Меҳнатни муҳофаза қилиш ва хавфсизлик техникаси бўйича имтиҳон савол ва жавоблари

Электр токидан жабр кўрган шахсга биринчи ёрдам кўрсатиш чора-тадбирлари
1. Қаттиқ юзага чалқанчасига ётқизиб қўйиш.
2. Нафас олаётганлигини (кўкрак қафасининг кўтарилиб тушишини), пульс бор-йўқлигини, кўз қорачиқларининг ҳолатини (кенгайган қорачиқ - қон айланишишнг кескин ёмонлашганлиги аломати) текшириш.
3. Шифокорни чақириш, ҳар қандай ҳолатда ҳам, жабрланувчининг аҳволининг қандайлигидан қатъи назар касалхонага олиб бориш.
Агар жабрланувчи ўзига келса, текис ва қулай қилиб ётқизиб қўйиш, қимирлашига йўл қўймаслик. Агар ўзига келмаса-да, нафас олиши текис бўлса, у ҳолда уни қулай қилиб ётқизиб қўйиш, кийим тугмаларини ечиб қўйиш, тоза ҳаво оқимини ҳосил қилиш, нашатир спиртини ҳидлатиш, юзига сув сепиш, тўла тинчлигини таъминлаш.
Агар жабрланувчи ҳушсиз бўлса, нафас олмаётган бўлса, пульси бўлмаса, тери қопламаси кўкариб кетса, қорачиғи кенгайган (диаметри 0,5 см) бўлса, у ҳолда уни клиник ўлим ҳолатида деб ҳисоблаб, дарҳол сунъий нафас олдириш («оғиздан оғизга» ёки «оғиздан бурунга» усули билан) ва юракни ташқаридан массаж қилиш йўли билан танани жонлаштиришга киришиш лозим.
Фақат қониқарли нафас олиши ва барқарор пульсга эга бўлиши кузатилгандагина жабрланувчини ташишга рухсат этилади. Агар унинг аҳволи уни ташишга имкон бермаса, унга ёрдам бериш ишларини давом эттириш лозим.

9.

Суякнинг синиши, бўғимнинг чиқиши ва пайларнинг чўзилишида жабрланувчига биринчи ёрдам қандай кўрсатилади? Суяк синса ва бўғим чиқса, қўл ёки оёқ тўла ҳаракатсиз ҳолатда бўлиши керак. Бу каби бахтсиз ҳодисалар содир бўлганда шикастланган жойга совуқ жисм (муздек сув ёки қор солинган бутилка) ёки совуқ малҳам қўйиш зарур. Агар умуртқа поғонаси синган деган шубҳа пайдо бўлса (умуртқа поғонасида кескин оғриқ бор, қаддини бука олмаяпти, ўгирила олмаяпти), эҳтиёткорлик билан жабрланувчини кўтармай, тагига тахта ётқизиш ёки айлантириб қорнига ётқизиб, юзини ерга қаратиб қўйиш ва жабрланувчини кўтаришганда танасининг эгилмаслигини (орқа мия шикастланишининг олдини олиш учун) синчковлик билан кузатиб туриш лозим. Суяк синганда ва бўғим чиққанда шикастланган жойга шина қўйиб қўйиш зарур.

10.