Hayot yo‘llarida yiqilsam nogoh, Dardimni aytmasdan bilasiz, onam

2020


Gul bo’lsayding…

Gul bo’lsayding gulshanimda navnihol,

Nur bo’lsaydim mehribon oftob misol,
Bulutlarni haydar edim sen uchun,
Gulbarglaring silardim, bo’lsam shamol.

Yaproqlaring to’kar bo’lsa gar shamol,

Bosar edim yog’ir bo’lib, do’l bo’lib,
Boshginangda soyaboning bo’lardim,
Yomg’ir sabab ketsa yoshing ko’l bo’lib.

O’ptirmasdim shabnamlarga yuzingni,

Qani endi bo’lsa shunday imkonim,
Gultuvakda asrardim bir o’zingni,
Iforinga to’ldirib to’rt tomonim!..

Chiroyinga termulmoqqa shaylanib,

Oy mo’ralar darchadan ma’sumgina,
Rozi edim, kapalakka aylanib
Quchog’ingda yashasam bir kungina!!!
2020
O’tib ketdi bolalik ham, illar,
Qachongacha axir yuramiz bo’ydoq,
Yolg’izlik ham jonga tegdi, yigitlar,
Uylanmasak bo’lmaydi endi tezroq!

O’ynab, kulib davrim suray deyapmiz,

Mashina ol, uylar quray deyapmiz,
O’ttizni ham uray-uray deyapmiz,
Uylanmasak bo’lmaydi endi tezroq!

Ketdi qancha qizlar dilni pichoqlab,

Yolg’on sevgi bilan ko’ngilni chog’lab,
Biz yuribmiz hanuz yostiq quchoqlab,
Uylanmasak bo’lmaydi endi tezroq!

Onam aytar: Anjonlikni qo’y bolam,

Tegdi, ketdi, kuzda bo’lar to’y, bolam,
Suysang, mana qishlog’ingdan suy bolam,
Uylanmasang bo’lmaydi endi tezroq!

Bu she’rim ham dildan chiqqan o’tli oh,

Qarigandek bo’lyabmiza jon o’rtoq,
Qizlar boqmay qo’yar sochga tushsa oq,
Uylanmasak bo’lmaydi endi tezroq!

Телба бўлолсайдим Ҳаққа ишқталаб,

Дунёни унутсам, тин олсам бироз,
Қалбим ўлиб борар, эй фаришталар,
Ўлимни эслатиб туринг илтимос.

Қанча курашмайин, нафсим музаффар,

Гуноҳга чорлагай, жонимга раҳбар,
Қиёматдан такрор келтириб хабар,
Ўлимни эслатиб туринг илтимос.

Ғофил банда бўлиб борганим сайин,

Ибодатлар қазо, борарим тайин,
Мендан йироқ кетсин шайтони лаъин,
Ўлимни эслатиб туринг илтимос.

Чарчадим номаҳрам макридан тўйиб,

Зинони бебошлик, ёшликка йўйиб,
Харомга тик боққан кўзларим ўйиб,
Ўлимни эслатиб туринг илтимос.

Тушимга киради гоҳи қабристон,

Балки охиримдан бу ҳам бир нишон,
Тўсатдан келмайин жоним чиқар он,
Ўлимни эслатиб туринг илтимос.

Ғийбат, фисқ-у фасод тилдаги калом,

Бир бор зикр қилмоқ келгайдир малол,
Қўрқитсин Азроил алайҳиссалом,
Ўлимни эслатиб туринг илтимос.

Бир кун савоб иш ҳам қилсайдим зарра,

Баридан гуноҳим устун минг карра,
Аллоҳ раҳматидан қолмай бебаҳра,
Ўлимни эслатиб туринг илтимос.

Хушбўй райҳонларни эккан ҳовлига,

Мени деб бепарво ўз аҳволига,
Улгурай онамнинг ризолигига,
Ўлимни эслатиб туринг илтимос...

Тариқат илмидан берсангиз сабоқ,

Сиздан ўзгасига солмасдим қулоқ,
Тушларимга киринг ё Набийуллох,
Ўлимни эслатиб туринг илтимос...
2022-йил, 9-апрель
Ҳуснингиздан ёнар қанча нигоҳлар,
Айтсам малол келиб, куймасми тилим?
Бўйнимизда шундоғам кўп гуноҳлар,
Авратингиз ёпиб юринг, жон синглим!

Сизни кўрса, кўпирмас кимнинг қони?

Боласисиз сиз ҳам азиз инсоннинг,
Урғочиси бўлманг лаъин шайтоннинг,
Авратингиз ёпиб юринг, жон синглим!