Türkmenbaşy adyndaky türkmenistan milli golýazmalar instituty
Download 0.72 Mb. Pdf ko'rish
|
Aly Sewim Siriýa we Palestina Seljuk döwletiniň taryhy-2004`MGI
- Bu sahifa navigatsiya:
- HALABYŇ SERDARYNYŇ ÖLDÜRILMEGI
|
HUMUSA WE DAMASKA ÝÖRIŞ
Mälik Ryzwan musulman dünýäsiniň ünsüni özüne çeken şaýy hutbasy meselesini ýokarda beýan edilişi ýaly çözüp, Humusda özbaşdak beglik guran öňki weziri Jenaheddöwlä we dogany Dukaga garşy ýöriş gurady. Ryzwan ýanyna Sökmeni we Ýagysyýany alyp, Humusyň üstüne ýöredi. Ýöne şol wagtlar haçlylaryň Antakyýa ýetip gelýändigi barada habar geldi. Şol sebäpli bu ýöriş goýbolsun edildi. Ryzwan we beýleki emirler haçlylar bilen boljak söweşi ara alyp maslahatlaşmak üçin Halaba gaýtdylar. HALABYŇ SERDARYNYŇ ÖLDÜRILMEGI Mälik Ryzwan döwleti dolandyrmakda käbir üýtgetmeler girizenden soň, halka zalymlygy bilen 127 döwletde biynjalyklyk döredýän Halap serdary Mijenni lakamly Berekedi zyýansyzlandyrmagy ýüregine düwdi. Bereket alamançylykda ýörkä, öňki Halap Seljukly walysy Akşuňkar onuň gözsüzbatyrlygy, gaýduwsyzlygy şeýle hem alamançylara beletligi üçin olara garşy göreşip biljekdigine ynanyp, Halaba serdar belläpdi. Hakykatdan hem Bereket bu wezipäni Akşuňkar we Tutuş döwründe başarjaňlyk bilen ýerine ýetiripdir, ýöne welin Mälik Ryzwan döwründe weziri, kazyny we beýleki döwlet adamlaryny gysyp, olara zorluk edipdir, hatda garakçylary, bulagaýlary, başbozarlary ýanyna toplap, Halap Seljukly döwletini eline almak üçin taýýarlyk görüp başlapdyr. Şol sebäpli Mälik Ryzwan döwletiň ýokary wezipeli raýat we harby adamlary bilen birleşip, Bereketi tutdurýar we onuň, ýaranlarynyň kellesini kesdirýär (1098-nji ýylyň ortalary). Şeýlelikde, köp wagtlap Halabyň we onuň töwereginde dowam eden her dürli zulum, zorluk, talaňçylyk, howp-hatar öýjügi — Bereket ýok edilýär, ol ýerlerde asuda durmuş ýola goýulýar. |
