Toshkent davlat yuridik universiteti

4. Ashyoning yuk topshiruvchi tomonidan qaytarib olinishi majburiyati. 
Omonat saqlovchi ashyoni shartnomada kelishilgan muddat davomida saqlashi 
shart. Agar shartnomada saqlash muddati nazarda tutilgan bo’lmasa va uni 
shartnomaning shartlariga qarab aniqlash mumkin bo’lmasa, ashyo yuk topshirgan 
shaxs tomonidan talab qilib olinguncha saqlanadi. Agar saqlash muddati ashyoni 
yuk topshirgan shaxs tomonidan talab qilib olish paytigacha qilib belgilangan 
bo’lsa, omonat saqlovchi bunday vaziyatlarda odat bo’lgan ashyoni saqlash 
muddati tugagach, ashyoning yuk topshirgan shaxs tomonidan qaytarib olinishini 
talab qilishga haqli bo’lib, ashyoni topshirgan shaxsga uni qabul qilib olish uchun 
oqilona muddat beradi. Yuk topshiruvchining bu majburiyatni bajarmasligi ushbu 
Kodeks 888-moddasining ikkinchi va uchinchi qismlarida nazarda tutilgan 
oqibatlarga olib keladi. Omonat saqlash majburiyati oxirgi natija — saqlash 
muddati tugaganida yuk topshiruvchiga ashyoni lozim darajada qaytarib berishga 
qaratilgan. Agar omonat saqlovchi shartnoma bo’yicha ashyoni saqlanishini 
ta’minlamagan bo’lsa, u qancha muddat davomida o’z majburiyatlarini lozim 
darajada ijro etib qachondan boshlab majburiyatini buzganidan qat’iy nazar, 
buning uchun javob beradi. Yuk topshiruvchini oxirgi, tugal natija qiziqtiradi. 
Omonat saqlash muddatidan oldin omonat saqlovchi javob beradigan holatlarda 
tugatilgan taqdirda, u omonat saqlash uchun mukofot talab qilishga haqli emas va 

---

363 
buning uchun olingan mukofot pullarini yuk topshiruvchiga qaytarib berishi lozim. 
Demak, omonat saqlovchining asosiy burchi omonat tarzida qo’yilgan 
narsani saqlashdir. Uning boshqa burchlari o’sha asosiy burchga bog’liq bo’ladi. 
Omonat saqlashni tadbirkorlik yoki boshqa professional faoliyat sifatida amalga 
oshiradigan omonat saqlovchi omonat saqlash shartnomasi bo’yicha o’z zimmasiga 
yuk topshiruvchining ashyolarini saqlashga qabul qilish va yuk topshiruvchi 
bergan narsalarni ushbu moddada nazarda tutilgan qoidalarga muvofiq saqlash 
majburiyatini olishi mumkin.