Samarqand davlat universiteti a. B. Pardayev, S. A. Qurbonov

34-misol. Subyektiv baho shakllari ajratib koʻrsatilgan. Ularning ma‘nosiga 
e‘tibor bering. 
1. Hikmatillo bu hazilkash yigitchaning puchuq bo‗lsa ham, allaqanday 
yoqimtoy chehrasiga qarab turibdi. (O. Yoqubov) 2. Toychoqlar hanuz o‗ynoqlashini 

---

136 
qo‗ymas, goh to‗xtab, uzoqlarga qarab qolishardi. (Isajon Sulton) 3. Kundoshlarning 
eng kichigi – bu dargohga tushganiga besh oygina bo‗lgan kelinchak – ganjiravonlik 
Unsinoy chilim solib tutdi. (Abdulla Qahhor) 4. O‗yinga mashg‗ul bo‗lib o‗tirgan 
olti-yetti yashar qizaloq soy yoqalab kelayotgan kishiga ko‗zi tushib, shodon 
qiyqiradi: – Dadajon! Dadajon! (Erkin A‟zam) 6. Iya, biz uning bobosi tengi bo‗lsak, 
bu tirrancha qizaloq ermak qilyaptimi? (Said Ahmad) 7. Mayli, kelib o‗tirsin – mana 
hovli, mana joy! Lekin manovi yetimchalaringni sudrab men qay go‗rga boray, ayt?! 
(Erkin A‟zam) 8. Ha, endi, buvingnikiga ko‗chib ketadigan bo‗lsak, uyni tashlab 
ketamizmi, orqalab opketamiz-da, o‗g‗iltoy! (Sh. Boshbekov) 
 
SIFAT 
Otga bog‗lanib, uning belgisini bildiradigan va «qanday?», «qanaqa?» 
so‗roqlariga javob bo‗ladigan so‗zlarga sifat deyiladi. 
 
1-misol.
 
Chiroyli ko‗ylak, baland bino, devoriy gazeta, qiziq gap, kuzgi ekin. 
2-misol. Sifatlarning tagiga chizilgan. 
Baqqol amaki o‗zi pakana-yu, lekin yuzi katta, peshonasi keng, yakkam-
dukkam soqolli, burni puchuq, iyagi kalta odam. Qorni ham haddan tashqari katta 
bo‗lganligi uchun o‗tirganda xuddi bir qop go‗shtdek bo‗lib qoladi. O‗ziyam juda 
g‗alati odam, sergapmi, kamgapmi, bilib bo‗lmaydi. Bir qarasangiz, qiziq-qiziq 
gaplarni aytib, odamlarni kuldirib o‗tiradi; bir qarasangiz, gung bo‗lib boshini egib 
oladi. (X. To„xtaboyev)