Samarqand viloyati pedagoglarni yangi

 2. Amalga oshirish (sinab koʻrish). Oʻquv dasturi boʻyicha sinov darslarini oʻtish. Bu 
bosqichda oʻqituvchilardan biri hamkorlikda ishlab chiqilgan reja boʻyicha dars oʻtadi, boshqalar 
esa uni kuzatadilar. Har bir oʻqituvchining oʻz vazifasi bor: kimdir dars jarayonini videotasvirga 
tushiradi, kimdir vaqtni nazorat qiladi, boshqalar kuzatib, tahlil qiladilar.
3. Baholash (tahlil). Dars yakunlangach, barcha oʻqituvchilar toʻplanib, uni muhokama 
qiladilar. Dars davomida kuzatuvchilar dars maqsadining belgilanishi, oʻquv materialining 
mavzuga mosligi, taqdim etish metodlari, oʻqituvchi faoliyati, oʻquvchilar xulqi, oʻqituvchi va 
oʻquvchilarning muloqoti va boshqa jihatlarni oʻrgandilar. Dars tahlili yutuq va kamchiliklarni 
aniqlash imkonini beradi. 
4. Qayta ishlash (tatbiq etish). Dars rejalari, yondashuvlarni qayta koʻrib chiqish, hisobot, 
yangi rejani ishlab chiqish. Yakuniy bosqichda oʻqituvchilar tahlil davomida bildirilgan fikr-
mulohazalar asosida dars rejasini qayta ishlaydilar, pedagoglarning kasbiy layoqat 
(kompetentsiya)larini rivojlantirish uchun oʻqitishning yangi strategiyalarini taklif qiladilar.
Qayta ishlab chiqilgan dars rejasi barcha (shu fan boʻyicha) oʻqituvchilarga taklif etiladi. 
Bunday yondashuv oʻqituvchilarning kasbiy mahoratini oshirishda samarali boʻlib, qisqa vaqt 
ichida koʻzlangan maqsadga erishish, hamkorlikda oʻqitish, bir-biridan oʻrganish imkoniyatini 
beradi. 
Davlat va huquq asoslari fanini oʻqitish jarayoni bevosita dars jarayoni bilan bogʻliq. 
Xoʻsh dars nima?
Dars – oʻquv ishining asosiy tashkiliy shakli boʻlib, unda oʻqituvchianiq belgilangan dars 
doirasida oʻquvchilarning doimiy tarkibi bilan qatʻiy jadval boʻyicha shugʻullanadi, jamoaviy 
bilish faoliyatiga rahbarlik qilib, oʻquv dasturiga oʻzi belgilaydigan didaktik va tarbiyaviy 
vazifalarga erishish uchun xilma-xil metodlardan foydalanadi.
Dars oʻquv ishini tashkil qilishning asosiy shakli, ammo u taʻlimning boshqa shakllarini: 
maʻruza, amaliyot, laboratoriya mashgʻulotlari, konsultatsiyalar, uy vazifalari, qoʻshimcha 
mashgʻulotlarni rivojlantirishni istisno etmaydi.
Taʻlimni tashkil etishning yordamchi shakllari fakultativ mashgʻulotlar sanaladi. Ular 
oʻquvchilarning qiziqishlari asosida tashkil etiladi: toʻgaraklar, klublar, olimpiadalar, 
viktorinalar, koʻrgazmalar, ekspeditsiyalar va hokazolar.
Dars oʻquvchilarning doimiy tarkibi, mashgʻulotlarning aniq belgilangan oldindan 
tuziladigan jadval va oʻquv ishlari biror aniq mavzuda tashkil etilishi kabi oʻziga xosliklarga ega 
boʻlgan taʻlimning jamoa shakli hisoblanadi.
Oʻqituvchining darsdagi ishi barcha oʻquchilarning darsning oʻzidayoq oʻrganilayotgan 
bilim asoslarini egallashlari, zarur koʻnikma va malakalarni hosil qilishlari uchun zamin yaratadi.