Iqtisodiyotimizda so‘nggi yillarda Vazirlar Mahkamasining 13 fevral 2009-yildagi majlisida ta’kidlaganidek

V₆ vitamin, piridoksin, adermin. V_b vitaminning kashf etilishiga yosh kalamushlar tarkibida tiamin va riboflavin bo‘lgan sun’iy ozuqa bilan boqilganda ham ularda teri kasalligini — dermatit kelib chiqishiga sabab bo‘ldi. Bu dermatit pellagrada uchraydigan teri yalliglanishiga o‘xshasa ham, nikotinat kislota bilan davolanmaydi, ammo ovqatga jigar, achitqi, sholi kepagi qo‘shilsa, ancha tez tuzalib ketadi. Odamning V₆ vitaminga bo‘lgan kundalik extiyoji, taxminan, 1,5—2 mg hisoblanadi.³⁰
V₁₂ vitamin. Antianemik vitamin. Kobalamin. Ko‘p vaqtlardan beri shifokorlar jigardan kamqonlikni davolash uchun muvaffaqiyatli foydalanib kelganlar. Lekin uning davolash ta’siri nimaga bog‘liq ekanligi korong‘u edi. 1929 yilda amerikalik gematolog V. B. Kasl kamqonlikni davolashda ikkita faktor ishtirok etadi, ularning birinchisi, oshqozon shirasidagi «ichki faktor» va ikkinchisini ovqat tarkibidagi «tashqi faktor» degan fikrni bayon qildi. Mana shu ikki Kasl faktorlarining qo‘shilishidan hosil bo‘lgan maxsus kompleks kamqonlikning davosidir. U ilikda eritrotsitlarning etishishi uchun zarurdir. Bu faktorlardan bittasi etishmasa ham xavfli kamqonlik yuz beradi. 1948 yilda jigar ekstraktidan kamqonlikni davolaydigan birikma kristall holda ajratib olinib, unga V₁₂ vitamin yoki antianemik vitamin nomi berildi. V₁₂ vitaminini ajratib olish va uni kamqonlikdagi ajoyib ta’siri urganilishi asosida «ichki faktor»ning tabiati ham aniqlandi. Ichki faktor oshqozon shirasidagi oqsil — mukoproteid bo‘lib chiqdi. V₁₂ vitamin ana shu oqsil bilan bog‘langan holda oshqozon-ichak yo‘lida yaxshi so‘rilar ekan. Xavfli kamqonlikka duchor bo‘lgan kasallarning oshqozonida ana shu oqsil — ichki faktorning bo‘lmaganidan V₁₂ vitamini yaxshi so‘rilmaydi. V₁₂ avitaminozining asosiy belgisi qon hosil qilish funksiyasi va nerv sistemasining buzilishi bilan kechadigan kamqonlikdir. Kasallik oshqozon shirasi kislotasining keskin pasayishi bilan kuzatiladi, lekin xavfli kamqonlik avitaminoz bo‘lsa ham, u oshqozonning organik shikastlanishi — oshqozon shilimshiq pardasida Kaslning «ichki faktori»ni ishlab chiqarilmasligi tufayli kelib chiqadi.
Folat kislota va uning hosilalari. Sutni achituvchi ba’zi bakteriyalarning o‘sishi uchun jigar ekstraktida mavjud bo‘lgan qo‘shimcha faktorning zarurligi aniqlangan edi. Sutni achituvchi streptokokkning turli mahsulotlar qo‘shilgan muhitda o‘sishini sinash bilan, bu faktor buyrakda, zamburug‘larda, achitqida, ayniqsa yashil yaproqlar va ko‘katlarda ko‘p ekanligi tasdiklandi. 1941 yilda Vilyame bu moddani jigardan va shpinat yaproqlaridan ajratib olib, unga folat kislota («folium» yaproq demakdir) nomini berdi.
Odamlarda folat kislota etishmasligi, boshqa bir qator vitaminlarning etishmasligi kabi, ichak florasi antibiotik moddalardan zararlanganda kelib chiqishi mumkin. Bunday sharoitda ichakda folat kislota sitezlanmaydi, shuningdek ichakda vitaminlarning surilishi buzilganda ruy berishi mumkin.
Folat kislota vitaminozining eng xarakterli belgisi qon hosil bo‘lishining buzilishi va uning bilan bog‘lik bo‘lgan kamqonlilik belgilaridir.
Ichakdagi mikroorganizmlar bir kecha-kunduzda 0,1—0,2 mg gacha folat kislota sintezlaydi deb taxmin kilinadi. Jigarda ham doimo etarli mikdorda folat kislota mavjud. SHuni ham aytish kerakki, p-aminobenzoat kislotaga muhtoj bo‘lgan mikroorganizmlar uning o‘rniga deyarli teng mikdorda folat kislotani iste’mol qiladi.³¹
Pantotenat kislota — Vz vitamin. Achitqi va sut achituvchi mikroblarning o‘sish sharoitini o‘rganish davomida 1933 yili sholi kepagidan ularning o‘sish omili topilgan edi. Bu omil hayvon va o‘simliklarning barcha to‘qimalarida tarqalgani uchun ajratib olingan moddaga pantotenat kislota yoki pantoten (yunoncha — hamma erda degan ma’noni anglatadi) nomi berilgan edi. Bu omil etishmaganda hayvonlarda har xil patologik belgilar: jujalarning o‘sishdan to‘xtashi, dermatit, kalamush va boshqa hayvonlar juni hamda patining oqarishi, kalamushlarda buyrak usti bezi nekrozi va qon quyilishi, ishtahaning yo‘qolishi, nerv falajlari, ichki a’zolar kasalliklarining belgilari paydo bo‘ladi. SHuning uchun bu modda turli nomlar: antidermatik faktor, jigar filtrati faktori, achitqi faktori va jujalardagi pellagraga qarshi faktor kabi nomlar bilan atalgan.
Achitqi, jigar va tuxum sarig‘i pantotenat kislotaning boy manbalaridir. O‘simliklarning yashil yaproqlarida ham pantotenat ko‘p bo‘ladi. Umuman, bu har xil o‘simlik va hayvon mahsulotlarida mavjud. Odamlarning pantotenat kislotaga bo‘lgan bir kunlik extiyoji 10 mg deb hisoblanadi.
S vitaminni, askorbat kislota, antiskorbut. Singaning asosiy belgilari mayda qon tomirlari, ayniqsa, kapillyarlarning shikastlanishi natijasida teri ostiga nuqtalar ko‘rinishida qon quyilishi va milkdan qon ketishidir. Kasallik davrida qon tomirchalarining devorlari mo‘rtlashib, ular osonlik bilan yoriladi, tomir devorlarining o‘tkazuvchanligi ortib, qon elementlari tashqariga chiqadi. Singa kasalligi suyaklar va tishlarni ham shikastlaydi. Bunda suyaklarning sinishi, bo‘g‘imlarning shishib og‘rishi, tish ildizlarining bo‘shashib qolishi kuzatiladi. Singa kasalligida dastlabki defekt biriktiruvchi to‘qima oqsili — kollagenning hosil bo‘lishidagi buzilish bilan bog‘lik. S avitaminozli dengiz cho‘chqachalarining suyaklarida kollagen miqdorining kamayib ketishi aniqlangan. Bundan tashqari, S vitamin etishmaganda kollagenning tola shaklidagi old birikmasi (prokallogen) to‘planadi. Bu hodisa xujayralar orasini sementlab turuvchi va organizmda tayanch strukturalar hosil kiluvchi moddalarda mukopolisaxaridlar almashinuvining buzilganligidan darak beradi.
Rvitamin, o‘tkazuvchanlik vitamini,sitrin. Bu vitamin etishmaganda odamlar va dengiz cho‘chqalarida qon tomirlari devorining o‘tkazuvchanligi ortadi. R vitamin guruxsiga kiradigan flavon pigmentlar glikozidlar bo‘lib, ular orasida eng zo‘r faoliyatga ega bo‘lgani rutin (kversitrin glyukozidi)dir. CHoy o‘simligi bargidan R vitamin preparati ham olingan. Uning asosiy ta’sir etuvchi moddasi katexin va gallat efirlardir. Sitrus mevalari putsidan gesperidin (sitrin) ham ajratib olingan. Rutin va gesperidin tuzilishining asosini flavon skeleti tashkil qiladi:³²
Biotin N vitamin. Biotinni achitqilarning o‘sishi uchun zarur bo‘lgan («bios» hayot) komponentlarini o‘rganish jarayonida Kyog‘l (1935 yili) tuxum sarig‘idan ajratib olgan edi. Kyog‘l 250 kg quritilgan tuxum sarig‘idan 1,1 mg biotin ajratib olishga muvaffaq bo‘ldi. Bir necha yil o‘tgach, bu modda kalamushlarni (va hayvonlarni) ham tuxum oqining zaharli ta’siridan saqlaydigan noma’lum faktor N vitamin bilan bir xil ekanligi aniqlandi.
Biotin bir kator karboksillanish va dekarboksillanish reaksiyalarida muhim rol uynaydi. Bular orasida yog‘ kislotalar sintezida ishtirok etadigan spetsifik kompleks alohida ahamiyatga ega. Atsetil Koaning palmatit kislotaga aylanishi oraliq mahsulot sifatida malonat orqali o‘tadi deb hisoblanadi. YOg‘ kislota sinteziga olib boradigan bu reaksiyaning birinchi bosqichi SO₂ ning fiksatsiya kilinishi uchun biotinga muhtojdir.
Biotin tabiatda juda ko‘p tarqalgan, ammo turli materiallarda kam miqdorda uchraydi. U hayvon mahsulotlaridan jigar va tuxum sarig‘ida anchagina bo‘ladi. Biotin mikroorganizmlar va achitqilar, xatto barcha yuqori rivojlangan hayvonlarning normal hayoti uchun ham zarur. Odamlarning biotinga bo‘lgan kundalik extiyoji 0,025 mg hisoblanadi, ammo u ovqat bilan maxsus kiritilishi shart emas, chunki ichakdagi mikroorganizmlar faoliyati natijasida hosil bo‘ladigan vitamin organizm talabini to‘la ta’min etib turadi.³³
Nazorat uchun savollar:

1. 
   Vitaminlar kanday moddalar?
   
2. 
   Vitaminlar inson organizmida kanday rol uynaydi?
   
3. 
   Suvda eriydigan vitaminlarga nimalar kiradi?
   
4. 
   YOgda eriydigan vitaminlar kanday vitaminlar?