Qaraqalpaqstan Respublikası

1-sentyabr – Ǵárezsizlik kúni.
 Bul bayram Ózbekstan Respublikasınıń tiykarǵı milliy bayramı – Ǵárezsizlikke erisken kúni bolıp tabıladı. Bayram elimiz boylap hár jılı saltanatlı ráń-báreń túrde belgilenedi. Milliy bayram doslıq, qayırqomlıq hám hár tárepleme húrmetke súyengen ózbek hám qaraqalpaq xalqınıń arzıw-niyetlerin hám maqtanıshın sáwlelendiretuǵın bayram bolıp tabıladı.
Ózbekstan jasap atırǵan barlıq millet wákilleri milleti, dini hám kelip shıǵıwına qaramastan Ózbekstannıń barlıq aymaqlarında usı bayramdı kóterińki ruwxta belgileydi.

1 - oktyabr – Ustazlar hám muǵállimler kúni.
Hár jılı bul bayram Ózbekstan Respublikasında keńnen belgilenip kelinbekte. Áyyemgi zamanlardan ustazlarǵa tereń húrmet hám itibar saqlanıp qalǵan. «Muǵállim», «Ustaz» hám «Jol kórsetiwshi» sıyaqlı sózler óz ustazlarınan tek ǵana bergen bilimlerin emes, al xalıqqa bolǵan húrmetin, Ana-Watanǵa muhabbatın oqıwshılar ásirler dawamında minnetdlarshılıq penen tilge alǵan.
Mektep hám sońǵı oqıw mákemeleriniń oqıwshıları turmıstıń dáslepki bilimlerin bergen ustazların tereń húrmet etedi.
8 - dekabr Konstituciya kúni. 
Ózbekstan Respublikasınıń Konstituciyası 1992-jıl 8-dekabrde qabıl etilgen. Usı bayram hár jılı Ózbekstan Respublikası boylap keńnen belgilenedi.
Ramazan Hayıtı.
Bul bayram Oraza hayıtı sıpatında tanılǵan hám musılman (Hijriy) kalendardıń 9-ayına tuwra keledi. Bayram 30 kúnnen ibarat bolıp, ol ruwxıy pákleniw dástúri bolıp tabıladı. Onıń shártleri tómendegishe: tań atıwdan kún batqanǵa shekem awqat hám suw ishpew; jaman oylardan saqlanıw; átiraptaǵılarǵı húrmet penen qaraw hám olarǵa múmkinshiligi bolǵanınsha jaqsılıq etiwden ibarat.
Usı shártlerdi orınlaǵanan soń úsh kúnnen ibarat bolǵan Ramazan Hayıtı baslanadı. «Ramazan hayıtı»nıń birinshi kúni dem alıs kúni, dep belgilenedi.
Qurban Hayıtı.
Qurban Hayıtı. Musılmanlar tárepinen belgilenetuǵın dúnyadaǵı eń úlken bayramlardan biri bolıp tabıladı. Bul bayramnıń negizi óz ulın Alla jolına qurban etiwge tayar bolǵan Payǵambar Ibrahim (a.s) ǵa baylanıslı bolǵan tariyxıy waqıyaǵa barıp taqaladı. Sonda onıń bul háreketi
Alla tárepinen toqtatılıp, onıń ornına haywan (qoy, eshki, sıyır, túye hám basqa da)lardı qurban etiw buyırıladı. Bayram úsh kún dawam etedi hám musılmanlar usı kúnlerdi shańaraq hám tuwısqanları menen belgileydi. Bayram kúnleri adamlar jaqın-alısta jasaytuǵın jaqınlarınıń ¬halınan xabar aladı, mútáj insanlarǵa árdem beriledi. «Qurban hayıtı»nıń birinshi kúni dem alıs kúni bolıp tabıladı.
QARAQALPAQSTAN RESPUBLIKASÍNÍŃ MÁMLEKETLIK BAYRAǴÍ

Qaraqalpaqstan Respublikasınıń Mámleketlik bayraǵı haqqındaǵı nızam 1992-jıl 14-dekabrde Qaraqalpaqstan Respublikası Joqarǵı Keńesiniń XI sessiyasında qabıl etilgen.
Qaraqalpaqstan Respublikasınıń məmleketlik bayraǵı Qaraqalpaqstan Respublikasınıń məmleketlik suverenliginiń simvolı bolıp tabıladı.
Qaraqalpaqstan Respublikasınıń məmleketlik bayraǵı:
Qaraqalpaqstan Respublikası aymaǵında ótkeriletuǵın xalıq aralıq konferenciyalarda, kórgizbelerde, sport jarıslarında Qaraqalpaqstan Respublikasın tanıtadı.
Qaraqalpaqstan Respublikasınıń məmleketlik bayraǵı tuwrı múyeshli borlat bolıp, ol aspan kók, toyǵın sarı həm jasıl reńlerdiń úsh gorizontal jolaqlarınan ibarat. Toyǵın sarı reńiniń jolaǵın aq həm qızıl jiyekler menen ajıratıp turadı.
Ózbekstan Respublikasınıń həm Qaraqalpaqstan Respublikasınıń nızamları menen belgilengen bayram kúnlerinde – Qaraqalpaqstan Respublikası Ministrler Keńesiniń, rayon həm qala həkimleriniń qararları menen belgilengen oraylıq kóshelerde, maydanlarda, basqa da jəmiyetlik orınlarda həm obektlerinde;
– Ózbekstan Respublikasınıń Prezidenti saylawı, Ózbekstan Respublikası Oliy Majlisiniń Nızamshılıq palatası deputatların, Senat aǵzaların, Qaraqalpaqstan Respublikası Joqarǵı Keńesi deputatlarınıń, xalıq deputatları rayonlıq, qalalıq Keńesleriniń deputatların saylaw yamasa referendum kúnleri dawıs beriw imaratları həm xanalarda kóteriledi;
– Qaraqalpaqstan Respublikası húkimetiniń buyrıǵı boyınsha;
– Sport maydanlarında;
– Qaraqalpaqstan Respublikasınıń chempionatları həm birinshilikleri, milliy saylandı komandalardıń qatnasıwında Qaraqalpaqstan Respublikası aymaǵında xalıq aralıq sport jarısların ótkeriw waqtında həm milliy saylandı komandalarınıń wəkilleri bolǵan jarıs jeńimpazların sıylıqlaw məresimleri waqtında Ózbekstan Respublikası məmleketlik bayraǵı kóterilgennen keyin.
Qaraqalpaqstan Respublikasınıń məmleketlik bayraǵı oǵan bolǵan tiyisli dərejedegi húrmet təmiyinlengen halda ulıwmalıq bayramlar həm saltanatlı məresimler waqtında kóteriliwi múmkin.
Qaraqalpaqstan Respublikasınıń məmleketlik bayraǵı menen bir waqıtta bir neshe məmleketler həm (yamasa) xalıq aralıq shólkemlerdiń bayraqları kóterilgende Qaraqalpaqstan Respublikasınıń məmleketlik bayraǵı xalıq aralıq huqıq normalarına muwapıq kóteriledi.
Qaraqalpaqstan Respublikasınıń puqaraları, sonday-aq, Qaraqalpaqstandaǵı basqa da adamlar Qaraqalpaqstan Respublikasınıń məmleketlik bayraǵın húrmetlewi shərt.

ÓZBEKSTAN RESPUBLIKASÍNÍŃ MÁMLEKETLIK BAYRAǴÍ

Mámleketlik bayraq Ózbekstan Respublikasınıń 1991-jıl 18-noyabrdegi 407-XII-sanlı «θzbekstan Respublikasınıń Mámleketlik bayraǵı haqqında»ǵı Nızamı menen tastıyıqlanǵan.θzbekstan Respublikasınıń Mámleketlik bayraǵı θzbekistan Respublikası mámleketlik suverenitetiniń belgisi bolıp tabıladı. θzbekstan Respublikası Mámleketlik bayraǵı xalıq aralıq qatnasıqlarda θzbekstan Respublikasınıń tımsalı esaplanadı. θzbekstan Respublikasınıń Mámleketlik bayraǵı — bayraqtıń pútin uzınlıǵı boylap ótken taw sarǵısh reń, aq reń hám toyǵın jasıl reńli úsh enine tartılǵan tuwrı tórtmúyeshlik formasındaǵı gezleme bolıp tabıladı.

ÓZBEKSTAN RESPUBLIKASÍNÍŃ MÁMLEKETLIK GERBI

Mámleketlik gerb Ózbekstan Respublikasınıń 1992-jıl 2-iyuldatub 616 -XII-sanlı «Ózbekstan Respublikası Mámleketlik gerbi haqqında»ǵı Nızamı menen tastıyıqlanǵan.
Ózbekstan Respublikasınıń Mámleketlik gerbi tómendegi kóriniske iye: tawlar, dáryalar hám sol tárepi biyday masaqlarınan, ońı bolsa paxtanıń ǵórekleri ashılǵan ǵoza shaqalarınan ibarat dástege oralǵan gúllengen oypatlıq boylap quyash altın nurların taratıp turadı. Gerbtiń joqarı bóleginde Respublika kórk hám shırayınıń belgisi sıpatında segizmúyesh súwretlengen bolıp, onıń ishki bóleginde yarım ay hám juldız suwretlengen. Gerbtiń orayında baxıt hám ǵárezsizliktiń simvolı — qanatların jayǵan Qumay qusı suwretlengen. Gerbtiń tómengi bóleginde Ózbekstan Respublikasınıń Mámleketlik bayraǵın ańlatıwshı dástelengen lentaǵa «Ózbekstan» dep jazıp qoyılǵan.
Ózbekstan Respublikası Mámleketlik gerbiniń reńli kórinisinde: Qumay qusı hám dáryalar — gúmis reńinde; quyash, masaqlar, paxta hám paxta ǵórekleri hám «Ózbekstan» jazıwı — altın reńinde; ǵoza shaqaları hám japıraqları, tawlar hám oypatlıq — jasıl reńde; paxta ǵóreklerindegi paxta — aq reńde; lenta — Ózbekstan Respublikası Mámleketlik bayraǵınıń reńlerin sáwlelendiriwshi úsh qıylı reńde; segizmúyesh — altın menen jiyeklengen halda, hawa reńde yarım ay hám juldızlar — aq reńinde suwretlengen.

QARAQALPAQSTAN RESPUBLIKASÍNÍŃ MÁMLEKETLIK GERBI 

«Qaraqalpaqstan Respublikasınıń Mámleketlik gerbi haqqında»ǵı Nızam 1993-jıl 9-aprelde Qaraqalpaqstan Respublikası Joqarǵı Keńesiniń XII sessiyasında qabıllandı.
Qaraqalpaqstan Respublikasınıń Mámleketlik gerbi Qaraqalpaqstan Respublikasınıń suverenli mámleketlik ekenin ańlatadı.
Qaraqalpaqstan Respublikasınıń Mámleketlik gerbi – ózinde o;ı salı masaqlarınan, sol tárepi ashılǵan paxta, paxtanıń ǵórekleri hám taw artınan shıǵıp kiyatırǵan quyashtı, Ámiwdárya hám Aral mısalı bolǵan dárya hám teńiz súwretleri suwretlengen.
Gerbtiń joqarǵı bóleginde segiz qırlı formadaǵı súwret bolıp, ol xalıqlar birliginiń, onıń ishindegi yarım ay hám juldız suwreti musulmanlardıń muqaddes tımsalı esaplanadı. Gerbtiń orayında saqıylıq, ullılıq hám belsendilik tımsalı bolǵan tań qalarlıqtay qumay qusı qanatların jayıp tur. Qumay qus suwretiniń artında qaraqalpaq xalqınıń tariyxıy-mádeniy esteligi esaplanǵan «Shılpıq» qorǵanınıń, yaǵnıy xalqımızdıń mádeniyatı menen tariyxı uzaq-uzaqlarga barıp taqalsa da bárqulla nawqıran hám erkinligini ańlatıwshı qorǵan súwretlengen.
Gerbtiń tómengi bóleginde Respublika mámleketlik bayraǵın ańlatıwshı dástelengen lentaǵa " Qaraqalpaqstan" dep jazıp qoyılǵan.
ÓZBEKSTAN RESPUBLIKASĺNĺŃ MÁMLEKETLIK GIMNI
Ózbekstan Respublikasınıń mámleketlik gimni haqqındaǵı nızam 1992-jıl 10-dekabrde Ózbekstan Respublikası Oliy Kengashiniń XI sessiyasında qabıl etilgen.


Mutal Burhonov muzıkası
Abdulla Aripov sózi
Sеrquyosh hur o’lkam, elga baxt, najot,
Sеn o’zing do’stlarga yo’ldosh, mеhribon!
Yashnagay to abad ilmu fan, ijod,
Shuhrating porlasin toki bor jahon!
Naqarot:
Oltin bu vodiylar - jon O’zbеkiston,
Ajdodlar mardona ruhi sеnga yor!
Ulug’ xalq qudrati jo’sh urgan zamon,
Olamni mahliyo aylagan diyor!
Bag’ri kеng o’zbеkning o’chmas iymoni,
Erkin, yosh avlodlar sеnga zo’r qanot!
Istiqlol mash'ali tinchlik posboni,
Xaqsеvar, ona yurt, mangu bo’l obod!

QARAQALPAQSTAN RESPUBLIKASĺNIŃ MÁMLEKETLIK GIMNI

«Qaraqalpaqstan Respublikasınıń mámleketlik gimni haqqında»ǵı Nızam 24-dekabr 1993-jılda Qaraqalpaqstan Respublikası Joqarǵı Keńesiniń XIV sessiyasında qabıl etildi.
I. Yusupov sózi
N. Muxammetdinov naması
Jayxun jaǵasında ósken bayterek,
Túbi bir shaqası mıń bolar demek,
Sen sonday sayalı, quyashlı elseń,
Tınıshlıq hám ıǵbal sendegi tilek. 
Naqıratı:
Diyxan baba nápesi bar jerinde,
Juwsan ańqıp, kiyik qashar shólinde,
«Qaraqalpaqstan» degen atıńdı,
Áwladlar ádiwler júrek tórinde.
Aydın keleshekke shaqırar zaman,
Mártlik miynet, bilim jetkizer oǵan,
Xalqıń bar azamat, dos hám mehriban,
Erkin jaynap–jasna, mángi bol aman.