Германия ва австрия янги даврда. Режа: Иқтисодий тузум

XIX аср биринчи ярмида империянинг сиёсий ҳолати. Габсбурглар империясини инкилобий буҳронлар ва Наполеон урушлари каттик титратганига карамасдан, купчилик кутганидек парчаланиб кетмади, империя сакланиб колди. Деярли ҳамма жангларда маглубиятга учраган Габсбурглар тинчлик сулҳқига эришдилар ва ҳатто XIX асрнинг иккинчи ун йиллигида Европа давлатларининг инкилобга карши ҳаракатларига бошчилик ҳам килди. Ҳали ҳеч қачон Австриянинг халкаро аҳволи Вена конгресси ва «Мукаддас иттифок» давридагидек мустаҳкам булмаганди. Империя Европадаги феодал-монархияли тартиблар ва абсолютизм режимларининг
асосий таянчларидан бирига айланди. Меттерних бошчилик килган Австрия дипломатиясининг асосий вазифаси империя ичкарисида ва ундан ташкарида мавжуд тартибларни саклаб колишдан иборат булиб колди. Шунга карамасдан на сиёсий, на иктисодий ва на молиявий жиҳатдан Австрия урушдан олдингига караганда кучаймаган эди. 1815-1847 йиллари Европадаги халкаро муносабатларда империя уйнаган роль феодализмдан капитализмга утишнинг жуда оғир таназзулини бошдан кечирган мамлакатнинг ички имкониятларига мутлақо мос келмасди. Габсбурглар империясида феодализмнинг инкирози ва капиталистик ишлаб чикариш шаклларининг пайдо булиш жараёнида айникса Шимолий Италия ва Венгрияда
миллий-озодлик ҳаракатлари янада кескинлашди. Янги инкилоб хавфидан қурқиб қолган ва ҳар қандай ислоҳотларга душманлик кайфиятида булган ҳукмрон доиралар кандай қилиб булсада мавжуд тартибларни сақлаб қолишга интилдилар. Ана шу асосда Меттерних тизими номини олган, моҳияти империянинг бўйсиндирилган халқини бошқаси ёрдамида итоатда ушлаб туришдан иборат бўлган бошқарув тизими шаклланади.
18З5 йили император Франц I вафот этиб тахтга Фердинанд I келиши билан Меттернихнинг ҳокимияти янада кучайди. Агар Франц даврида Меттерних ҳокимиятни у билан булишган булса, янги император даврида амалда Меттернихнинг узи якка ҳукмронлик килди. Унинг саъй ҳаракатлари билан Австрия полициячилик режими уз такомилига етди. Полиция таъқиби, хуфия судлар, хусусий ёзишмаларнинг назорати (хатларнинг очиб уқилиш) Австрия ҳаётида оддий ҳол булиб колди. Узок йиллар империяда сиёсий ва маънавий зулм муҳити ҳукмрон булиб колди. Шуни айтиш лозими, хатто император Иосиф II нинг ёзганлари ва у хакда ёзилган
асарлар ҳам полиция амалдорларига шубҳали туғилганда уларни нашр килиш тақиқланарди.