“абу райҳон беруний” Тўрт парда, беш кўринишли т а р и Х и й д р а м а

Маъмун:- Вазир! 
Суҳайлий:- Лаббай 
Маъмун:- Берунийга яхши ҳовли берилсин! Боғи билан. Катта маош 
белгилансин. 
Суҳайлий:- Хўп, шоҳим. 
Маъмун:-Хўп бўлмаса, алломалар, тайёрланинг сафарга! 
Парда 

---

15 
ИККИНЧИ ПАРДА 
Ғазна. Султон Маҳмуднинг ҳашаматли саройи. Сарой қимматбаҳо матолар, 
олтин, кумушлар, забаржадлар билан безатилган, тилло курсилар кўйилган, 
ерга ипак гиламлар, атлас кўрпачалар солинган. Султон Ма ҳ м у д қутичалар, 
сандиқчалардаги қимматбаҳо тошларни, олтин, кумушларни, ҳap томондан 
келтирилган туҳфаларни кўздан кечирмоқда. Ёнида бош вазир Аҳмад ибн Ҳасан 
Маймандий. 
Маймандий:- (туҳфаларни кўрсатиб) Мана булар Ҳиндистондан. Мана булар 
Эрондан. Мана булар Бухородан. Мана булар Хитойдан. 
Маҳмуд:- (туҳфаларни кўздан кечириб, қўлига олиб кўриб) Жуда ҳам оз... Жуда 
ҳам оз.. Нима, шуми ҳаммаси? 
Маймандий:- Ҳозирча шу.. Яна келур... Яна бўлур, султоним. 
Маҳмуд:- Ахир булар, улуғ вазир, дарёдан бир томчи-ку! Биласиз-ку, харажат 
кўп, сарой, қўшин, юришлар. Қурилишлар катта маблағ талаб қилур! 
Маймандий:- Биламан 
Маҳмуд:- Ҳеч бир сарой ҳашаматда, гўзалликда, бойликда, менинг олий 
саройимга асло тенглашолмасин! Ҳеч бир султон, ҳеч бир шоҳда менда бўлган 
бойликнинг ярими ҳам бўлмаслиги керак! 
Маймандий:- Шундай, султоним. 
Маҳмуд:- Бутун жаҳон хазинаси, бутун дунё бойлиги фақат менинг хазинамда 
бўлиши шарт! 
Маймандий:- Шубҳасиз. 
Маҳмуд:- Бағдод эмас, Урганж эмас, Ғазна бутун жаҳоннинг дабдабали 
марказига айланиши керакдир! 
Маймандий:- Иншоолло, худди шундай бўлур, улуғ султоним! 
Маҳмуд:- Ҳали бутун мақсадимга етганим йўқ... 
Маймандий:- Етасиз!