Тиллаходжа хайдарович абдуходжаев, фанил фаридович загрутдинов, дилбархон файзирахмановна болтабаева

Линиментлар (суюқ суртмалар) - Linimenta 
(Линимент - бош келишик бирликда Linimentum, қаратқич келишик бирликда Linimenti, 
қисқартмаси-Linim.) 
Линиментлар суюқ дори шакли бўлиб, сиртдан ишлатишга мўлжалланган сутсимон 
суюқликдир. Тери ва бўғинларга оз-оздан ишқалаб, сингдириб суркалади, яъни 
сингдирилади. Линиментларнинг баъзилари эмульсиясимон (алоэ линименти, аммиакли 
линимент, нафталгин линименти), баъзилари суспензиясимон (А.В.Вишневский бальзамик 
линименти), баъзилари эмульсия-суспензиясимон (синтомицин, стрептоцид линименти), 
баъзилари микстуралар (метилсацилат мураккаб линименти, скипидар мураккаб линименти, 
санитас линименти) сифатида бўлади. 
Баъзи линиментлар қуюқ желесимон бўлиб тана ҳароратида суюлади, бундай 
линиментлар оподелдоклар (италиянча - тажрибали инсон маҳсулоти) дейилади ва юмшоқ 
дори шакли ҳисобланади. 
Линиментлар 
асосан саноатда тайёр ҳолда чиқарилади, уларга рецепт 
қисқартирилган кўринишда ёзилади. Рецепт Linim. сўзидан бошланиб, дори номи, 
концентрацияси ва умумий миқдоридан кейин D.S. билан тугалланади. 
Мисол: 25 мл официнал 5% ли синтомицин линименти (Linimentum Synthomicini, 
Chloramphenicol)ни терининг жароҳатланган қисмига суркаш учун буюрилсин. Қўллашдан 
олдин чайқатилсин. 

---

43 
Rp.: Linim. Synthomycini 5% - 25 ml 
(Chloramphenicol) 
D.S. Терининг жароҳатланган қисмига
суркаш учун. Қўллашдан олдин чайқатилсин. 
Магистрал 
линиментлар 
кенгайтирилган 
кўринишда 
ёзилади. 
Таркибий 
қисмларнинг номи ва миқдоридан кейин M.f. linimentum (линимент ҳосил бўлгунча 
аралаштир) вa D.S. билан тугалланади. 
Мисол: 20 мл хлороформ (Chloroformium, Chloroformium), 40 мл мингдевона мойи 
(Oleum Hyosyami, Hyoscyamus niger)дан иборат линиментни бўғинларнинг жароҳатланган 
жойига ишқалаб, сингдириб суркаш учун буюрилсин. Қўллашдан олдин чайқатилсин. 
Rp.: Chloroformii 20 ml 
(Chloroformium) 
Olei Hyoscyami 40 ml 
(Hyoscyamus niger) 
M.f. linimentum 
D.S. Бўғинларнинг жароҳатланган қисмларига 
ишқалаб, синдириб суркаш учун.
Қўллашдан олдин чайқатилсин.