Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

Amirlik shaharlari va savdo 
Samarqand - “Dunyoning husni” deb ulug’langan va amirlikning eng yirik 
shaharlaridan biri bo`lgan. Shaharda kulolchilik, cho`yan quyish (degrezlik), teri 
oshlash, qog’oz, kiyim, qurol ishlab chiqaruvchilar; baxmalboflar, kimxobgarlar, 
chitgarlar, bo`yoqchilar, po`stindo`zlar, mo`ynado`zlar mahallalari va rastalar 
bo`lgan. Samarqandda 7 ta: Ulug’bek, Sherdor, Tillakori, Safed (Xoja Ahror), 
Shayboniyxon, Qozi Soqiy, Xoja Abdulg’ofir madrasalari faoliyat ko`rsatgan.

---

179 
Samarqand shahri Ashtarxoniylar davrida siyosiy kurashlar va chet elliklar 
hujumi natijasida talangan va vayronaga aylangan. Amir Shohmurod davrida 
Samarqand deyarli qayta tiklangan. Samarqand shahri XIX asr boshida baland 
devor bilan o`rab olingan. Uning 6 ta darvozasi bo`lgan, ular: Buxoro, Paykobod, 
Shohizinda, Qalandarxona, So`zongaron, Xo`ja Ahror nomlari bilan atalgan. 
Ko`chalar 6 ta darvozani Registon maydoni bilan bog’lagan. Shaharda 2 ta 
karvonsaroy, 3 ta hammom bo`lib, aholisi 25-30 ming kishini tashkil qilgan. 
Hunarmandchilikning shoyi to`qish, qog’oz ishlab chiqarish, kulolchilik, 
temirchilik, novvoylik, qandolatchilik va kashtachilik sohalari juda rivojlangan. 
2007 yil Samarqand shahrining 2750 yilligi nishonlandi. 
Buxoroda XIX asr 40-yillarida 38 ta karvonsaroy bo`lib, ularda musofir va 
mahalliy savdogarlar istiqomat qilgan. Karvonsaroyda ombor, do`kon, ustaxona, 
mehmonxona bo`lgan. Karvonsaroylar amirga, ayrim shaxslarga va vaqfga tegishli 
bo`lgan. Buxoro karvonsaroylariga har yili 12-15 ming tuyada mol kelgan. Savdo 
ishini karvonboshi-amirlikdagi barcha savdo ishlarining boshqaruvchisi 
boshqargan. Buxoroda ichki va shaharlararo savdo 9 ta tim va chorsuda amalga 
oshirilgan. Buxoro shahrida 103 ta madrasa, 360 masjid, 83 ta hovuz mavjud edi. 
1997 yil Buxoro shahrining 2500 yilligi nishonlandi.