Istaklarning amalga oshuvi

Ongning o`zgargan holati 
(trans) = Relaksatsiya + Kontsentratsiya + Vizualizatsiya 
Trans holati keyinchalik sizgajuda asqotadi. Uning yordamida o`zingizni 
tutishingizni va hayotingizda sodir bo`ladigan voqealarni ham dasturlashtirishingiz 
mumkin bo`ladi. Hozircha esa relaksatsiya, kontsentratsiya va vizualizatsiyani 
mashq qiling. 
Albatta trans holatiga o`tishning bunga nisbatan osonroq bo`lgan boshqa usullari 
ham mavjud. Jumladan mening “Taqdir xo`jayini” kitobimda keltirilgan bir 
vaqtning o`zida ikkita narsaga e`tiborni qaratish usuli juda oddiy va o`ta samarali 
usuldir. Lekin bu usul spontan o`zini tutishda katta samara beradi. Bizning 
oldimizga qo`yilgan masala esa maqsadlarimizning amalga oshivudir. Bu erda 
yuqorida keltirilgan relaksatsiya, kontsentratsiya va vizualizatsiya uchligi samarasi 

---

boshqa usullardagidan yuqoriroqdir. Chunki trans vaqtida vizualizatsiya ham o`z 
ta`sirini o`tkazadi va maqsadlarimizning amalga oshishiga o`z hissasini qo`shadi. 
Xohishni shakllantirish 
Biz siz bilan relaksatsiya, vizualizatsiya va kontsentratsiyani o`rganib chiqdik. 
Endi bo`lsa bu o`rganganlarimizni amalda qo`llash vaqti keldi. Ongning o`zgargan 
holati, ya`ni trans holati haqida biz siz bilan gaplashgan edik. Bu holatga kirish 
uchun biz deyarli harakat qilishimizning ham keragi yo`q. Chunki biz tabiiy holda 
trans holatiga kuniga bir necha marta tushamiz. Biz xohlaymizmi yoki yo`qmi, 
baribir shunday bo`ladi. Bu bizning uyquga ketayotgan paytimizdagi va hali uxlab 
ulgurmagan vaqtimizdagi va endigina uyg`ongan vaqtimizdagi lekin hali 
ko`zimizni ochishga erinib yotgan vaqtimizdagi holatimizdir. Bunda e`tibor to`liq 
ichkariga qaratilgan va tanamiz maksimal bo`shashgan holatda bo`ladi. Bu bizning 
xohishlarimizni aytishimiz uchun eng ideal holatdir. 
Agar mening “Taqdir xo`jayini” kitobimni o`qigan bo`lsangiz, unda bu holat o`z-
o`zni ishontirish uchun yaxshi holat ekanligi yozilgan. Xohishlar va o`z-o`zini 
ishontirish bo`lsa tabiatan bir-biriga yaqin narsalardir. Nafaqat yaqin, balki ular bir 
xil ma`noli narsalardir. 
Bu holatni sun`iy ravishda ham chaqirish mumkinligini oldingi bo`limda 
o`rgangan edik. Ongning o`zgargan holati, ikkita psixofiziologik jarayondan 
iboratdir. Ularning birinchisi biror narsada e`tiborni kontsentratsiyalash bo`lsa, 
ikkinchisi relaksatsiya va vizualizatsiyadir.