Toshkent davlat yuridik universiteti

Masalan, 
tayyorlovchi 
zimmasiga 
qishloq 
xo`jalik 
mahsulotini 

---

52 
etishtiruvchidan u joylashgan yerda qabul qilish majburiyati yuklatiladi. Agar 
qishloq xo`jalik mahsulotini tayyorlovchi ko`rsatgan yoki joylashgan yerda qabul 
qilib olishga kelishilgan bo`lsa, mahsulotni qabul qilib olishdan bosh tortishga yo`l 
qo`yilmaydi; 
 
kontraktatsiya shartnomasi davlat tomonidan o`rnatilgan rejaga 
asoslangan bo`ladi. Shartnoma predmeti, uning miqdori, bahosi va boshqa 
shartnoma shartlari oldindan belgilanadi. Agar xo`jalik bilan tayyorlovchi 
o`rtasidagi munosabatlar davlat rejasiga asoslanmagan bo`lsa, vujudga kelgan 
shartnoma munosabatlari oldi-sotdi yoki mahsulot yetkazib berish shartnomasi 
maqomiga ega bo`ladi; 
 
davlat ehtiyojlari uchun tovarlar yetkazib berish bo`yicha davlat 
kontrakti shartnomasi bilan kontraktastiya shartnomasining farqi shundaki, 
kontraktastiya shartnomasi xo`jalikning tashabbusi bilan, davlat buyurtmasidan 
ortiqcha etishtirilgan mahsulotlarni sotish uchun tuziladi va unda mahsulotni xarid 
narxi kelishilgan miqdorda belgilanadi. Davlat kontrakti bo`yicha tuzilgan 
shartnomada esa davlat vakolat bergan tayyorlovchi tashkilot tomonidan 
xo`jaliklar bilan belgilangan miqdorda va xarid narxida amalga oshiriladi; 
 
kontraktatsiya shartnomasi bo`yicha majburiyatlarni bajarmaganlik 
uchun dehqon, fermer va shirkat xo`jaliklarining javobgarligini hal yetishda xizmat 
ko`rsatuvchi tashkilotlarning o`z majburiyatlarini qay darajada bajarganliklari ham 
e’tiborga olinadi. Xususan, Nizomning 79-bandida xizmat ko`rsatuvchi 
tashkilotlarning ham javobgarligi belgilangan. 
Kontraktatsiya shartnomasi tuzish, o`zgartirish va bekor qilish tartibi. 
Kontraktatsiya shartnomalarini tuzish bevosita xo`jaliklarda amalga oshiriladi. 
Kontraktatsiya shartnomalari, shuningdek moddiy-texnika resurslari yetkazib 
berish va xizmatlar ko`rsatish (ishlarni bajarish) yuzasidan tuzilgan shartnomalar 
xo`jaliklarning biznes-rejalarida nazarda tutilgan hajmlardan kelib chiqqan holda, 
agrotexnika tadbirlarini amalga oshirish boshlanishidan bir oy oldin, ammo 
kalendar yil boshlanishidan kechikmay tuzilishi lozim. 
Shartnoma tuzishda tayyorlovchi vakolatli vakilini xo`jalikka yuboradi. 
Tayyorlovchi kontraktastiya shartnomasi loyihalarini xo`jaliklarga, agar ular 
shartnoma tuzishga rozi bo`lsalar, pochta orqali yuborishi mumkin. 
Xo`jalik tayyorlovchining vakili xo`jalikka kelgan kundan boshlab yoki 
shartnoma loyihasi pochta orqali olingandan keyin yetti kun mobaynida 
shartnomani imzolashga va uni tayyorlovchiga qaytarishi shart. Agar shartnoma 
shartlari bo`yicha xo`jalikda e’tirozlar paydo bo`lsa, xo`jalik xuddi shu muddatda 
kelishmovchiliklar 
bayonnomasini 
tuzadi 
va 
imzolangan 
shartnomani 
kelishmovchiliklar bayonnomasining ikki nusxasi bilan birgalikda tayyorlovchiga 
yuboradi. 
Tayyorlovchi kelishmovchiliklar bayonnomasini olgach besh kun ichida uni 
ko`rib chiqishga qabul qilingan takliflarni shartnomaga kiritishga, nizoli 
masalalarni esa xuddi o`sha muddatda ko`rib chiqish uchun xo`jalik sudiga 
berishga majburdir.