Toshkent davlat yuridik universiteti

Oddiy vasiyatnoma uning mazmuni bilan uni tasdiqlayotgan notarius yoki 
boshqa mansabdor shaxslar tanishib chiqqan holda tasdiqlanadi. Vasiyatnomaning 
sir saqlanshi to’g’risidagi qoidalar ushbu vasiyatnomalarga nisbatan tadbiq etiladi, 
ya’ni notarius yoxud vasiyatnomani tasdiqlagan boshqa mansabdor shaxs meros 
ochilgunga qadar vasiyatnomaga daxldor ma’lumotlarni oshkor qilishga haqli 
emas. 

---

604 
Maxfiy vasiyatnoma bu – vasiyat qiluvchining talabi bilan notarius va 
vasiyatnomani tasdiqlovchi boshqa mansabdor shaxs tomonidan uning mazmuni 
bilan tanishib chiqilmasdan tasdiqlangan vasiyatnoma. 
Maxfiy vasiyatnomani vasiyat qiluvchi haqiqiy sanalmaslik xavfi ostida o’z 
qo’li bilan yozishi va imzolashi, familiyasi, ismi va otasining ismini to’liq yozishi 
lozim. Bu haqda notarius va boshqa mansabdor shaxs vasiyat qiluvchidan og’zaki 
so’raydi va tasdiqlovchi yozuvda ko’rsatadi. Vasiyatnoma ikki guvoh hamda 
notarius yoki mansabdor shaxs ishtirokida xatjildga solinib, xatjild elimlanishi 
lozim, guvohlar o’z familiyasi, ismi, otasining ismini va doimiy propiska qilingan 
manzilni ko’rsatgan holda xatjildga imzo qo’yadilar. Guvohlar imzo qo’ygan 
xatjild guvohlar va notarius yoki mansabdor shaxsning ishtirokida boshqa xatjildga 
solinadi va bu xatjild ham elimlanadi, unga notarius yoki mansabdor shaxs 
tasdiqlovchi yozuvni yozib qo’yadi. 
 
3 §. Vasiyatnomani o’zgartirish, bekor qilish va
uni haqiqiy emas deb topish
Vasiyat qoldiruvchi o’zining vasiyatnomada izhor qilgan irodasini xohlagan 
vaqtda o’zgartirishi va bekor qilishga haqli. Bu haqda FKning 1127-moddasida 
ko’rsatib o’tilgan, ya’ni vasiyat qiluvchi istalgan vaqtda o’z vasiyatnomasini 
to’laligicha bekor qilishga yoxud unda mavjud bo’lgan ayrim vasiyat 
farmoyishlarini yangi vasiyatnoma tuzish orqali bekor qilishga, o’zgartirishga yoki 
to’ldirishga haqli.