Ўзбекистон республикаси қишлоқ ХЎжалиги вазирлиги андижон қишлоқ ХЎжалиги ва агротехнологиялар институти ўсимликшунослик,соя ва мойли экинлар кафедраси

Талабанинг агрономия сохасида қиладиган ишлари.
Талаба ташкилий ишларни комплекс аграномик ишлари билан биргаликда олиб бориши зарур. У ўстирилаётган экинлардан режалаштирилган юқори хосил етиштиришни таъминловчи интенсив технологияни ишлаб чиқиш ва далаларда тадбиқ қилишда иштирок этади. Бунинг учун бош аграном билан биргаликда экинларни технологик картасини ўрганади, сўнгра даврлар бўйича хамма асосий агротехник тадбирларни ўрганади. Унинг бажарилишини сифатини назорат қилади ва бошқа бажарилган ишларни қабул қилиб олишда қатнашади.
Бахорги дала ишлари. Бахорги экиш ишлари режасини тузишда, агротехника тадбирларини белгилашда қатнашади, уруғларни сифатини аниқлаш, экинларни нав таркибини аниқлаш, уни экишда иштирок этиш. Кузги ва кўп йиллик ўтларнинг қишловдан қандай чиққанлигини аниқлаш уларга агротехник ишлов бериш, тупроққа ишлов беришнинг тўғри системасини амалга ошириш, экин майдонлари бўйича ерга минерал ўғит солиш режаси билан танишиш, ўғитлардан картаграмма асосида фойдаланиш.
Экин экишнинг энг яхши муддатлари, экиш меъёрлари ва усулларини белгилаш, сеялкаларни экиш нормасига мослаш ва синаб кўриш.
Экин униб чиққандан сўнг ва терим олдидан кўчат қалинлигини аниқлаш (бу маълумот хосилдорлик билан бирга хисоботда кўрсатилади).
Экинларни парваришлаш. Ерларнинг ва экинларнинг ўт босганлигини хисобга олиш, бороналаш, культивация, тупроқни юмшатиш, ягоналаш, ўғитлаш, чопиқ қилиш ишларини сифатини текшириш ва бошқалар.
Бегона ўтларга, зараркунандаларга ва ўсимлик касалликларига қарши агротехник, биологик ва химиявий кураш чораларини қўллаш, экинларни парвариш қилишда комплекс механизацияни қўллаш.
Хосилни йиғиб олиш ва унинг сифатини бахолаш. Хосилни йиғиб олишда, давлатга сотиш ва уруғлик жамғармаси режаларини кўриб чиқиш. Хосилнинг етилиши (пишиш) устидан кузатув олиб бориш, алохида экинлар (айниқса пахта) хосилини олдиндан аниқлашда қатнашган. Йиғим- терим техникасини тайёргарлигини текшириш ва хосилни йиғиб-териб олишга, уни сақлашга доир бошқа хамма ишлар билан танишиш.