B. S. Jamilova f. S. Safarov ona tili va bolalar adabiyoti fanidan ilmiy termin va tushunchalar

SOʻZLASHUV NUTQI LEKSIKASI Soʻzlashuv nutqida qoʻllanuvchi (kito­biy nutqda uchramaydigan) soʻzlar: oʻngʻay, qittay, alay-balay, valaqlamoq va b. Soʻz­lashuv nutqi leksikasining uch xil semantik-uslubiy turi farq­lanadi: 1) oddiy soʻzla­shuv leksikasi (q.); 2) dagʻal soʻz va jargon; 3) dialek­tizmlar (q.).
SOʻZLASHUV USLUBI Funktsional uslubning bu turi oʻziga xos ish koʻrish sharoiti (fikr olishuvning bevositaligi, til vosntalaripn saylab ishlatishnipg yoʻqligi) bilan, intonatsiya vositalari, mimika, imo-ishora kabilardan keng foydalanishi bilan, oddiy leksik va frazeologik birliklarning, ekspressiv-emot­sional vositalarniig keng ishlatilishi va sh. k. xususiyatlari bilan ajralib turadi.
SOʻZLIK Lugʻatga kiritiladigan soʻzlarning alifbo tartibidagi roʻyxati (tarjima lugʻatlari va izohli lugʻatlarda bu soʻzlar tarjima qnlinadi, izohlanadi).
SOʻZLOVCHI – q. Birinchi shaxs.
SOʻZNING ESTETIK VAZIFASI Soʻzning nomlash vazifasiga qoʻ­shim­cha tarzda turli his-hayajon, ta’sirchanlik ifodalash vazifasi.
SOʻZNING FONETIK TUZILISHI Soʻzning tovushlardan iborat tuzilishi. Masalan, baliq soʻzida b, a, l, i, q tovushlarining shunday tartibda joylashuvi uning fonetik tuzilishini tashkil etadi.
SOʻZNING FORMAL QISMI Soʻzning grammatik ma’no ifodalovchi qismi. Masalan, kitoblarni so‘zida -larni qismi formal qismidir.
SOʻZNING GRAMMATIK SHAKLI Soʻzning grammatik ma’no ifo­da­lovchi shakli. Grammatik shaklning tub, sintetik, analitik, juft, takroriy shakl kabi ko‘rinishlari bor. Masalan, o‘qi − tub shakl, buyruq, kelasi zamon, II shaxs, birlik, tasdiq kabi grammatik ma’nolarni ifodalaydi, o‘qidi – sintetik (qo‘shimcha bilan hosil bo‘lgan) shakl, o‘tgan zamon, reallik, bevosita kuzatganlik kabi grammatik ma’nolarni ifodalayapti, oqib chiqdi – analitik (yordamchi so‘z bilan hosil bo‘lgan) shakl, ish harakatni oxiri­gacha bajarganlikni bildiradi, qozon-tovoq – juft shakl, jamlik ma’nosini bildiradi, qop-qop – takroriy shakl, ko‘plikni bildiradi.