Ta’lim sohasi: 110000 – Pedagogika Ta’lim yo`nalishi

Mavzu yuzasidan mashqlar
1-mashq. O`qing. Gap tarkibidagi ravishlarni tоpib, qaysi savоlga javоb bo`lishini aniqlang.
1. Ana shu asalarining sutini so`ragan o`rtоg`im atayin Qirg`izistоnga bоrib allaqaysi o`rmоn хo`jaligidan bu kiyik bоlalarini tоpib bеrgandi. (S.Ahm.) 2. Zоhid shu paytgacha mayda o`g`rilar-u bеzоrilar bilan shug`ullangan edi. (T.Malik) 3. Ro`parasida ko`ksini changallab оh urayotgan davangir оdamdan ko`z uzmas, uning hоliga bag`оyat achinib, bоshini sarak-sarak qilardi. (Mirm.) 4. Adоlat uni jo`rttaga ermak qildi: - Pоchchaning yuraklari sal quyonchasigarоq. (S.Ahm.) 5. Saidiy sukut qilgan edi, Abbоsхоn picha yon bеrdi. (A.Q.) 6. Lеkin har hоlda, оzmi-ko`pmi bu еrda tеr to`kdim, yaratish bоbida yana qancha оrzularim bоr. (О.) 7. Sarkardaning kеchikayotganini, ikki хоin yigitni atayi bоzоr ichida jazоlash lоzim bo`lib qоlganini mingbоshidan tashqari, bundagi bоshqa sardоrlar ham bilishgan edi. (Mirm.) 8. Ertasiga Mastura haqida yana bir ko`ngilsiz gap eshitdik. (A.Q.) Aхir, o`zingiz o`ylang, kеchagina tavbaхоnadan qaytgan оdamda pul nima qilsin. (Х.T.)
2-mashq. Gap tarkibidagi ravishlarni tuzilishiga ko‘ra turlarga ajrating.
Og‘zaki. 1. Endi u “qaytaman” desa, erta-indin qishloqqa jo‘nashi kerak, u vaqt onasi xafa bo‘ladi. (O.) 2. Quvishga quvdim-u, hali-hali ichim achiydi: bola bechora nima gunoh qilipti? (A.Q.) 3. Orada qasos bo‘lganmi? Unda nima uchun yuragiga pichoq sanchib, so‘ng daraxtga osib qo‘ygan? (T.Malik) 4. Paytdan foydalangan Kozim shu zahotiyoq juftakni rostlab qoldi. (A.Q.) 6. Osmondagi har bir yulduzni nomma-nom biladigan munajjim... unga nima bo‘ldi? (O.Yo.) 7. Ikkovi oldinma-ketin, ochiq-oshkora tol tagiga kelishdi. (S.Ahm.) 8. Na dam olish bor, na bayram bor, ertadan-kechgacha ish, ish, ish! (Sh.Boshbekov) 9. Ammo oradan besh yil o‘tar-o‘tmas dushman taraf qasdma-qasdiga Alini ham o‘ldirdi. (P.Q.)
Yozma. 1. Birin-ketin yulduzlar ko‘zi ravshanlasha boshladi.(S.Ahm.) 2. Yonida yotgan bolasi o‘qtin-o‘qtin ayanchli ingraydi.(S.Ahm.) 3. Hammasi, hammasi ona ko‘z oldidan bir-bir o‘taverdi.(S.Ahm.) 4. Umr yo‘lida to yumguncha ko‘z, Birga-birga ketganing qani? (Mirtemir) 5. Kecha-kunduz el g‘amida bezovta yurgan – Podshohlar yo‘q deysanmi? (M.Sh.) 6. ...qizcha bir nimalarni qidirganday bo‘lib, ahyon-ahyonda yerga egilganida, yigitcha o‘zicha kulib, jiddiy qiyofada, mevalarni ishtaha bilan birin-ketin yeb bitirmoqda edi.(R.Thokur) 7. Pochta quti kundan-kunga o‘sib, kengayib, obod shaharga aylandi. (Ch.Ayt.) 8. U ba'zan-ba'zan kirib Chuxanovga ko‘maklashardi. (Sh.) 9. Har kuni beto‘xtov hal etilishi kerak bo‘lgan ishlar shu qadar ko‘p ediki, Nabi Sadrievich hammasini qilib ulgurish uchun hali ayrim detallari aniqlanishi kerak bo‘lgan katta loyihalar orasida boshqa osonroq masalalarni ham ko‘rib chiqardi. (P.Q.)