1–маъруза Мавзу: Моддаларнинг таркибини таҳлил қилиш ва параметрларини ўлчаш усуллари ва асбоблари. Таҳлилнинг кондуктометрик усули

8.1-расм. Шиша ва каломель электродлари бўлган рН-метрнинг схемаси.

Шарчага рН миқдори маълум бўлган эритма 3 тўлдирилган бўлиб, эритмага эса кумуш хлорид қопланган контактли ёрдамчи электрод 2 ботирилган, у шарикнинг ички сиртида потенциаллар фарқини олиш учун хизмат қилади. Шиша электродларнинг хусусияти шундан иборатки уларнинг ички электр қаршилиги жуда катта бўлиб, 20°С да 100–200 МОм га етади.

Каломель электрод 7 диэлектрикдан тайёрланган корпусдан иборат, ичига кимёвий тоза симоб 5 тўлдирилган бўлади. Унинг устида ёмон эрийдиган пастасининг қатлами 6, тўйинтирилган калий хлорид эритмаси 8 жойлаштирилган. Электр кон­такт ҳосил қилиш учун кам ўтказадиган тўсиқ 9 ўрнатилган бўлиб, у орқали калий хлорид аста-секин сизиб ўтади ва бу билан текширилаётган эритмадан ёрдамчи электродга чет ионлар ўтиб қолишининг олдини олади. Шундай қилиб, шиша ва каломель электродлардан иборат рН-метрнинг электр занжири кетма-кет уланган элементлар қаторидан ташкил топган бўлиб, уларнинг потенциали ўлчаш асбоби қайд этадиган йиғинди ЭКЖ ни беради:
(8.3 .12)
бу ерда E₁ – кумуш хлорид қопланган контактли электрод би­лан хлорид кислота орасидаги потенциалнинг сакраши (кескин ўзгариши); E₂ – хлорид кислота эритмаси билан шиша электрод шари ички юзаси ўртасидаги потенциалнинг сак­раши; Е_а – симоб билан каломель ўртасидаги ёрдамчи электроддаги потенциалнинг сакраши; Е_х – шиша электрод шари ташқи сирти билан текширилаётган эритма ўртасидаги потенциал­нинг сакраши.
Е₁ Е₂ ва Е₃ катталиклар назорат қилинаётган эритманииг таркибига боғлиқ бўлмайди ва фақат температурага қараб ўзгаради. Шиша электрод шарининг ташқи юзасида ҳосил бўладиган электр юритувчи куч Е_х эритманинг рН-миқдори ва температураси билан аниқланади ҳамда (8.1) тенглама билан ҳисобланиши мумкин. Бинобарин, рН-метр электр занжирининг йиғинди ЭЮКи маълум температура учун текширилаётган эритмадаги водород ионлари активлигининг функциясидан иборатдир. Бу ЭЮК ни ўлчаб текширилаётган эригма учун рН катталикни топиш мумкин.
Н азорат қилинаётган эритманинг температураси ўзгарганида шиша электроднинг электрод потенциали ўзгаради. Бунинг натижасида эритманинг турли температураларидаги айнан бир хил катталикдаги рН ларга электрод системасининг турли қийматлари мос келади.
8.2-расмда электрод системаси ЭЮКи нинг назорат килиаётган эритманинг турли температуралардаги рН ларига боғлиқлик характери кўрсатилган. Эритманинг температураси ортиши билан система характеристикасининг тиклиги ошади. Изопотенциал нуқта деб аталадиган А нуқтада тўғри чизиқлар кесишади ва, демак, электрод системасининг ЭЮКи эрит­манинг температурасига боғлиқ бўлмайди. Бу нуқтада эритма температурасининг шиша элек­трод ички ва ташқи потенциалларига таъсири ўзаро компенсацияланган. Изопотенциал нуқтанинг Е_h ва рН_n билан белгиланган координаталари электрод системасининг энг муҳим характеристикалари ҳисобланади, уларга рН-метрнинг температу­ра компенсацияси схемасини ҳисоблашда амал қилинади.
Саноат рН-метрларида ўлчаш электроди ва ёрдамчи электрод битта корпусда жойлаштирилади ва сиғимларда ўрнатиладиган, ботириб қўйиладиган датчиклар тарзида ёки трубопроводларда ўрнатиладиган, оқар сувда турадиган датчик тарзида тайёрланади.