Toshkent davlat Yuridik universiteti fuqarolik huquqi darslik I qism toshkent-2017 fuqarolik huquqi darslik I qism

GLOSSARIY


Abstrakt bitim – haqiqiyligi muayyan asos - maqsad bilan bevosita bog’liq bo’lmagan bitim.
Ashyolar – muayyan moddiy qiymatga ega bo’lgan hamda iqtisodiy munosabatning predmeti bo’la oladigan narsalar.
Ashyoviy huquq – ashyoni egallash, undan foydalanish va tasarruf etish bilan bog’liq huquq.
Birgalikdagi mulk – mulkdorlardan har birining mulk huquqidagi ulushi aniqlab qo’yilmagan mol-mulk.
Bitim – fuqarolar va yuridik shaxslarning fuqarolik huquq va burchlarini belgilash, o’zgartirish va bekor qilishga qaratilgan harakatlar.
Cheklangan javobgarlik – majburiyatlarning ayrim turlari bo’yicha hamda muayyan faoliyat turi bilan bog’liq majburiyatlar bo’yicha qonunda zararni to’la qoplashga bo’lgan huquqning cheklanishi.
Da’vo muddati – shaxs o’zining buzilgan huquqini da’vo qo’zg’atish yo’li bilan himoya qilishi mumkin bo’lgan muddatdir.
Davlat korxonasi – davlat mulkidagi, o’ziga operativ boshqarish uchun berilgan mulk negizida tashkil etilgan davlat unitar korxonasi shaklidagi tijorat tashkilotidir.
Fidustiar bitim – taraflarning o’zaro ishonchiga asoslanadigan bitimlar.
Fuqarolar (jismoniy shaxslar) – O’zbekiston Respublikasining fuqarolari, boshqa davlatlarning fuqarolari, shuningdek fuqaroligi bo’lmagan shaxslar.
Fuqarolik huquq layoqati – fuqarolarga o’zlarining moddiy va madaniy ehtiyojlarini qondirish maqsadida xilma-xil huquqiy munosabatlarga kirishishning yuridik imkoniyatini beradigan huquq va majburiyatlarga ega bo’lish layoqati.
Fuqarolik huquqi – yuridik jihatdan teng bo’lgan subyektlar o’rtasidagi mulkiy va shaxsiy nomulkiy munosabatlarni tartibga soladigan hamda mustahkamlaydigan huquqiy normalar yig’indisidir.
Fuqarolik huquqi fani – fuqarolik-huquqiy munosabatlar bilan o’zaro bog’liq tushunchalar, kategoriyalar, qarashlar, xulosalar, mulohazalar, fikrlar, konsepsiyalar va nazariyalar tizimini o’zida ifoda etgan yurisprudensiyaning asosiy tarmog’i.