Режа: кириш инфляциянинг моҳияти ва унинг юзага чиқиш шакллари. Инфляциянинг шакллари ва турлари

Солиқ-бюджет ва пул-кредит сиёсатини мувофиқлаштириш. Бунинг учун, Мувофиқлаштириш қўмитасини тузиш. Қўмита низомини ишлаб чиқиш ва унинг раҳбарини ҳукумат таркибидан эмас, балки Марказий банк таркибидан тайинлаш.

Пуллар таклифини тартибга солиш механизмини такомиллаштириш. Бунинг учун пул-кредит сиёсати инструментларидан фойдаланиш амалиётини такомиллаштириш ҳамда фаолиятининг узлуксизлиги таъминланган ва етарли даражада ликвидли бўлган миллий ссуда капиталлари бозорини шакллантириш йўли билан пул массаси ўсиш суръатларининг барқарорлигини таъминлаш керак.

Марказий банкнинг коммуникацион сиёсатини ривожлантириш ҳамда иқтисодий субъектларнинг пул-кредит сиёсатига нисбатан ишончини ошириш лозим. Бунинг учун Марказий банкнинг расмийлари пул-кредит сиёсатининг натижалари ва белгиланган йўналишлари ҳақида пресс-конференция ўтказиши, мақсадли кўрсаткичлар ва уларнинг ўзгариши бўйича жамоатчиликка ҳар чораклик ҳисоботлар бериши лозим. Шу йўл орқали иқтисодий агентлар ва жамоатчиликнинг пул-кредит сиёсатига бўлган ишончини мустаҳкамлаш мумкин.

Тижорат банклари кредитларининг фоиз ставкаларини шакллантиришнинг бозор механизмларини жорий этиш. Бунинг учун, биринчидан, сўмдаги депозитлар ва кредитларнинг фоиз ставкаларини ссуда капиталлари бозорида шакллантиришни таъминлаш лозим; иккинчидан, Марказий банкнинг ссуда капиталлари бозорида ўз ресурслари билан иштирок этишини таъминлаш керак; учинчидан, Марказий банкнинг қайта молиялаш сиёсати ва очиқ бозор сиёсати ҳажмини ошириш ва қамровини кенгайтириш лозим.

Иқтисодиётнинг пул маблағлари билан таъминланганлик даражасини ошириш. Бунинг учун, биринчидан, банкларнинг кредит экспансиясини рағбатлантириш керак; иккинчидан, ҳисоб-китоб чекларини муомалага киритиш лозим; учинчидан, тижорат векселлари муомаласини жорий қилиш зарур.

Юқоридагилардан келиб чиқиб, инфляцион таргетлаш деганда – олдиндан белгиланадиган инфляция даражаси (таргет)ни кенг жамоатчиликка эълон қилиш, ҳамда ушбу кўрсаткичга эришиш ва уни сақлаб қолиш жараёни тушуниш зарур.
Ўзбекистон Республикаси Марказий банки томонидан инфляцион таргетлаш режимига босқичма-босқич ўтилаётган бўлиб, 2023 йилда 5 фоиз даражадаги инфляцион мақсад (таргет)га эришиш режалаштирилган.