Аффин хромотографияси

4.3.Иммобилланган антигенлар асосида сорбент олиш (P. Varioti замбуруғини тозалаш учун).
P. Varioti антитана ва антигенларини тозалаш учун, объект табиатига хос сорбент синтез қилдик. Бу усулнинг моҳияти шундан иборатки, бунда полиамид глутар альдегиди билан модификация қилиниб, фаол гуруҳлар ҳосил қилинди, кейин эса модификацияланган полиамидга, антиген сифатида қўлланилаётган замбуруғ оқсили, ковалент иммобилланди. Бунда боғланган антигенлар 1г ташувчига 86мгни (оқсил бўйича) ташкил қилди. Сорбентнинг альдегид гуруҳларидан эркин қолган қисми, моноэтаноламин ёрдамида блокировка қилиш йўли билан йўқотилди.
Шундай қилиб, эримайдиган полиамид ташувчига иммобилланган антиген Р.Varioti сорбенти олинди (1-жадвал).
4.4. ТШ-ВТМ антитанаси асосида сорбент олиш.
Ҳозирги вақтда антиген ва антитаналарни, хусусан ўсимлик вирусларини (яъни ТШ-ВТМ ) тозалашнинг турли услублари мавжуд. Бунда сорбент сифатида BrCN асосидаги сефарозадан кенг фойдаланилади. Бироқ, бу сорбентларни қўллаш, (айниқса полисахарид асосли сорбентлар) тозалаш жараёнига салбий таъсир кўрсатади. Жумладан, бунда тозаланаётган антиген миқдори чиқими жиҳатидан анча паст бўлади (30-35 мг оқсилга 100 мл антизардоб). Вирусни тозалаш учун иммуносорбент синтез қилиниши, ўсимлик вирусларини
1-жадвал
Янги синтезланган биологик сорбентлар

№	Сорбент	Лиганд ёки функ. гуруҳ	Боғловчи агент	Сорбент шакли	Сорбент ишлатилган биотехнологик жараён
1	Силохром С-80	аминогугуҳ	глутар диальде-гид, госсипол, цианур-хлорид	Гранулалар	амилаза ва глюкоамилазалар иммобиллизацияси учун
2	Винилпирроли-дон ва глицидил акрил кислотасининг сополимери а) эрувчи шакли б) эримайдиган шакли	эпокси гуруҳ	боғловчи агентсиз	ишқорий (0,1М боратли) ёки кислотали буферлардаги эритмалар.	амилолитик препаратларни фаоллаштириш ва турғунлаштириш учун
3	Дивинилбензол ва терефтал кислотасининг сополимери (сорсилен)	йўқ	боғловчи агентсиз	универсал буфердаги суспензия	нордон протеиназаларни адсорбцияси ва реакцион муҳитдан йўқотиш учун
4	Иммобилланган кефалинли полиамид	аминогуруҳ, кефалин	глутар диальдеги-ди	гранула	биомахсус ташувчида фосфолипаза А2ни турли манбаалардан тозалаш ва бошқа липолитик ферментларни тозалашда ишлитиш
5	Иммобилланган протеиназа ингибитори	аминогуруҳ	глутар диальде-гиди	гранула	трипсинни аффин хроматографияси ва уни панкреатик экстрактдан олиб ташлаш мақсадида
6	Полиамид-ферментлар а)амилаза б)глюкоамилаза в)фосфолипаза	аминогуруҳ	глутар диальде-гиди	полиамид дисклар	ферментларни ковалент иммобилизацияси ва ИЭТ ва ЛИТни ўтказиш учун
7	Полиамид- вирус ТШ-ВТМ	аминогуруҳ, вирус	глутар диальде-гиди	гранула	тамаки мозаикаси вирусини ковалент иммобилизацияси (антитаналарни тозалаш учун)
8	Иммуносорбент	антитана аминогу-руҳи (Ig G)	глутар диальде-гиди	гранула	антитаналарни ковалент иммобилизацияси вирусларни тозалаш ИЭТ ва ЛИТ учун

тозалаш муаммосини ҳал этди. Синтезланган биоспецифик иммуносорбентларни ВТМ вирусини тозалашда қўлладик.

Синтезланган иммуносорбент асосида, иммобилланган вирус билан тозалаш услуби, кўп босқичлиликни, қийинчиликларни сезиларли йўқотади ва вирус чиқимини кўпайтиради. Шу билан бирга, керакли миқдордаги тозаланган вирус препаратларини олиш имконини беради.