Bino va inshootlarni barpo etish texnologiyasi 5580200 − «Bino va inshootlar qurilishi»
Qurilish maydonini, ishlarni va mehnatni tashkil qilish
Download 1.14 Mb. Pdf ko'rish
|
Bino va inshootlarni barpo etish texnologiyasi
|
44 Qurilish maydonini, ishlarni va mehnatni tashkil qilish Qurilish maydonini tashkil qilish masalalari bir qavatli sanoat binosi qurilish-konstruktiv yechimining murakkabligiga bog‘liq ravishda, uning yer osti va yer usti qismlarini barpo qilish bosqichlari va texnologik asbob- uskunalarni montaj qilish davri uchun hal qilinadi. Bir qavatli sanoat binolarini barpo qilish ochiq va yopiq usullarda tashkil qilinishi mumkin. Qurilishni tashkillashtirishning ochiq usuli deganda sanoat binosini barpo qilishning shunday texnologiyasi tushiniladiki, unda ustunlar va asbob-uskunalar ostiga poydevorlarni qurish jarayonlari vaqtning bir davrida birlashtirilgan bo‘ladi. Тashkillashtirishning yopiq usuli deganda sanoat binosini barpo qilishning shunday texnologiyasi tushiniladiki, unda asbob-uskunalar ostiga mo‘ljallangan poydevorlar binoning yer usti qismini montaj qilish yakunlangandan so‘ng, ya’ni yopma plitalar mavjudligi holatida quriladi. Sanoat binosini barpo qilishni tashkillashtirishning u yoki bu usulini qabul qilish qurilish ishlarini bajarish loyihasida (QIBLda) asoslab beriladi. Qurilish maydonining tashkillashtirish sxemasini bir qavatli sanoat binosining yer usti qismini barpo qilish davri uchun ko‘rib chiqamiz. Binoning yer usti qismini barpo qilishga uning yer osti qismini barpo qilish, ya’ni maydonni tekislash, kotlovanni qazish, poydevorlarni qurish, poydevorlarni gidroizolyatsiyalash, kotlovanni qayta ko‘mish va gruntni zichlash ishlari to‘la yakunlangandan so‘ng kirishiladi. Bir qavatli sanoat binolarini strelali kranlar yordamida barpo qilinadi. Yig‘ma temirbeton konstruksiyalarni montaj qilishda kranlarning harakatlanish sxemasi binoning ichkari tomonidan va tashqi perimetri bo‘yicha qabul qilinishi mumkin. Shundan kelib chiqib, qurilish maydonida montaj kranining qabul qilingan harakatlanish sxemasiga muvofiq ravishda vaqtinchalik yo‘llar quriladi. Yig‘ma temirbeton elementlarning (ferma va yopmaning to‘sinlaridan tashqari) montaj qilinishi oldidan omborda saqlash usuli tashkil qilinadi. Ushbu maqsadlarda qurilish ob’ektlarida konstruksiyalarni omborlash uchun ochiq maydonlar tashkil qilinadi: poydevor bloklari uchun- o‘qlar bo‘ylab ularning o‘rnatilish joyida, ustunlar uchun − har bir poydevor blokining oldida (bitta ustun hisobidan), poydevor va kran osti to‘sinlari, yopma plitalar uchun − binoning qulochida bo‘ylama o‘qlar bo‘ylab, devor panellari uchun − binoning tashqi perimetri bo‘ylab (kassetalarga joylashtirishni hisobga olib). Qurilish maydoniga vaqtinchalik muhandislik kommunikatsiyalarini: vodoprovod, yuqori kuchlanishli va yoritish elektr 45 tarmog‘i tortib kelinadi. Qurilish maydoniga kiraverishda maishiy va ma’muriy maqsadlardagi vaqtinchalik binolar joylashtiriladi. Bir qavatli sanoat binosini barpo qilishning yo oqimli, yo ketma-ketlik usuli tashkil etiladi. Bino qurilishini oqimli usulda tashkil qilinganda uning harorat − deformatsiyaga oid choklar bo‘yicha zaxvatkalarga bo‘linadi. Oqimlarning harakatlanishi gorizontal yo‘nalishda binoning ko‘ndalang o‘qlari raqamlarining ortib borishi yo‘nalishi da tashkil qilinadi. Bunda ishlarning butun kompleksi quyidagi ixtisoslashgan oqimlarga ajratiladi: yer ishlari, poydevorlarni qurish, montaj ishlari, tom qoplamasini qurish, asbob-uskunalarning ostiga poydevorlar qurish, pollarni qurish, pardozlash ishlari, maxsus ishlar, KIP va avtomatika asbob-uskunalarini montaj qilish, hududni obodonlashtirish. Shunga muvofiq ravishda, ishlarning hajmi va muddatlaridan kelib chiqib ishchilar zvenolari va brigadalarining kasbiy, shaxsiy va malakaviy tarkibi aniqlanadi. Download 1.14 Mb. Do'stlaringiz bilan baham: 
|