shu ishoradan keyin komandirlar o‘z zvenolarini
to‘playdilar (bolalar yugurib kelib, zvenolarga bo‘linib saflanadilar) hamda ularni
aerodromga qo‘nish uchun olib ketadilar. Birinchi bo‘lib qo‘ngan zveno yutib
chiqadi. O‘yin 4—5 marta takrorlanadi.
O‘yinda har xil holatlardan foydalanish maqsadga muvofiqdir. Tarbiyachi
uchuvchilarga bildirmasdan aerodromlarga belgilab qo‘yilgan bayroqchalarni
almashtirib qo‘yishi ham mumkin. Komandirlar zvenolarni o‘z aerodromlariga
adashmasdan qo‘ndirishlari kerak.
Do'stlaringiz bilan baham: |
