Donni saqlash va qayta ishlash

O‘ZBEKISTON RESPUBLIKASI
OLIY TA’LIM, FAN VA INNOVATSIYALAR VAZIRLIGI
URGANCH DAVLAT UNIVERSITETI
Kimyo-texnologiyalar fakulteti
“Oziq- ovqat texnologiyasi” kafedrasi
60720100 -Oziq- ovqat texnologiyasi
(don mahsulotlari)
“DONni saqlash va qayta ishlash
texnologiyasi”
fanidan laboratoriya mashg’ulotlari


Uslubiy qo’llanma

Urganch–2022
60720100 -Oziq- ovqat texnologiyasi (don mahsulotlari) ta’lim yo’nalishi talabalari uchun "Donni saqlash va qayta ishlash texnologiyasi" fanidan laboratoriya mashg’ulotlarini bajarish uchun uslubiy qo’llanma.
Tuzuvchi: Kuryazov Z.R.
Abdullayeva G.U.


Taqrizchi: dots. Achilova S.S.


Uslubiy qo’llanma Urganch Davlat Universiteti «Oziq ovqat texnologiyasi» kafedrasi («___» __________2023 y. №____) majlis bayoni va Urganch Davlat Universiteti ilmiy uslubiy kengash («___» ________ 2023 y. majlis bayoni № ____) yig’ilishlarida tasdiqlangan va chop etishga tavsiya etilgan.


Kirish

O’zbekiston Respublikasi mustaqil davlat sifatida tan olingandan so’ng xalq xo’jaligining barcha sohalarda tub islohotlar amalga oshira boshlandi. Respublikamizda don mahsulotlarini yetishtirish tizimda ham so’nggi yillarda katta yutuqlarga erishildi. Jumladan, O’zbekistonda qisqa vaqt ichida don mustaqilligiga erishildi. Hozirgi kunda 4 million tonnaga yaqin don yetishtiriladi.

Don maydonlarining kengayib borishi hamda don yalpi hosilning ortishi don mahulotlari tizimini takomillashtirish va kengaytirishni taqazo etmoqda. Yetishtirilgan mavjud hosilni sifatli saqlash va qayta ishlash, shuningdek iste’molchilarga muntazam ravishda bekamu ko‘st yetkazib berish don mahsulotlari tizimi oldidagi eng asosiy vazifadir. Shu bois respublikamizning ko‘pgina viloyat va tumanlarida ko‘plab zamonaviy omborlar va qayta ishlash korxonalari bunyod etilmoqda.
Ma’lumki don inson hayotida qiyoslab bo‘lmaydigan axamiyatga ega. Inson iste’mol etadigan oziq-ovqat mahsulotlarining taxminan 65-75% dondan tayyorlanadi. Dondan sanoatda ko‘plab un, yorma va omuxtayem kabi birlamchi mahsulotlar ishlab chiqariladi. Xalqimizning bu mahsulotlarga bo‘lgan talabi benihoyat kattadir. Aholini don va don mahsulotlariga bo‘lgan talabini to‘laroq qondirish hozirgi bozor munosabatlari barqarorlashib borayotgan bir davrda muhim vazifalardan biri hisoblanadi. Aholini don va don mahsulotlariga bo‘lgan talabini to‘laroq qondirish hozirgi bozor munosabatlari barqarorlashib borayotgan bir davrda muhim vazifalardan biri hisoblanadi.
Fan don va uning mahsulotlari (un, yorma, omuxta yem) ni saqlashning va qayta ishlashning nazariy asoslarini, mahsulotlarning sifatini oshirishni va ulardan ratsional foydalanish yo‘l-yo‘riqlarini o‘rgatadi. Shuningdek don mahsulotlarini saqlashdagi barcha turdagi isrofgarchilikka qarshi ko’rash choralarini to‘g‘ri tashkil qilishni o‘rgatadi.
«Donni saqlash va qayta ishlash texnologiyasi» fanining vazifasi tехnоlоgik jarayonlarni va ularning nazariy asоslarini, donni saqlash va don mahsulоtlari ishlab chiqarish tехnоlоgik rеjimlari, shuningdеk mahsulоtning sifatini bоshqarish asоslari, хоm ashyo chiqindi, оraliq va tayyor mahsulоtlarning tahlil usullarini chuqur va har tоmоnlama o’rgatishdir.
Ushbu uslubiy qo’llanma «Donni saqlash va qayta ishlash texnologiyasi» fani dasturiga muvоfiq tuzilgan bo’lib, Urganch davlat universiteti miqyosida nashrga mo’ljallangan.
Uslubiy qo’llanma охirida adabiyotlar ro’yхati bеrilgan bo’lib, bu adabiyotlar imtihоnlarga tayyorlanish uchun talabalarga yordam bеradi.