Toshkent moliya instituti
Qo’shilgan qiymat solig’i(QQS)
Download 5.16 Kb. Pdf ko'rish
|
- Bu sahifa navigatsiya:
- Yer solig’i xorijiy investitsiyali ishlab chiqrish korxonalari yer solig’ini to’lashdan 2 yilga ozod qilinadi. Aksiz solig’i
- Boshqa turdagi soliqlar va majburiy to’lovlar
- Sanoat tarmog’ining iqtisodiy mohiyati va uning O’zbekiston iqtisodiyotida tutgan o’rni
- 4-jadval Metallurgiya tarmoqlari bo’yicha umumiy mahsulot hajmining o’sish suratlari (o’tgan yilga nisbatan foiz hisobida) 21
- Rangli metallurgiya
Qo’shilgan qiymat solig’i(QQS) xorijiy valyuta hamda qimmatbaho qog’ozlar harakatiga tegishli bo’lgan sug’urta va ssuda berish operatsiyalari; o’zi yetishtirgan qishloq mahsulotlarini sotish; geologik va topografik ishlar; respublikamizda ishlab chiqarilayotgan qurilish materiallari; eksport qilinayotgan tovarlarni hamda xorijiy tovarlarni ortish va tashish bo’yicha ko’rastilgan hizmatlar. Yer solig’i xorijiy investitsiyali ishlab chiqrish korxonalari yer solig’ini to’lashdan 2 yilga ozod qilinadi. Aksiz solig’i nooziq-ovqat iste’mol tovarlarini ishlab chiqaruvchi korxonalar aksiz solig’ini to’lashdan ozod qilinadi. Tamaki mahsulotlari, zargarlik buyumlari, sovun va benzin ishlab chiqaruvchi korxonalar bundan mustasno. Bojxona to’lovlari O’zbekiston Respublikasida 50 mln.$dan ortiq to’g’ridan-to’g’ri xorijiy investitsiya kiritgan yuridik shaxslarning chegaradan olib o’tadigan tovarlaridan import boji undirilmaydi; xorijiy investor o’z zimmasiga ishlab chiqarishni modernizatsiyalash majburiyatini olganida chegaradan olib o’tilayotgan texnologik uskunalar ucun zarur detallar va ehtiyot qismlar bojxona to’lovlaridan ozod qilinadi. 19 A.V.Vahobov, Sh.X.Xajibakiyev, N.G. Mo’minov. Xorijiy investitsiylar. O’quv qo’llanma.-T.: “Moliya”, 2010. 35 Boshqa turdagi soliqlar va majburiy to’lovlar neft va gaz konlarini aniqlash ishlarini olib boruvchi xorijiy korxonalar hamma turdagi soliq hamda to’lovlardan ozod qilinadi. Ushbu korxonalar uskunalar, moddiy-texnik resurslar, hizmatlarni import qiliganda bojxona to’lovlaridan ozod qilinadi; neft va gaz ishlab chiqaruvchi qo’shma korxonalar xorijiy korxonalar yordamida tuzilgan bo’lsa, daromad solig’ini to’lashdan 7 yilga ozod qilinadi. Shuningdek, bu korxonalar mulk so’ligidan va xorijiy hamkorlar ulushidan undiriladigan daromad solig’idan ozod qilinadi. Sanoat korxonalarini investitsiya faoliyatini tartibga solishdagi xalqaro tajribalarni hisobga olish, investorlarga investitsiyalashning barcha turlari va shakllarida milliy tartibotni berish yanada qulay investitsiya muhitini yaratadi va chet el investitsiyalarining kirib kelishini tezlashtiradi. Davlatimiz rahbarining 2010-yil 15-dekabrda qabul qilingan va mamlakatimiz sanoatini barqaror, jadal hamda muvozanatli rivojlantirishga yo‘naltirilgan “2011-2015-yillarda O‘zbekiston Respublikasi sanoatini rivojlantirishning ustuvor yo‘nalishlari to‘g‘risida”gi Qarori mamlakatimizda amalga oshirilayotgan ishlab chiqarishni modernizatsiya qilish, texnik va texnologik yangilash jarayonining mantiqiy davomi bo‘ldi. Mazkur qarorga ko‘ra, sanoat korxonalarini keng miqyosda isloh etish, eng zamonaviy yuqori texnologik uskunalar bilan jihozlash, ularda ilg‘or ilm-fan yutuqlari va innovatsiya texnologiyalarini jadal tatbiq etish, yuqori malakali kadrlar tayyorlashni kengaytirish va shu orqali mamlakatimiz sanoat mahsulotlarining raqobatbardoshligini oshirish, bozor konyunkturasi o‘zgarishlariga bog‘liqligini kamaytirish ko‘zda tutilgan. Qabul qilingan ushbu hujjat ichki sanoat kooperatsiyasi va ishlab chiqarishni mahalliylashtirish, sanoat tarmoqlarida kichik biznes va xususiy tadbirkorlikni jadal rivojlantirish uchun shart-sharoitlar yaratish, sanoat korxonalarini mamlakatimizning barcha hududlarida maqbul ravishda joylashtirishga hizmat qiladi. Bu esa, o‘z navbatida, import o‘rnini bosadigan mahsulotlar ishlab chiqarish, yangi ish o‘rinlarini yaratish, aholining ish bilan bandligini hamda odamlarning daromadlari va turmush darajasini oshirish imkonini beradi. 36 Hujjatda ko‘zda tutilgan mamlakatimiz sanoatini rivojlantirishning maqsadli ko‘rsatkichlari moliyalashtirish manbalari belgilangan bo‘lib bu sanoatda amalga oshiriladigan hamda amalga oshirishga tayyorlab qo‘yilgan investitsiya loyihalari ro‘yxati, ishlab chiqish bosqichida bo‘lgan yangi investitsiya loyihalari, oldindan ishlab chiqilayotgan sanoatdagi istiqbolli investitsiya loyihalarini o‘z ichiga oladi. O‘zbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik, yirik va strategik muhim investitsiya loyihalarini amalga oshirish masalalari bo‘yicha idoralararo kengashga bu boradagi ishlarni muvofiqlashtirish va investitsiya loyihalarini tayyorlash hamda amalga oshirishni ta’minlash bilan bog‘liq masalalarni tezkorlik bilan hal etish, zarur hollarda esa investitsiya loyihalari ro‘yxatiga va asosiy parametrlarga aniqlik kiritish vazifasi yuklatildi. Muhtasar aytganda, “2011-2015-yillarda O‘zbekiston sanoatini rivojlantirishning ustuvor yo‘nalishlari to‘g‘risida”gi qarorda sanoat sohasida umumiy qiymati qariyb 50 milliard dollarni tashkil etadigan 500 dan ortiq yirik investitsiya loyihasini amalga oshirish ko‘zda tutilgan. Yaqin besh yil ichida sanoat mahsulotlarini ishlab chiqarish hajmini kamida 60 foizga oshirish, yalpi ichki mahsulotda uning ulushini hozirgi davrdagi 24 foizdan 2015-yilda 28 foizga ko‘paytirish zarur. Bu borada mashinasozlik, avtomobilsozlik, kimyo, oziq-ovqat, farmatsevtika, qurilish materiallari sanoati va boshqa sohalarni jadal rivojlantirish hisobidan ushbu tarmoqlarda ikki barobardan ziyod o‘sishga erishiladi. Sintetik suyuq yoqilg‘i ishlab chiqarishni tashkil qilish, polietilen va polipropilen mahsulotlar, suyultirilgan va siqilgan tabiiy gaz ishlab chiqarish bo‘yicha yangi, zamonaviy gaz-kimyo komplekslarini barpo etish, energiyani tejaydigan zamonaviy texnologiyalar asosida mineral o‘g‘itlar hamda yangi turdagi kimyoviy mahsulotlar ishlab chiqarish, eskirgan uskunalarni zamonaviy bug‘-gaz qurilmalari bilan almashtirish hisobidan energetika tarmog‘ini jadal 37 rivojlantirish kabi yuksak texnologiyalar sohasidagi loyihalarni amalga oshirishga ham alohida e’tibor qaratiladi. Sanoatda tarkibiy o‘zgarishlarni chuqurlashtirish uning asosiy tarmoqlarini diversifikatsiya qilish va eksport salohiyatini oshirish, iqtisodiyotimiz sanoat sohasi tarmoqlari, komplekslari hamda korxonalari samaradorligi, raqobatbardoshligini yanada oshirishga yo‘naltirilgan. Ma'lumki, investitsiya faoliyati kapital, tadbirkorlik, moliya, innovatsiya, ijtimoiy, iste'mol va boshqa investitsiyalarning hamma turlari bilan bog’liq bo’lib, odatda, soliqlarning fiskal (xazinani to’ldirish) va tartibga solish funksiyalaridan foydalanish yo’li bilan amalga oshiriladi. Bu faoliyat, shuningdek, amortizatsiya siyosatini, dotatsiyalar, subsidiyalar tizimini, kredit, narx siyosatini, davlat kafolatlari tizimini, imtiyozlar yaratishni, chet el investorlarining huquqlarini himoya qilishni va boshqalarni ham qamrab oladi. Davlat xarajatlarini moliyalashtirish uchun turli darajadagi budjetlarga zarur mablag’lar tushumlarini ta'minlashga qaratilgan fiskal vazifaning bajarilishi, milliy iqtisodiyotning rivojlanish darajasiga bog’liq. Tartibga solish funksiyasini ishlatilishi davlatning takror ishlab chiqarish jarayonida ayrim tarmoqlarga investitsiyalar oqimlarini boshqarishi bilan amalga oshiriladi. Shu bilan birga, iqtisodiyotning turli sohalarida kapital jamg'arilishi jarayonlarini kuchaytirish yoki susaytirish, aholining to’lovga qobil talabini kengaytirish yoki qisqartirish yo’llari bilan tartibga solish funksiyasi foydalaniladi. Soliqlarni tartibga solish makroiqtisodiy jarayon va proporsiyalarga ta'sir etishiga qaratiladi. Soliqqa tortishda imtiyozlar, asosan, mikroiqtisodiyotga qaratilgan va iqtisodiy sub'ektlar manfaatlarini hisobga oladi. Chet el invetitsiyali korxonalarga taqdim etiladigan soliq imtiyozlari korxonaning asosiy faoliyatiga nisbatan beriladi, ya’ni mahsulot ishlab chiqarishga ixtisoslashgan va imtiyoz beriladigan iqtisodiyot tarmoqlariga aloqador bo’lgan korxonalarga beriladi. Bunda, agar korxona savdo faoliyati bilan shug’ullansa, unda mavjud qonunchilikka binoan, korxona ushbu faoliyat 38 bo’yicha alohida hisob yuritishi va umuman o’rnatilgan tartibda umumiy tushumdan soliq to’lashi lozim 20 . Umuman olganda yurtimizda qabul qilingan investitsiya va investorlariga tegishli barcha qonun va ularga oid qonun hujjatlari ularni faoliyatini rivojlantirishda, kengaytirishda, ularni huquqlarini kafolatlashda va eng muhimi tartibga solishda beqiyos o’rin egallaydi. I bob bo’yicha xulosa: Tadqiqot ishining 1-bobida yuritilgan fikr-mulohazalar yuzasidan quyidagi xulosalarga kelindi: 1. Har qanday mamlakatning investitsion faoliyatini yuksaltirishda investitsion muhit va investitsion siyosat muhim ijtimoiy hamda iqtisodiy ahamiyat kasb etadi. Shu bois, biz investorlar uchun investitsion muhitni qanchalik qulay qiladigan bo’lsak, mamlakatda yaratilayotgan YaIM shunchalik ko’p yuksalishiga qulay zamin yaratiladi. Bu o’z navbatida, mamlakatimizni jahon iqtisodiy integratsiyasiga izchil kirib borishini jadallashtiradi. 2. Investitsion faoliyatni moliyalashtirishni takomillashtirishning asosiy yo’nalishlarini aniqlashda investitsion siyosat hal qiluvchi ahamiyatga ega. Bu siyosat investitsion faoliyatni moliyalashtirish tartibi, manbalari, tarkibi, tarkibiy tuzilmasi, miqdori yoki hajmi (ko’lami) bilan bog’liq masalalarga o’z ta`sirini ko’rsatadi. 3. Investitsiyalar va ularga xos xarakterli belgilar investitsion faoliyatni moliyalashtirishni takomillashtirishda birinchi navbatda e`tiborga olinishi kerak va ular o’ziga xos tayanch nuqta hisoblanadi. Foyda olishga qaratilganlik, turli ko’rinishlarga ega mablag’lardan iborat ekanlik, bu mablag’larning sarflanishni taqozo etishi, ularning xarajatlar ko’rinishiga egaligi, nisbatan uzoqroq muddatga joylashtirishni talab qilishi va yuqoridagilarning bir vaqtning o’zida namoyon bo’lishi investitsiyalarning harakterli belgilaridir. 20 O’zbekiston Respublikasi Iqtisodiyot Vazirligining “To’g’ridan-to’g’ri xususiy xorijiy investitsiyalar uchun soliq imtiyozlarini qo’llash tartibi to’g’risida”gi Nizomi. 2005-yil, 3-avgust. 39 4. Investitsiyalar – bu bo’sh turgan kapitalni iqtisodiy-ijtimoiy daromad olish maqsadida harakatga keltirishdir. 5. Sanoat korxonalarida investitsiya faoliyatini moliyalashtirishni takomillashtirishda investitsion faoliyat va uning o’ziga xos xususiyatlaridan kelib chiqish maqsadga muvofiq. Investitsion faoliyat faqat investitsiyalarni amalga oshirish va investitsiya jarayonlari bilan bog’liq faoliyat hisoblanadi. Investitsion faoliyat uchun nisbatan uzoq vaqt davom etish, nisbatan katta miqdordagi mablag’larni sarflash, foydaga ega bo’lish yoki boshqa foydali samaraga erishish maqsadi xos. 6. Investitsion faoliyat - bu g’oyalarni ishlab chiqish va investitsiya loyihalarini asoslash, ularni moddiy-texnik va moliyaviy ta`minlash, buning natijasida barpo etilayotgan ob`ekt faoliyatini boshqarish va investorlarning o’z oldiga qo’ygan maqsadlariga erishish imkoniyatlarini ham aks ettiradi. 7. O’zbekiston iqtisodiyotining taraqqiyotini ta`minlashda investitsiyalarning roli benihoya katta bo’lib, u, eng avvalo, iqtisodiyotni intensiv rivojlantirish asosida hamda yangi texnika-texnologiyalar jalb qilish va o’zlashtirish negizida rivojlantirishi bilan izohlanadi. 8. Hozirgi sharoitda investitsion faoliyat davlat tomonidan tartibga solinishni taqozo etadi. Chunki iqtisodiyotning o’zi singari u ham islohotga muhtojdir. Uni isloh qilish investitsion faoliyatning alohida yo’nalishlari bo’yicha erkinlashtirish va investitsion faoliyatidagi davlatning monopol mavqeiga barham berish yo’llari orqali amalga oshirilishi lozim. 9. Sanoat korxonalarini investitsion faoliyatini boshqarish va tartibga solishni huquqiy sharoitlar yaratish, ushbu faoliyatni yuritish uchun kafolatlar berish, u faoliyat sub'ektlarini sug’urtalash va boshqa vositalar orqali ijtimoiy yoki davlat manfaatlarini amalga oshirish yo’lida tashkil etiladi. 10. Mustaqillik yillarida mamlakatimiz iqtisodiyotiga yo’naltirilgan investitsiyalar o’zining yuqori o’sish sur`atlariga egaligi bilan ajralib turmoqda. Shuningdek, investitsiyalarni moliyalashtirish markazlashmagan manbalarining tarkibida keskin o’zgarishlar sodir bo’lgan. 40 II BOB. IQTISODIYOTNI MODERNIZATSIYALASH SHAROITIDA SANOAT KORXONALARIDA INVESTITSIYA FAOLIYATINI MOLIYALASHTIRISHNING AMALDAGI HOLATI TAHLILI 2.1. Sanoat tarmog’ining iqtisodiy mohiyati va uning O’zbekiston iqtisodiyotida tutgan o’rni Sanoat – moddiy ishlab chiqarishning eng yirik yetakchi tarmog’i bo’lib, unda mehnat qurollari (vositalari), mehnat buyumlari va xalq iste`mol tovarlarining ko’pchilik qismi yaratiladi. Unda mashina va mehanizmlarning barcha turlari, bino va inshootlarning konstruktiv elementlari ishlab chiqariladi, yer osti boyliklarini qazib olish amalga oshiriladi, mineral, o’simlik va hayvon xomashyosiga ishlov beriladi hamda keng iste`mol mollari tayyorlanadi. Sanoat jamiyatning yetakchi kuchi bo’lgan ishchilar sinfini o’zida birlashtiradi. Sanoat rivoji tufayli unda band bo’lgan xodimlarning soni ko’payadi, ularning bilim va ilmi, mahorati ortadi, kadrlar salohiyati yuqori darajaga ko’tariladi. Sanoat qishloq xo’jaligi ishlab chiqarishini qayta qurishning negizi hisoblanadi. Uni yangi texnika bilan ta`minlash orqali sanoat dehqon xo’jaligini iqtisodiy va madaniy jihatdan yuqori darajaga ko’tarishga, shahar bilan qishloq o’rtasidagi muhim tafovutni yo’qotishga, dehqon mehnatini industrial mehnatga aylantirishga yordam beradi. Sanoat uchun uzluksiz fan-texnika taraqqiyoti va ishlab chiqarish ilm-fan yutuqlari bilan qurollanishining o’sishi xarakterlidir. Unda elektrlashtirish va elektronizatsiyalash, ishlab chiqarishni avtomatlashtirish va kompyuterlashtirish hamda kimyolashtirish sohasidagi ilg’or yutuqlardan keng foydalaniladi va ularning yutuqlarini tinchlik maqsadida qo’llaniladi. Sanoat, ayniqsa uning ustuvor sohalari butun ishlab chiqarishni globallashtirish muammolarini hal etishning kalitidir. Sanoat moddiy ishlab chiqarishniing bosh tarmog’i, iqtisodiyotning poydevoridir. Milliy iqtisodiyotning barcha tarmoqlarini qayta qurishga qodir 41 bo’lgan yirik mashinalashgan sanoatgina mustaqillikning birdan bir moddiy negizi bo’lishi mumkin. Sanoat tabiatda uchraydigan moddiy boyliklarni qazib chiqarish va tayyorlashni, ularni va qishloq xo’jaligida yetishtirilgan mahsulotlarni qayta ishlashni o’z ichiga qamrab oladi. U barcha xalq xo’jaligi tarmoqlari uchun ishlab chiqarish kuchlarining asosiy elementlaridan biri hisoblangan jamiyatning tabiat ustidan hukmronligini birmuncha orttiradigan, fan-texnika taraqqiyotini belgilaydigan, inson mehnatining unumdorligini oshirishga imkon beradigan, mehnat va ishlab chiqarish qurollarini yaratadigan sohadir. Sanoat taraqqiyoti ishlab chiqarish kuchlarining bir tomonlama rivojlanishiga xotima beradi, mamlakat va uning ajralmas qismi bo’lmish viloyatlarning tabiiy boyliklaridan, xom-ashyo va mehnat resurslaridan kengroq hamda har tomonlama foydalanish imkoniyatini yaratib beradi. O’zbekiston sanoatining hozirgi taraqqiyoti katta dinamiklik bilan ajralib turadi, chunki u mustaqillik yillarida, ayniqsa XX asrning oxiri va XXI asr boshlarida yuqori sur`atlar bilan rivojlana bordi. Ayni vaqtda ishlab chiqarishning yuqori darajada o’sish bilan bir qatorda, uning tuzilmasida ham uzluksiz tarkibiy o’zgarishlar ro’y berdi. Sanoatning uzoq istiqbolga mo’ljallangan rivojini aniqlash, turli iqtisodiy mutanosibliklarni belgilash va ularga e`tibor qilish zarurligini talab qiladi. Hozirgi zamon sanoati bir-biri bilan chambarchars bog’liq bo’lgan ko’pgina tarmoqlar va ishlab chiqarishlardan tashkil topadi. Bugungi kunda Respublika sanoatida 175 tarmoq, 25000 dan ortiq yirik va o’rta sanoat korxonalari mavjud. Umuman olganda, tarmoqlar bo’yicha ishlab chiqarish tarkibida og’ir sanoat (yonilg’i-energetika majmuasi, mashinasozlik, metallurgiya) salmog’ining oshishi yengil sanoat ulushi hisobiga bo’lmoqda. Ishlab chiqarishni diversifikatsiyalash va qo’shimcha qiymat yaratuvchi sanoat tarmoqlarini rivojlantirishga qaratilgan iqtisodiy strategiya respublikaga yaxshi natijalar keltirmoqda. 42 O’zbekiston o’zining oltini, paxta tolasi va ipagi, nefti va gazi, samolyot va avtomobillari, paxta terish va paxtani qayta ishlash mashinalari bilan, ekskovator va kompressorlari, vino va konservalari hamda bir qator boshqa sanoat mahsulotlari bilan dunyoga mashhurdir. O’zbekiston Respublikasining industrial qiyofasini energetika, kon-ruda, oltin qazib oluvchi, samolyotsozlik va avtomobilsozlik sanoatlari, elekrtotexnika va elektron sanoatlari, ko’p tarmoqli mashinasozlik va qurilish materiallari sanoati belgilab bermoqda. Sanoat tarmog’i barcha rivojlangan mamlakatlar kabi bizning respublikamizda ham, davlat budjetiga tushadigan asosiy daromadlar manbaidan biri hisoblanadi. Sanoat keng ko’lamli va sertarmoq sohadir. U o’z ichiga og’ir va yengil sanoat tarmog’ini qamrab oladi. Og’ir sanoat tarmog’i tarkibiga elektroenergetika, yoqilg’i, metallurgiya, mashinasozlik va metalni qayta ishlash, qurilish materiallari hamda kimyo-neft sohalari kirsa, yengil sanoat tarmog’i to’qimachilik, tikuvchilik, charm-poyafzal va oziq-ovqat sohalarini o’z ichiga oladi. O’zbekiston sanoati to’qimachilik va qurilish materiallarini ishlab chiqarish borasida ko’p asrlik an’analariga egadir. O’zbek hunarmandlarining mahsulotlari dunyoga mashhur hisblanadi. Qurilish sohasida ham qadimdan yetakchi sanaladi. Bunga Buhoro, Samarqand, Xiva va Toshkentda joylashgan qadimiy bino-inshootlar misol bo’ladi. Bundan tashqari “Buyuk ipak yo’li” markazida O’zbekistonni joylashishi to’qimachilik va tikuvchilik shohasini rivojlanishiga sabab bo’lgan. Milliy iqtisodiyotimizda sanoat tarmog’i muhim ahamiyatga ega bo’lib, u quydagi xususiyatlariga ko’ra iqtisodiyotimiz tarmoqlari orasida yetakchi o’rinda turadi: ushbu tarmoq bozorning katta qismini egallab, aholi is’temol tovarlarini ishlab chiqaradi; mamlakatning asosiy eksport mahsulotlarini yetkazib beradi; respublika aholisining katta qismini ish bilan ta’minlaydi; mamlakatni iqtisodiy qudratini oshiradi. 43 Keying davrlarda O’zbekiston Respublikasi sanoatida sifat va miqdor jihatidan jiddiy o’zgarishlar sodir bo’lmoqda. Bu o’zgarishlar respublika ichki bozorini sifatli mollari bilan to’ldirish, ularni eksportga sotish uchun ishlab chiqarish hajmini yuksaltirish, mahsulot turlarini ko’paytirish va sifat borasidagi ishlar orqali yaqqol nomoyon bo’lmoqda. Biroq tarmoqdagi korxonalar investitsiya faoliyatini moliyalashtirishni rivojlantirishni asosiy omili sifatida jalb etiladigan mahalliy va xorijiy sarmoyalar asosiy ahamiyat kasb etadi. Hozirgi kunda sanoat tarmog’i tarkibiga kiruvchi korxonalarni investitsiya faoliyatini rivojlantirishga borasida korxonalarni tomonidan olib borilyotgan chora-tadbirlar diqqatga molikdir. Sanoat korxonalari ichki va tashqi bozorni turli hildagi rangli va qora metallar, avtomobillar, qurilish materiallari, gazlamalar, kiyimlar, oziq-ovqatlar, har xil sohalar uchun maxsus kiyim va asbob-uskunlar bilan ta’minlaydi. Shuningdek, ushbu tarmoq korxonalari iqtisodiyotning boshqa tarmoqlari (qishloq xo’jaligi, transport, aloqa va boshqalar) uchun ham mahsulotlar tayyorlab berishga hizmat qiladi. Sanoatning yirik tarmoqlaridan biri bo’lgan metallurgiya sanoatida qora va rangli metallurgiya xom ashyolar qazib olinadi va qayta ishlanadi, shuningdek, po’lat, cho’yan va boshqa birikmalar ishlab chiqariladi (4-jadval). Metallurgiya 4-jadval Metallurgiya tarmoqlari bo’yicha umumiy mahsulot hajmining o’sish sur'atlari (o’tgan yilga nisbatan foiz hisobida) 21 2005 2006 2007 2008 2009 2010 2011 2012 Jami 98,5 100,4 102,8 96,4 103,3 100,4 101,6 100,8 Qora metallurgiya 105,3 111,6 111,9 105,4 106,7 107,7 106,3 107,7 Rangli metallurgiya 97,6 99,2 101,4 94,9 102,6 99,1 100,2 99,5 21 O’zbekiston Respublikasi yillik statistik to’plami ma’lumotlari asosida hisoblangan 44 sanoatining salmog’i sanoat tarmoqlari ichida katta ulushni tashkil qiladi. Statistik ma’lumotlaridan ko’rinadiki, hozirgi kunda sanoat korxonalarida ishlab chiqariladigan mahsulotlarini 13,7 % ni metallurgiya korxonalari hissasiga to’g’ri keladi. Mustaqillik yillarida sanoatning yirik tarmog’laridan yana biri to’qimachilik sanoati rivojlana boshladi. Bu tarmoqda paxta, jun, kanop va boshqa xom ashyolar qayta ishlanadi, turli gazlamalar tayyorlanadi, trikotaj va to’quv buyumlari ishlab chiqariladi. To’qimachilik sanoatining salmog’i sanoatning yengil sanoat tarmoqlari ichida eng yuqori 88,7 % ni tashkil etadi. Lekin to’qimachilik sohasining sanoat tarmog’i tarkibidagi ulushi yildan-yilga pasayish tendensiyasiga ega (1-ilova). Oxirgi yillarda sanoat mahsulotlari ichida paxta tolasi eksporti hajmi yildan-yilga oshib bormoqda (5-rasm). 2009-yilda 1012,7 mln.AQSH.dollari qiymatidagi paxta tolasi eksport qilingan bo’sa, 2010-yilda bu ko’rsatkich 560 mln.AQSH.dollarga oshib, 1572,7 mln.AQSH.dollariga yetdi. Download 5.16 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling