Өзбекстан республикасы жоғары және орта арнаулы білім беру уәзірлігі

Бақылау сұрақтары:
1. Эстетикалық тәрбиенің мазмұны мен мақсаты қандай?
2. Эстетикалық тәрбиенің міндетерін айтып бер.
3. Эстетикалық тәрбиенің негізгі құралдары туралы айт.
4. Қарым-қатынас эстетикасын қалай түсіндіресің?


3.11. Экономикалық тәрбие.
3.11.1. Экономикалық тәрбиенің мазмұны, мақсаты мен міндеттері.
Әлемде экономикалық проблемалар жеткілікті. Күннен-күнге адамзат-тың тұтынушы ретінде талап-тілегі өсіп бара жатыр. Ал оны қанағаттандыру үшін шикізат ресурстары тапшы. Кедей мемлекеттерде адамдардың күнделік-ті өміріне қажет нәрселер де жетіспейді. Тағы бір мемлекттер инфляция зар-дабын шегіп отыр. Бағаның өсуі, жұмыссыздық адамдардың тұрмысын на-шарлатып жіберді.
Өзбекстан Республикасы экономикалық жағынан өркендеп келе жатқан мемлекет. Жер үсті, жер асты байлығымыз жеткілікті болуына қарамастан, оны дұрыс пайдалана алмасақ, келешек үшін қолайсыз жағдай тудыруымыз мүмкін.Сондықтан өсіп келе жатқан жас ұрпаққа экономикалық тәрбие беру, олардың экономикалық санасы мен мәдениетін қалыптастыру бүгінгі күннің өзекті мәселесі болып отыр.
Экономикалық тәрбие деп оқушыларға экономикалық білім беруге; қо-ғамның экономикалық саясатын ұғындыруға; өндіріс, айырбастау, бөлісу, тұ-тыну сияқты негізгі экономикалық қатынастарды меңгертуге бағытталған ар-найы педагогикалық қызмет түсініледі. Экономикалық тәрбие оқушыларда экономикалық білім мен іскерліктерін дамытуды, тәртiптілік, коллектившіл-дiк, ықыластылық, іс-керлік, құнттылық, үнемшiлдiк сияқты қасиеттерді қа-лыптастыруды, еңбекке творчестволық саналы қатынаста болуды, жұмысқа ыждағаттылықты, еңбек адамына құрметті тәрбиелеуді өз ішіне алады.
Сонымен, мектепте экономикалық тәрбие берудің мақсаты оқушылар-дың экономикалық ойлауын дамыту, экономикалық қызмет барысындағы адамгершілік және іскерлік қаситетерін қалыптастыру,
Міне, осыған байланысты, мектептегі экономикалық білiм мен тәрбиенің негізгі міндеттері мыналар:
– оқушыларды қоғамның экономикалық даму заңдарымен, үкіметтің саяси экономикасымен қаруландыру;
– ортақтасып басқаруға қажетті қасиеттерге – құнтылыққа, іскерлікке, ықыластылыққа, тәртіптілікке т.б. дағдыландыру;
– оқушыларды қоғам мен коллектив проблемаларын өз проблемасы ре-тінде қарауға, еңбекте білгенiмен шектелiп қалмай, әpi қарай ізденуге үйрету;
– экономикалық есеп пен талдау жасау дағдыларын үйрету, еңбектi ғылым негiздерiмен байланыстыра білуге көмектесу.