Anorganik moddalarning muhim sinflari. Oksid,asos,kislota va tuzlar

a) gidrolizlanganda metan hosil qiluvchi karbidlar. Bu guruh karbidlariga Be₂C va Aℓ₄C₃ larni kiritish mumkin:
Aℓ₄C₃ + 12H₂O → 3CH₄↑ + 4Aℓ(OH)₃↓
Be₂C + 4H₂O → 2Be(OH)₂↓ + CH₄↑
b) gidrolizlanganda atsetilen hosil qiluvchi karbidlar. Bu guruh karbidlari (atsetilenidlari) ga Na₂C₂, K₂C₂, CaC₂, SrC₂, BaC₂, Cu₂C₂ va Ag₂C₂ kiradi :
: ^-C ≡ C^-: + 2H₂O → CH ≡ CH + 2OH^-
Cu₂C₂ va Ag₂C₂ suvda gidrolizlanmaydi, ammo xlorid kislota ta’sirida atsetilen hosil qilib parchalanadi.
Quruq holatda mis (I) va kumush atsetilenidlar qizdirilganda yoki ozgina ta’sir natijasida kuchli darajada portlaydi.
d) gidrolizlanganda atsetilen va to’yinmagan uglevodorodlar hosil qiluvchi karbidlar. Lantanoidlar ( LaC₂, CeC₂, PrC₂, NdC₂) ning hamda uran (UC₂) va toriyning (ThC₂) karbidlari bunday karbidlarga misol bo’ladi.
• Magniy karbid Mg₂C₃ gidrolizlanganda propin hosil bo’ladi. MgC₂ gidrolizlanganda atsetilen hosil bo’ladi.
• Sementit Fe₃C gidrolizlanganda esa suyuq va qattiq uglevodorodlar va erkin uglerod hosil qiladi.
Rux, kadmiy, simob, galliy, indiy, germaniy, qalay, qo’rg’oshin va talliylar karbid hosil qilmaydi.
B₄C va B₁₃C₂ tarkibli karbidlar juda qattiq moddalar bo’lib, ulardan yuqori temperaturada suyuqlanadigan charxtoshlar tayyorlanadi. Ular qattiqligi jihatdan olmosdan keyingi o’rinda turadi. SiC (karborund) ham shunday xossaga ega. Titan, sirkoniy, gafniy, vanadiy, niobiy va tantal karbidlari juda qattiq va issiqlikka chidamlidir.
Platina guruhi elementlarida uglerod eriydi, ammo individual (sof) birikmalar ajratib olinmagan.