Ventilyasiya xajmining normotiv kattaligini uglerod (IV) oksidining mikdorini xisobga olgan xolda bitta odamga bir soatda
Download 1.67 Mb. Pdf ko'rish
|
gigiena
Maktabgacha yoshdagi bolalar ovqatlanishini tashkil etish Maktab yoshidagi bolalar ovqatlanishini to'g'ri tashkil qilish uchun ular organizmining o'ziga xos xususiyatlarini hisobga olib, quyidagi guruhlarga bo'lish lozim: —kichik yasli yoshidagi bolalar; —o'rta yasli yoshidagi bolalar; —maktabgacha yoshdagi bolalar. Bir kunlik oziq-ovqatda oqsillar, yog'lar, uglevodlar nisbati 1:1:4 bo'lishi lozim. Maktabgacha yoshdagi bolalar (3—6 yoshgacha) bir kunda ovqat bilan (har bir kg vazniga) 3,0—3,5 g oqsil, shuncha yog' va 14 g uglevod olishi kerak. Oqsillar umumiy miqdorining 65-70% ni hayvon, 35—40% ni o'simlik mahsuloti tashkil qiladi. Umumiy yog' miqdorining 12—15 % ni o'simlik moyi, qolganini esa sut yog'lari qoplashi, kunlik ovqat tarkibida 110 g kalsiy, 1,5 g fosfor, 8 mg temir bo'lishi kerak. Sabzavot, meva, poliz mahsulotlari, oshko'katlar, shuningdek, yangi uzilgan karam, qizil sabzi, salatlarni iste'mol qilish tavsiya etiladi, chunki ular mineral tuzlarga, mikroelementlarga hamda vitaminlarga boy bo'ladi. Maktabgacha yoshdagi bolalar ham maktab yoshidagi bolalardek kuniga 4 mahal ovqatlanadilar. Ertalabki nonushta 1 kunlik quvvat sarfining 25% ni, tushlik ovqat 35 % ni, peshingi nonushta 15 % ni, kechki ovqat 25 % ni tashkil qiladi, 3—5 yoshgacha bo'lgan bolalar 1 kunda 1800 kkal, 5—7 yoshgacha bo'lgan bolalar esa 2400 kkal gacha energiya beradigan ovqat is'temol qilishlari kerak. Tayyorlangan ovqatning issiqligi 40 ° C bo'lmog'i lozim. Taomnoma bolalar ovqatlanishining 1 hafta yoki 10—12 kuniga mo'ljallab tuziladi. Taomnoma tuzishda shifokor, bosh oshpaz va bolalar muassasasining mudirasi qatnashadi. Ovqat tarkibida bolalarning ovqatga bo'lgan jismoniy ehtiyoji, quvvat sarfini qoplashi oqsillar, yog'lar, uglevodlar, mineral tuzlar, mikroelementlar va boshqalar bo'lishi lozim. Bundan tashqari, bolalarga tavsiya qilinadigan taomlar ularning turar joyi, urf-odatlari hamda keng iste'mol qilinadigan milliy taomlari va boshqalarni hisobga olish lozim. Shu maqsadda Respublikamizdagi maktabgacha yoshdagi bolalar kombinatida muntazam ravishda olib borilgan kuzatuvlar, jumladan: ularning sog'lig'i, jismoniy rivojlanishi hamda ularning iste'mol qiladigan ovqat mahsulotlarini aniqlab, yoz va kuzga hamda bahor va qish fasllariga mo'ljallangan bir haftalik taomnoma tavsiya qilinadi. Bu ,,maktabgacha yoshdagi bolalarning bolalar bog'chalarida ovqatlanishini tashkil qilish ko'rsatmasi" O'zbekiston Respublikasi Sog'liqni saqlash vazirligi tomonidan 18.12.1990-yilda tasdiqlangan. |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling