Toshkent davlat yuridik universiteti

Nazorat uchun savollar: 
1. Uy-joy ijarasi shartnomasining muhim shartini izohlang. 
2. Uy-joy ijarasi shartnomasining shakli va rasmiylashtirish tartibini 
yoriting? 
3. Olimov o`ziga tegishli kvartirani Rafiqovga ijaraga berdi. Taraflar bu 
xususda yozma shartnoma tuzishdi. Lekin shartnomaning muddatini belgilashmadi. 
Uch yildan so`ng Olimov uy-joy o`ziga kerakligini aytib, Rafiqovdan uy-joyni 
bo`shatib qo`yishni talab qildi. Bunga javoban Rafiqov uy-joyni bo`shatishning 
iloji yo`qligini, qonun bo`yicha uy-joy ijarasi shartnomasida muddat ko`rsatil-

---

182 
magan bo`lsa u 5 yil muddatga tuzilgan deb hisoblanishini va uyni faqatgina 2 
yildan so`ng bo`shatib berishni aytdi. Olimov Rafiqovning javobi to`g’ri yoki 
noto`g’riligini bilish maqsadida yuridik maslahatxonaga murojaat qildi. 
Olimovga yuridik maslahat bering. 
4. “Kompressor” zavodi o`z xodimlarini vaqtinchalik uy-joy bilan ta’minlash 
maqsadida O`zbekiston Milliy Universiteti (O`zMU) ma’muriyati bilan O`zMUga 
tegishli talabalar shaharchasida joylashgan besh qavatli 25-yotoqxonani ijaraga 
olish to`g’risida 5 yil muddatga shartnoma tuzdi. Oradan 2 yil o`tgach , zavodning 
o`zi yotoqxona qurgach, 25-yotoqxonadagi ishchilarni yangi yotoqxonaga 
ko`chirdi. Va 25-yotoqxonani zavod xodimlarini malakasini oshirish o`quv 
markaziga o`quv mashg’ulotlari uchun berdi. 
Bundan xabar topgan O`zMU ma’muriyati zavoddan 25-yotoqxonani 
qaytarib berishni, zavod uy-joydan belgilangan maqsadda foydalanmayotganligi 
uchun shartnomani bekor qilishini va zavodning aybi bilan shartnoma bekor 
bo`lganligi uchun qolgan muddatga ham ijara haqi to`lashni talab qildi. 
“Kompressor” zavodi O`zMU ma’muriyatining barcha talablarini rad qilib, 
25-yotoqxonaning ichki va tashqi ko`rinishini o`zgartirmaganini, ijara haqini o`z 
vaqtida to`layotganligini, shartnomani bekor bo`lish masalasida ayb Universitet 
ma’muriyati zimmasidaligini, shuning uchun ham yotoqxona ijara shartnomasi 
tugamaguncha qaytarib berilmasligini bildirdi.
Universitet ma’muriyati yuqoridagi talablar bilan sudga murojaat qildi. Sud 
qanday qaror chiqarishi lozim?