Amaliy matematika

O‘ZBEKISTON RESPUBLIKASI
OLIY TA’LIM, FAN VA INNOVATSIYALAR VAZIRLIGI
MIRZO ULUG’BEK NOMIDAGI O’ZBEKISTON MILLIY
UNIVERSITETI JIZZAX FILIALI
AMALIY MATEMATIKA FAKULTETI
"AMALIY MATEMATIKA" KAFEDRASI
MATEMATIK MODELLASHTIRISH FANIDAN KURS ISHINI BAJARISH UCHUN USLUBIY KO‘RSATMA
60540200 - Amaliy matematika ta’lim yo‘nalishi bakalavr talabalari uchun
JIZZAX-2023
Ushbu uslubiy ko'rsatma O‘zbekiston Respublikasi Oliy ta’lim, fan va innovatsiyalar vazirligining 20___-yil “___”___________ № ___ - sonli buyrug‘i bilan tasdiqlangan “Matematik modellashtirish” fan dasturi asosida tayyorlangan .
Tuzuvchilar:
T.A.Nuraliyev — O‘zMU Jizzax filiali, “Amaliy matematika” kafedrasi assistenti.
Taqrizchi:
Xayitov F.A. — JDPI, “Informatika o‘qitish metodikasi” kafedrasi dotsenti, t.f.n.
Yusupov R.M. — JDPI, “Informatika o‘qitish metodikasi” kafedrasi
dotsenti, t.f.n.
Uslubiy ko'rsatma “Amaliy matematika” kafedrasining 2023-yil
“ ” dagi -sonli ilmiy-uslubiy majlis bayonnomasi
bilan ma'qullangan.
Kafedra mudiri X.F.Sharipov
Uslubiy ko'rsatma “Amaliy matematika” fakulteti ilmiy-uslubiy
Kengashining 2023 - yil “ ” dagi - sonli bayoni bilan
tasdiqlangan.
Fakultet uslubiy kengashi raisi: S.Alibayev
MUNDARIJA

MATEMATIK MODELLASHTIRISH FANIDAN KURS ISHINI BAJARISH UCHUN USLUBIY KO‘RSATMA 1

KIRISH
Kurs ishining maqsadi - hisoblash matematikasining aniq masalalarini yechish uchun matematik modellashtirish usullarini qo‘llab, hisob algoritmini va yuqori bosqichli algoritmik tillardan birida dasturiy vositani yaratish; masalani yechishga yaroqli bir yoki bir necha hisoblash usullarini tanlab, ulardan samaralisini ko‘rsatish; natijalarni taqqoslash va kerakli xulosalar chiqarish; misol va masalalar yechishga amaliy ko‘nikmalar hosil qilish.

Bu maqsadga erishish uchun talabalarga fan dasturidagi mavzular mazmunidan kelib chiquvchi hamda talabaning ijodiy qobiliyatini rivojlantirishga yo‘naltirilgan bir qator amaliy masalalar ichidan birini tanlash taklif qilinadi.
Buning uchun mavzular namunasi quyida keltirilgan. Bundan tashqari talabaning fanga ijodiy yondashishiga alohida etibor beriladi. Talabaning xohishiga va bilim saviyasiga, o‘zlastirish ko‘rsatgichiga qarab shu fan o‘qituvchisi (ilmiy rahbari) tomonidan topshiriq yanada oydinlashtiriladi.
Agarda talaba biror ilmiy tadqiqot yoki muhandislik- loyihalashtirish instituti va shu kabi biror ilmiy tadqiqotlar olib borilayotgan ilmiy laboratoriyalarda o‘z ilmiy rahbari bilan ijodiy ish olib borayotgan bo‘lib, ularning shu ijodiy ishi davomida biror amaliy masala o‘rganilayotgan fan nuqtai nazaridan tahlil qilinishi zarurati tug‘ilgan taqdirda, talabaning ilmiy rahbari bilan kelishilgan holda, kurs ishi shu muammoning soddaroq masalalaridan biri sifatida tanlanishi ham mumkin. Bu bilan talabaning bitiruv malakaviy ishlarini muvaffaqiyatli himoya qilishiga bir qadar zamin yaratiladi.
Kurs ishini bajarishda qo‘yilgan amalaliy masalani ye­chish uchun zamonaviy hisob usullaridan va dasturiy vositalar (Fortran, Pascal, Delphi, C++ va boshqa) hamda matematik paketlar (MATLAB, MathCad, Mathematica, Maple va bos­hqa) dan unumli foydalanish maqsadga muvofiq. Buning uchun tavsiya etilgan adabiyotlarni izchil o‘rganish, muammoning holatini tahlil qilish va masalani yechishning mukammal va zamonaviy hisob usulini tanlash zarur.
Bu kurs ishini bajarish jarayonida talaba murakkab ilmiy tadqiqotlar muammolarini hal qilishga bir qadar tayorgarlik bosqichidan o‘tadi va kurs ishida bajarilgan ishlar bitiriv malakaviy ishiga asos bo‘lib xizmat qiladi.