Mexanizatsiyalash muhandislari instituti
§. Davlat yer kadastrining mazmuni
Download 1.34 Mb. Pdf ko'rish
|
Ер ҳуқуқи darslik
|
5.2§. Davlat yer kadastrining mazmuni
Davlat yer kadastrining mazmuni deganda yer uchastkalari bo‘yicha kadastriga taluqli harakatlar turlari tushuniladi. Shu boisdan davlat yer kadastrini yuritish deganda: a) yer uchastkalariga bo‘lgan huquqlarni davlat ro‘yxatidan o‘tkazish; b) yer miqdori va sifatini hisobga olish (tuproq bonitetini aniqlash); v) yerni qiymat jihatdan baholash; g) yer kadastri axborotini tizimlashtirish, saqlash, yangilab turish kabi harakatlar jamlanmasi tushuniladi. Yer uchastkalariga bo‘lgan huquqlarni davlat ro‘yxatidan o‘tkazish. Yer uchastkalariga bo‘lgan huquqlarni davlat ro‘yxatidan o‘tkazish tartibi O‘zbekiston Respublikasi Vazirlar Maxkamasi tomonidan 2018 yil 29 dekabrda qabul qilingan “Ko‘chmas mulk ob’ektlariga bo‘lgan huquqlarni davlat ro‘yxatidan o‘tkazish tartibini takomillashtirish chora-tadbirlari to‘g‘risida ” 1060--son qarori bilan tasdiqlangan “Ko‘chmas mulk ob’ektlariga bo‘lgan huquqlarni davlat ro‘yxatidan o‘tkazish tartibi to‘g‘risida Nizom”da belgilab berilgan. Unga ko‘ra yuridik va jismoniy shaxslarning ko‘chmas mulk ob’ektiga bo‘lgan huquqlarini Qoraqalpog‘iston Respublikasi, viloyatlar va Toshkent shahri er tuzish va ko‘chmas mulk kadastri davlat korxonasining tegishli tuman (shahar)dagi filiallari (keyingi o‘rinlarda davlat ro‘yxatidan o‘tkazuvchi organ deb ataladi) davlat ro‘yxatidan o‘tkazadi. Ko‘chmas mulk ob’ektiga bo‘lgan huquq davlat ro‘yxatidan o‘tkazuvchi organning rahbari tomonidan tayinlanadigan mas’ul shaxslar (keyingi o‘rinlarda ro‘yxatdan o‘tkazuvchi deb ataladi) tomonidan davlat ro‘yxatidan o‘tkaziladi. 78 Ko‘chmas mulk ob’ektiga bo‘lgan huquq hamda ko‘chmas mulk ob’ektiga bo‘lgan boshqa ashyoviy huquqlar, shu jumladan ushbu huquqlar va ular bilan bog‘liq bitimlarning vujudga kelishi, boshqa shaxsga o‘tishi, cheklanishi va bekor bo‘lishi haqidagi axborot 2019 yil 1 fevraldan boshlab, axborot-kommunikatsiya tizimlari vositasida davlat ro‘yxatidan o‘tkazuvchi organga mahalliy davlat hokimiyati organlari, notarial idoralar, O‘zbekiston Respublikasi Qurilish vazirligining hududiy bo‘linmalari, shuningdek boshqa vakolatli organlar tomonidan tegishli harakatlar sodir etilgan kundan boshlab bir kun muddatda taqdim etiladi. Bunda ko‘chmas mulk ob’ektlari bo‘yicha kadastr hujjatlari arxivini shakllantirish maqsadida ro‘yxatga oluvchi organlar ko‘chmas mulk ob’ektlariga nisbatan qaror qabul qilingandan keyin bir hafta muddatda davlat ro‘yxatidan o‘tkazuvchi organlarga ko‘chmas mulk ob’ektlariga bo‘lgan huquqni tasdiqlovchi hujjatlar nusxalarini yuboradi. 2019 yil 1 sentyabrdan boshlab Toshkent shahrida joylashgan ko‘chmas mulkka, 2020 yil 1 yanvardan boshlab esa Qoraqalpog‘iston Respublikasi va viloyatlarda joylashgan ko‘chmas mulkka nisbatan notarial harakatlar asosida vujudga keladigan mulk huquqi va boshqa ashyoviy huquqlar haqidagi ma’lumotlar Reestrga faqat notarius orqali taqdim etilgan talabnomaga asosan elektron shakldagi kadastr pasportini tayyorlash yakunlari bo‘yicha notariuslar tomonidan axborot-kommunikatsiya texnologiyalaridan foydalangan holda (ko‘chmas mulk bilan bitim tasdiqlanishidan avval) huquq egasini o‘zgartirish shaklida kiritiladi va bir vaqtning o‘zida Reestrdan ko‘chirma beriladi; 2020 yilning 1 yanvaridan boshlab qurilgan uy-joyga mulk huquqini hamda qonun asosidagi ipotekani davlat ro‘yxatidan o‘tkazish uchun uy-joyni foydalanishga qabul qilib olish dalolatnomasi va boshqa zarur hujjatlar tijorat banklari tomonidan Qoraqalpog‘iston Respublikasi, viloyatlar hamda Toshkent shahar er tuzish va ko‘chmas mulk kadastri davlat korxonasining tegishli tuman (shahar) filiallariga axborot-kommunikatsiya texnologiyalaridan foydalangan holda yuboriladi; 79 2020 yil 1 yanvardan boshlab ko‘chmas mulk ob’ektini «E-IJRO AUKSIO№» yagona elektron savdo maydonchasida auksion orqali sotish (davlat aktivlari qismida) va rieltorlik xizmatlari ko‘rsatish natijasida vujudga keladigan unga bo‘lgan huquqlarni davlat ro‘yxatidan o‘tkazish uchun zarur bo‘lgan ma’lumotlar tegishlicha Davlat aktivlarini boshqarish agentligi va rieltorlik tashkilotlari tomonidan davlat ro‘yxatidan o‘tkazishni amalga oshiruvchi organlarga axborot-kommunikatsiya texnologiyalaridan foydalangan holda yuboriladi; Reestrdan ko‘chirma Davlat aktivlarini boshqarish agentligi, rieltorlik tashkilotlari va tijorat banklari tomonidan mulkdorning xohishiga ko‘ra elektron va (yoki) qog‘oz shaklida ko‘chmas mulk ob’ektlariga bo‘lgan huquqlar va qonun asosidagi ipoteka davlat ro‘yxatidan o‘tkazilganidan keyin ushbu bandda nazarda tutilgan muddatlarda beriladi. Mulk huquqi va boshqa ashyoviy huquqlarni tashkilotlarning ma’lumotlari asosida davlat ro‘yxatidan o‘tkazish uchun ko‘chmas mulk uchun ko‘chmas mulk ob’ektlariga bo‘lgan huquqlarni davlat ro‘yxatidan o‘tkazish haqida ariza talab etilmaydi. Kadastr yig‘majildini birlamchi shakllantirishda ko‘chmas mulk ob’ektlari davlat ro‘yxatidan o‘tkazuvchi organ tomonidan joyga chiqib xatlovdan o‘tkaziladi. Kadastr yig‘majildini shakllantirish natijalari bo‘yicha kadastr pasporti beriladi. Kadastr pasportini berish tartibi va shakli O‘zbekiston Respublikasi Er resurslari, geodeziya, kartografiya va davlat kadastri davlat qo‘mitasi tomonidan belgilanadi. Ko‘chmas mulk ob’ektini texnik xatlovdan o‘tkazish davlat ro‘yxatidan o‘tkazuvchi organ tomonidan jismoniy yoki yuridik shaxslarning buyurtmasi asosida amalga oshiriladi. Buyurtmalar Internet tarmog‘i yoki Davlat xizmatlari markazlari orqali qabul qilinadi. Ko‘chmas mulk ob’ektiga bo‘lgan huquq turi yoki egasi o‘zgarganda, kadastr yig‘majildi faqat ko‘chmas mulk ob’ekti mulkdorining so‘roviga ko‘ra shakllantiriladi. |
